Fréttir 2007
 
Miðengi
Upp
Fréttir 2017
fréttir 2016
Fréttir 2015
Fréttir 2014
Fréttir 2013
Fréttir 2012
Fréttir 2011
Frettir 2010
Fréttir 2009
Fréttir 2008
Fréttir 2007
Fréttir 2006
Fréttir 2005
Fréttir 2004
Fréttir 2003

 

 

       

31. des 2007

            Jæja þá er árið bara að verða liðið. Svosem lítið búið að gerast hér undanfarna daga.  Reyndar helmingur af torfubúum stungnir af til Kanarí, og missa af rokinu og þessum eina snjó sem kom hér um daginn, eða hvað kannski voru þau ekki farin.  Þau hafa líka misst af roki og rigningu sem er nú frekar sjaldgæf á þessum slóðum undanfarið.

       Hvað um það allt, öll hross í Miðengi komin í hús enda ástæða til að halda heim heima heeh ekki alveg til í að tapa þeim á fjallið aftur verð ég að segja.

        Erum svo á leið í bæinn að í mat til Hödda og Möggu, ekkert smá svöng orðin hehe

      Búin að vera löt við að blogga undanfarið en líka búin að vera sprækari en vant er hvort sem það er nú samhengi þar á milli, þannig að ef ég blogga ekkert er ég annaðhvort nærri dauð eða óvenju spræk sem er nú líklegra.

     Annars kýkti Adam við um daginn og svo Ingþór daginn eftir sjálfsagt að athuga hvað væri að frétta fyrst ekkert gerist á síðunni, í dag kýkti svo Bjarni Þorkels og svo komu Særún, G.Rúnar og svo að sjálfsögðu aðaltöffarinn hann Júlían Máni. 

 Annars  bara gleðilegt árið og takk fyrir það gamla.

27. des 2007

Bensi bróðir á afmæli í dag til hamingju með daginn og fyrir þá sem ekki vita þá er hann 38 ára í dag, já ég er ekki
að  grínast veit að hann lítur út fyrir að vera mikið eldir en ég, en svo er nú ekki, hann er einu og hálfu ári yngri.

     Agalega kalt í dag en ansi margt betra en rok og rigning, nú er það bara frost og stilla rosa flott gluggaveður.  Það er bara verið að smíða á fullu i fjósinu þetta smátosast.  Erpur fær að vera hjá Danna framyfir áramót þannig að kannski verður Bjössi búinn að smíða alveg spes utanum hann já og setja bómul, það má nú ekki minna vera fyrir klárinn, en hann er víst bara að standa sig vel. 

26. des 2007

       Bjössi fór uppí bústað til Hödda og Möggu í morgun og náði í litla eldavél svo hann fengi nú eitthvað að borða en það verður nú samt smá bið á því, vélin virkar vel en það var jólaboð hjá Kötu frænku í dag, nú og ég dreif mig þangað ásamt Siggu og Samma, karlpeningurinn sem ákvað að vera heima fékk þar af leiðandi ekkert að éta ja nema finna það til sjálfir, gruna nú sterklega að ekki hafi verið kveikt á eldavélinni, nú og í kvöld þegar við komum heim vorum við enn södd það er við sem fórum í jólaboðið og vorum því ekkert að elda, held að það hafi nú ekki verið eldaður kvöldmatur hér á bæ, en sjálfsagt hafa þeir nú getað bjargað sér með eitthvað.

    Grái folinn minn hann Hæringur var nú samt nýbaðaður þegar ég kom heim, hann er bara fallegur finnst mér þessi elska svo er bara að vona að hann verði þokkalega góður líka það er jú engu að treysta með það.

25. des 2007

      Mamma og pabbi komu hér í hádegismat, eldavélin enn ónýt og líklega lagast hún ekki að sjálfu sér, en ég sá nú við henni, gat soðið kartöflur og útbúið sósu úti í hjólhýsi, maður deyr nú ekki ráðalaus.   Í kvöld var svo jólamatur hjá tengdó, rosafínt að venju, stoppum nú ansi stutt þetta árið en það var leiðindarverður á leiðinni í bæinn og líka á leiðinni austur en þetta hafðist nú allt saman.

24. des 2007

Gleðilega hátíð.

      Ósköp venjulegur aðfangadagur hér nema hvað ekki þurfti að mjólka enda allir klárir og svangir fyrir klukkan sex.  Það passaði svo að þegar ég slökkti á síðasta pottinum þá sló eldavélin út, þannig að hún þoldi ekki álagið og kannski alveg óvön því að ég eldaði neitt að ráði, en hvað um það.  Við hin þoldum jólaálagið bara vel fyrir utan að þurfa að bíða eftir að klukkan yrði sex og við gætum farið að borða.  Svo var auðvitað fullt af pökkum takk fyrir okkur.

23. des 2007

         Þá er nú bara þorláksmessan að verða búin.  Var með skötu í dag, hún var ansi góð fannst mér svona passlega sterk.  Annars  bara allt í rólegheitum allt klárt fyrir jólin eða þannig og ekkert á síðasta snúning nema kannski tiltekt sem angrar mig nú ekki, margt annað sem skiptir meira máli.

     Nú frétti að hann Kersins Freyr  væri orðinn pabbi í Noregi. Skildist að það hefðu komið 4 tíkur og einn rakki.  En heimasíða hvolpanna er   http://www.isheim.net/  það voru ekki komnar inn myndir en ég bíð spennt, skildist á Emmu að það væri dálítið mikið flekkótt en við erum nú ekki óvön því heeh

22. des 2007

        Jæja ég er eins og börnin skil bara ekkert í því hvað  tíminn er lengi að líða, finnst ég vera búin að öllu sem ég ætla að gera fyrir jólin, nema kannski taka smá meira til en það er nú eitthvað sem mér finnst minnstu máli skipta. 
        Búin að kaupa ca 7,5 kg af hamborgarahrygg sem á að duga fyrir 5 manns....nokkuð viss um að kokkar almennt reikni þetta ekki svona en af fenginni reynslu á vona ég bara að þetta dugi, veit svosem að þetta dugar á aðfangadagskvöld, svona í fyrstu umferð, en hversu mikið verður eftir þegar ég vakna á jóladagsmorgun er ég ekki viss um.
       Skatan er líka klár, strákarnir éta reyndar ekki skötu en við hjónakornin og Sigga erum voða hrifin af skötu nú og svo koma mamma og pabbi uppeftir í skötu líka.

       Annars var ég að skoða HD og augnskoðunnarlistann því ég held að Tíbrá geti byrjað  að lóða um miðjann febrúar og þá verði ég að fara að hugsa minn gang með hund.  Er nú eiginlega búin að velja hund enda ekki mikið í boði eða þannig.  Þarf hund sem er ekki skildur Tíbrá of mikið, hann verður líka að vera HD fri og augu í lagi.  Ekki vera ofnotaður þannig að það er nú ekki mikið í boði sérstaklega ef ég ætlast nú líka til að finna fallegann hund, en hann er semsagt fundinn eða það eru tveir sem koma til greina, þannig að ég þarf bara að spjalla við ræktandann og svo eigandann og sjá hvað og hvort þetta er eitthvað sem gæti virkað.
     Það er einsgott að tíkin verið ekki hálóða þegar ég verða á Kanarí.....

      Er svo farin að huga að mjaðmalosmyndatöku fyrir Týru og svo fyrir Lindu, fer nú kannski bara með þær  báðar í einu, en sé nú bara til, Týra verður tveggja ára í júní en Linda ekki fyrr en í lok okt.  Annars er Bjartur II sem býr í Finnlandi og er albróðir Lindu búin að fara í þetta allt og er að sjálfsögðu fullkominn hehe allavega klár í ræktun og það er nú ekki hlaupið að því í Finnlandi, þeir eru alveg sérstaklega duglegir að spá í heilsufar og ekki allir sem sleppa í gengum þeirra nálarauga í sambandi við ræktun.

     Hér kom svo jólasveinn með jólakartöflur handa okkur, takk fyrir það.

20. des 2007

        Maður er nú orðin svo ruglaður að nú undir kvöld man ég nú bara ekkert eftir því hvernig veðrið  var í dag,  jú fór á Selfoss í morgun og þurfti að nota rúðuþurkurnar = rigning, já og fyrst ég fór hefur ekki verið bálhvast, þannig að rigning og ekki mikið rok, gæti hafa verið í dag.  Annars bara lítið að frétta, langt komin með jólagjafirnar,samt smá eftir mesta málið að finna hvað hentar krökkunum.......

19. des 2007

     Hvað maður getur orðið pirraður og geðvondur að hafa ekki vatn.  Vatnið fór í gær um hádegi held ég og kom aftur um kaffileitið og ég er að tala um kalda vatnið.  Í dag fór svo vatnið aftur um kaffileitið, sjálfsagt útaf viðgerð einn ganginn enn og enginn látinn vita frekar en vant er.  Held að klukkan hafi verið að ganga átta þegar Mieðngimenn fóru út til að setja hrossin út og sjá hvort ekki væri pollur eitthversstaðar, skítt með það þó ég hefði ekki vatn í grautinn, en verra með hinar skepnurnar.  Vatnið kom svo í kvöld þannig að nú vona ég að þessi viðgerð sé nú loks komin til að vera eða þannig.

18. des 2007

        Var aldeilis vöruð við aukaverkunum af sprautunni í gær, hár hiti og flensueinkenni og þetta ferli átti að byrja klukkan fimm í gærdag.  Þannig að seinnipartinn í gær var mín aldreilis tilbúin, með sæng (eins og alltaf) munnmæli til að fylgjast með hitanum og svo allar gerðir af hitalækkandi og verkjastillandi lyfjum eins og mér var ráðlagt, nú þegar klukkan sló fimm og ég á klukku sem slær þá bara gerðist ekkert, ok hugsaði mín, gæti kannski dregist til hálf sex.... skildi  bara ekkert í þessu en undir kvöld var ég nú orðin dálítið óþolinmóð,  datt helst í hug að ég væri kannski orðin fárveik og með hita en fattaði það bara ekki, svo ég mældi mig og viti menn 37,5 ok það er nú ekki hiti.  Tók verkjatöflu til öryggis, svaf nú bara í alla nótt þvert ofaní það sem átti að vera og vaknaði óvenju spræk í morgun.  Sviminn farinn í bili, en jafnvægið enn alveg útá þekju en það gerir svosem ekkert til.  Þannig að ég hef það bara ágætt. 

     Danni mætti hér svo aftur í dag, og nú með Ármann dýralækni, en nú átti að frostmerkja restina af folöldunum, og kanna með þetta eina sem á að vera merkt en ekkert merki fannst í, enn var ekkert merki í því þannig að eigandinn ætlar að láta kanna það eitthvað betur, hvort merkið hafi virkilega bara horfið eða hvað.

     Fór svo á Selfoss í dag, langt komin með að gera allt sem gera þarf sam öruggelga hellingur eftir en skatan er komin í hús og hamborgararhryggirnir, en ekki veitir af tveimur með þessa úlfa bæði Dóri og GR geta nú aldeilis étið.  Einn hryggur frá SS og annar Nóatúnshryggur, svo er að sjá eða finna hvor bragðast betur.

17. des 2007

       Rok og rigning alveg endalaust.  Fórum í bæinn í morgun en ég átti að mæta á göngudeild taugalækninga til þess að byrja í MS meðferð.  Lærði að sprauta mig sem var nú bara ekkert mál og mun minna mál en að sprauta belju.  Nú svo þegar ég var búin og á leið út af spítalanum ásamt Bjössa sá ég að forsetabíllinn beið bara og örugglega eftir mér, valdi nú frekar að fara í Raminn, mikið flottar bíll en svarti með fánann. 

     Nú svo kom Danni með tvö folöld hér í dag, það smábætist  við þau.

      Guðni Reynir sæddi svo tvær ær hér í dag, vonandi halda þær.

16. des 2007

      Lísa dýralæknir kom hér í dag og nú er búið að örmerkja öll heimafolöldin og 4 aðkomufolöld held ég, þrjú fannst örmerki í og 5 eru þá enn ómerkt eða merki fannst ekki í.  Er nú nokkuð viss um tvö þeirra og þá eru þrjú brún eftir en það finnst úr úr því.  Lísa bólusetti öll lömbin líka þannig að nú er það frá, þá er bara eftir að setja fullorðinsnúmer í smálömbin, bólusetja það við garnaveiki og gelda hrútlömbin þannig að þetta er allt að gerast.  Annars á ég að fara á morgun uppá spítala í fyrstu MS sprautuna, veit nú ekki alveg hvernig það á eftir að ganga að læra að sprauta í vöðva en eins og Pétur sagði, þeir sem eru vanir að sprauta kýr fara létt með þetta hehe

15. des 2007

      Mikið að gera í hrossastandi í dag, fór svo á Selfoss um sex leitið að sækja Þóru á rútuna, skildi Bjössa og Jonna eftir í hesthúsinu hjá Gesti.  Fórum svo í matarklúbb á Stokkseyri, vorum svo heppin að Gummi i Klausturhólum kom við og tók okkur Þóru með en Linda var veik, hirtum svo Jonna og Bjössa upp í hesthúsinu á Selfossi og þaðan haldið á Stokkseyri, rosagóð mæting í matarklúbbinn.  Mikið rætt um hvert skal fara á 15 ára afmæli klúbbsins,,,,,spurning hver hefur hæðst og fær að ráða hehe en held nú að þetta verið allir kátir hver sem haldið verður...

14. des 2007

      Jæja rok, rok og aftur rok.  Þetta er alveg með ólíkindum.  Dóri kom heim úr skólanum með rosastórt glóðurauga, en hann hafði lent í samstuði þegar hann var í körfubolta, held samt að sá sem lenti á Dóra hafi verið í fótbolta.  Fór nú að spyrja Dóra um þetta glóðurauga og fékk bara svarið ,,þú ættir að sjá hinn" en sá var víst saumaður ein 5 spor.  Spurði Dóra hvort hann væri ekki með verk í þessu eða hausverk en það eina sem hann hafið áhyggjur af var útlitið....

    Held að það hafi verið sett járn á eitthverja fola hér í kvöld, kominn tími á það fannst eigendunum sjálfsagt, en alltaf heilmikið um að vera í hrossum.  Keyptum okkur svona örmerkjaskanna en það er alveg nauðsynlegt í hrossin,,,búin að prufa græjuna á Glampa og þetta svínvirkar, sé samt að það eru hinar ýmsusu takkar á þessu og jafnvel USB tengi.... og til hvers ætli það sé nú?  Hlít að komast að því fljótlega.

13. des 2007

       Bara  dottið út heill dagur hjá mér, en þetta gerist bara hjá besta fólki, heilu dagarnir bara horfnir, kannski ekki endilega miðvikudagar en svona er þetta bara.

       Það var semsagt heilmikið rok hér í nótt, held svo að það hafi verið Árni á Bíldsfelli sem var að vinna hér niður í sumarhúsahverfi í dag sem lét vita uppúr hádegi að það væri  bara eitt stykki þak horfið af sumarhúsi.  Finnst þetta rosaskrítið því það er svo mikil umferð þarna að það skuli annaðhvort enginn sjá heilt þak næstum í vegkantinum eða að þakið var farið af húsinu, nú svo er sá möguleiki líka til að það hafi bara hreinlega  verið myrkur þegar iðnaðarmenn voru á ferð í morgun eða það sem maður trúir nú bara alls ekki er að fólki detti ekki í hug að láta vita.  Veit ekki ef Árni hefði ekki séð þetta hvort eitthver annar hefði látið vita.  Hvað um það, setti myndir á forsðíðuna.  Orri kom svo hér undir kvöld en þá hafði hjálparsveitin Tintron verið síðan um klukkan fjögur í dag að hjálpa henni Láru og fj við að taka saman brakið, þetta er skelfilegt að lenda í þessu og þetta líka fallega hús.  Veit svosem ekki hver sá um að vinna þessa vinnu það er að setja þakið á en sá hefur líklega ekki kunnað vel til verka því mér skildist að járnið hefði verið nelgt niður í spítu og naglinn verið ca 2-3 cm lengri en spítan og átt að fá hald þar undir...það greinilega virkar ekki og jafnvel ég hefði fattað að kannski væri skrúfa eða svona gamall þaksaumur sem er snúinn betri allavega fór þakið og sást bara niður í panelinn sem er í raun inní húsinu.  Svo undir kvöld þá kom þvílík rigning, jæja þýðir ekki að fást um það sem orðið er en sem betur fer slasaðist enginn og enginn dó, maður getur svosem þakkað fyrir það.

    Annars  búin að vera ótrúlega brött í dag, fór í hesthúsið, og út að keyra, fór á Selfoss og alles.

    Bjarni Þorkels kom líka að taka út aðstöðuna, já og skoða hrossin en held nú að ef vel væri að gáð eigi nú ansi mörg hross ættir sínar að rekja til hans ræktunnar, bara mislangt en þó ansi mörg ansi stutt.

    Jú og svo fann ég það út að www.kersins.is  væri nú líklega ennþá í dvala, fann ráð við því en ég sendi  bara aðgangsorðið og alles til Lindu þá kannski gerist eitthvað.  Talaði svo við þá í henni Reykjavík sem hýsa síðuna og þeir komu eitthverju lagi á þetta, þannig að hver veit nema eitthvað gæti gerst svona allavega fyrir árið 2010.

11. des 2007

      Guðni Reynir aðeins farinn að hleypa til, held að það séu komnar ca 7 kindur í hrúta, nú og svo stendur  til að sæða eitthvað en GR fór á námskeið og getur því sætt sjálfur þegar réttu kindurnar eru að ganga.

     Þorrablótsfundur var í kvöld, þetta er allt að gerast og að sjálfsögðu verður þetta flottasta þorrablót ever...þetta verður ekki þorrablót heldur ÞORRABLÓTIÐ....

10. des 2007

     Fór í Laugarás í morgun til Péturs, Bjössi keyrði mig.  Svosem ekkert um það að segja aðallega að fá útfyllta pappíra en það gerist víst ekki sjálfkrafa.

    Við Dóri erum aðeins farin að spá í graðhesta fyrir næsta sumar....gaman, gaman það lítur út fyrir að ég sé með jafnmarga folatolla uppí erminni eins og hryssur þannig að það er bara að draga hver fer hvert hehe og ekki nóg með það heldur setti ég Nös sem þeir Bjössi og Jonni eiga inní þessar spögleringar þannig að ef þeir nota ekki eitthvað af því sem ég  vill nota þá verð ég að fara með Forsetadótturina mína í graðhest hehehe, en auðvitað gera þeir eins og ég segi eða þannig, allavega er ég með Aronstoll á húsi, og hef svo augastað á bæði Þórodd og Hróð en auðvitað er það svosem ekki í hendi.  En allavega á óskalistanum fyrir næsta vor.  Var svo að hugsa um að fara með eina hryssu undir Goða frá Þóroddsstöðum en það er eins með hann maður veit ekkert hvað verður í gangi með þessa hesta á landsmótsári, kannski seldir út eða ekki til notkunnar fyrr en eftir landsmót og jafnvel allt nú þegar orðið fullt, hvað um að ég finn út úr því þegar nær dregur.

    Man nú ekkert hvort ég var búin að segja frá því en það er búið að fala Hæring aftur norður í land næsta sumar að mér skilst, sjáum til hvort klárinn verður góður en það skiptir nú dálitlu máli en geðslagið frábært sem skiptir líka milku máli.  Allaavega hafið hann það alveg frábært þarna á Stóru Borg síðasta sumar, kom heim í rosafínu formi, sem er jú ekki kannski sjálfgefið en við vorum ansi heppin með það við Hæringur og takk fyrir það Stóru Borgar menn og konur í Húnavatnssýslu.

    Heyrði um daginn skýringu á því hvað MS er....læknarnir standa dálítið á gati með þetta en það gera svosem dýralæknarnir með riðuveikina líka....skellur í heila er það ekki eitthvað sem MS sjúklingar hafa og líka riðuveikar rollur??  Sama göngulag og alles,,,þetta  getur bara varla verið skýrara bara að vona að Sigurður dýralæknir fatti þetta ekki því þá verð ég ekki á vetur setjandi en reyndar er MS ekki smitandi en er riðuveikina það??  MS virðist bara detta inn hér og þar en það gerir riðuveikin líka, og þegar heill stofn er felldur af fé þá er það jú líkast til ansi skylt þannig að það gætu verið sömu veikleikar sem valda því að sumar kindur fá riðu og sumt fólk fær MS....vonandi fæ ég samt að fara áfram útí fjárhús.

9. des 2007

     Búin að vera ansi mikið léleg fyrri part dags, og sá nú bara ekki fram á að komast á jólatónleiknana hans Bjögga en krakkarnir voru svo spennt að fara svo Bjössi dreif mig mið, þetta var rosagaman, og gaman að sjá Svölu Björgvins syngja lögin sem hún söng sem barn algjörlega frábært hjá henni, var bara alveg heilluð,  nú og Helgi klikkar ekki, já nenni nú ekki að telja alla upp en semsagt rosagaman.

8. des 2007

      Ansi kalt í dag, en gott veður samt, aðeins riðið út en svo var verið að moka hesthúsið og þ.h splæsa sagi undir dýrgripina og alles.  Eittfolald var svo sótt hingað, en þar sem þau voru ekki örmerkt þá vorum við ekki klár á því hvað var hvað....ekki gott þannig að sá sem sótti sitt folald var svosem ekkert viss um þetta heldur þannig að næst verður ekki tekið við þeim nema örmerktum, var reyndar fyrir helgi búin að panta svona aflesara nú og svo er bara spurning um að senda GR á eitt námskeiðið enn og fá hann til að læra að örmerkja en það er nú seinnitímavandamál, þangað til situr Lísa í súpunni.

7. des 2007

      Aðeins sprækar i dag, kannski fæ ég þennann svima af lyfjunum sem ég var sett á.....eins gott að ég lagist þá af lyfjunum sem á eftir að setja mig á hehe.

     Jæja tölum um eitthvað skemmtilegra, Dóri fór á hestbak á Hæring í dag, nennti nú ekki að vera mikið inni í gerði og fór hér tvo monthringi svo ég fengi nú að sjá gripinn.  Líst nú bara ansi vel á klárinn, tók dálítið í tölt og var bara fínn, brokkaði vel en vildi flýta sér líka, þetta á vonandi eftir að ganga vel, reyndi að taka vídeó en líklega hefur slegið eitthvað saman í kollinum á mér einn ganginn enn því það virðst bara hafa verið kveikt á vélinni þegar Dóri var í hvarfi en svo hef ég sett á stop á videóinu þegar þeir félagar fóru hér framhjá, en ég á örugglega eftir að sjá til þeirra aftur.

     Sigga búin að versla inn fyrir mig, ættum ekki að svelta þessa helgina.  Annars var nú ekki annað en hægt að hlæja af henni þegar hún fór að tala um að það væri nú rosalega mikil vinna að vera húsmóðir, þurfa að versla inn OG elda, engin smá vinna það og í gær passaði hún Völu í tvo tíma sem henni fannst nú rosagaman, en fannst nú á henni að það væri nú varla hægt að vera með lítið barn, versla inn og elda og allt sama daginn jafnvel,  og inn í þessa fullu vinnu vantaði alveg að taka til, skúra, nú og gera og græja allann þvott endalaust.  Hún skildi held ég bara allsekki hvernig konur fara að þessu öllu saman, held að henni hafi fundist ekkert mál að gera þetta allt eitt og sér en að þurfa að gera þetta allt á sama degi jafnvel, það er víst alveg ógerlegt.

    Guðni Reynir fór svo að setja fullorðinnúmerin í lambhrútana, það gekk nú ekki þrautarlaust, hann fór út með því hugarfari að merkja 4 lambhrúta og 18 smálömb, þetta gekk bara frekar illa, einn hrúturinn braut nú strax annað merkið, og svo var það hann Bergur frá Bergi sá var nú ekki kátur með að láta handsama sig og þetta er nú engin smá gripur af lambi að vera.  Nú svo fundust eyrun nú varla fyrir hornum og allt eftir þessu.  Held að sjálömbin verið bara að bíða betri tíma, líklega þegar Adam kemur næst þá verður farið í þetta hehe

6. des 2007

         Hafði það svona ljómandi gott fyrripart dag, en ekki eins spræk seinnipartinn, tók uppá því að baka smá, og annaðhvort var það lélegheit við bakstur en Sigga varð að klára fyrir mig eða þá að ég hreinlega fékk bara ælupest, allavega ansi lélég og svo mikill svimi að var bara ekki viðræðuhæf.

     Annars kýkti Böðvar á Efri Brú í kaffi hér svona að líta á folaldaútgerðina í fjósinu já og sjá hvort ég væri uppistandandi, enda spræk þá sem  betur fer.

5. des 2007

       Hef það svona glimrandi gott í dag, eins og svosem alltaf, er reyndar með ansi mikinn svima sem drepur mig nú ekki og vinstir afturlöppin er ekki alveg tilbúin að fylgja mér ef mér dettur í hug að hreyfa mig mikið.  En hún kemur nú alltaf fyrir rest.

     Dóri fór á hestbak já og Sigga líka, já Guðni Reynir fór líka á bak, alveg brjálað að gera hjá þeim.  Var voða spennt að sjá Dóra á Hæring en treysti mér svo ekki út enda örugglega ekki mikið að sjá fékk bara fréttir og gekk þokkalega, held að Dóri ætli að nota jólafríið í að nota klárinn á fullu.

4. des 2007

      Fór með Bjössa á Selfoss í morgun ágætt að hafa bílstjóra þegar maður er meira ruglaður en vant er.  Þetta voru nú aðalega snúningar í kringum TR og að átta sig á þeirri flóru.  Komst að því að á sýsló þarf maður að labba upp stiga á aðra hæð til að sækja um P merki....bara snilld sérstaklega ef fólk er mikið fatlað.  Var reyndar bent á lyftu svo ég kæmist nú örugglega niður aftur og var meira að segja fylgt niður svo ég mundi nú ekki villast en lyftan er geinilega ekki ætluð almenningi. 

      Nú seinnipartinn fórum við svo í Pulu til að koma Erp í tamningu, svona mánaðarprufukeyrsla til að sjá hvort hann fái geldingardóm, en á nú ekki von á því enda flottur foli.  Hæringur var svo sóttur en hann var í Hemlu og búinn að vera í svona prufukeyrslu, nú gat ekki skilið annað að ef hann væri rauður eða brúnn ætti ég samt ekki að gelda hann.... en auðvitað getur hann orðið bestur eins og vonir standa til en hann gæti líka klikkað það er bara þannig ómögulegt að vita en fyrir þá sem ekki vita þá er hann hvorki rauður né brúnn, í raun er hann með jarpann grunn, fékk svo álótta litinn =bleikálóttur fékk líka vindótt=bleikálóttur vindóttur og svo ofaná allt saman fékk hann grátt, og í dag er hann í raun hvítur, en þar sem hann er álóttur og vindóttur þá heldur hann gráa litnum á hausnum og löppunum og er með gráann ál, reyndar er hann bara svona tvisvar á ári og tvisvar á ári koma svo hin tvö tímabilin þar sem hann er alveg hvítur.... spennandi, og mjög spennandi að sjá hvað kemur undan honum næsta vor en ég ég hélt 3 hryssum undir hann og svo var hann í stóði að Stóru Borg í Hún.

3. des 2007

         Jæja þar kom að því.  Fór til taugalæknisins í dag, og  viti menn það fyrsta sem hann sagði var að nú væri kominn tími til að setja mig á lyf.  Fékk fullann poka af eitthverjum lyfjum sem eiga að virka á lappirnar á mér en mér finnst ég alltaf ganga á glerbrotum.  Nú og svo er bara næst á dagskrá að fara inná dagdeild taugalækninga og vera þar ca hálfann dag og læra á þetta lyf sem ég á að fara á en held að þetta séu sprautur sem ég á að nota vikulega.  Spurði doktorinn hvort þetta yrði fyrir jól, hann hélt það nú, ekki spurning.  Er samt ekki alveg viss um að hann hafi áttað sig á að það eru næstum komin jól hehe. 

           Hvað um það allt saman, er semsagt komin með endanlega greiningu og er með MS verra gæti það nú verið, það er ég alveg viss um.  Það liggur bara líka ljómandi vel á mér, loksins komin skýring á þessu sleni sem er búið að vera síðan í vor já og jafnvel lengur.  Líklega er eitthvað meira að mér því mér finnst þetta bara ekkert mál en þetta er samt áfall fyrir flesta aðra hehe alltaf verið hálf skrýtin og það virðist ekkert vera að lagast.

2. des 2007

Mamma og pabbi eiga 40 ára brúðkaupsafmæli í dag til lukku með daginn.

        Rosalega fínt veður loksins.  Varð nú aldeilis hissa í morgun, haldið þið ekki að Dóri minn hafi bara tekið af borðinu alveg óbeðinn.  og svo aftur í hádeginu, frekar skrítið en var nú samt ansi ánægð með minn mann.

      Annars á ég tíma hjá taugalækninum á morgun, vonandi klárar hann þessa geiningu en allar rannsóknir segja MS það eina sem vantaði síðast þegar ég fór var að ég ber mig kannski bara ekki nógu illa, segist bara hafa það gott þó svo að ég slengjist hér á milli  veggja útaf jafnvægisleysi, Dóri minn sagið að þetta væri nú bara skondið að sjá mig en sagði svo en ,,ég veit að ég á ekki að hlægja að þessu en það er ekki annað hægt"....  en er nú heppin með að það er stutt í næsta vegg til að stiðjast sig við. 

     Adam og Elfar kýktu hér í dag, svona að taka út aðstöðuna í fjósinu, held að þeim hafi bara litist vel á.

1. des 2007

       Allt að gerast eða þannig, byrjaði á að selja eitt stykki folald hann Gogga Mega, nú svo á Jonni orðið Jökul, eitthver díll hjá þeim bræðrum, þannig að ég á bara 3 folöld, en eins og glöggir menn munda var settur á mig kvóti hér um árið og talað um þrjú folöld, eða þrjár hryssur sem ég mátti halda þannig að nú get ég kannski sýnt fram á að ég er innan marka. Enda veitir mér ekki af því að af 12 folöldum sem fæðast hér næsta vor á ég átta....en sjáum hvernig þetta stendur að ári.

      Folöldin okkar voru svo tekin inn í dag, held að það fara agalega vel um þau.

     Nú hér komu svo 13 fölöld frá Pulu og nágreni í dag, aðeins mætti laga litaflóruna en ansi eru þau falleg þrátt fyrir rautt og brúnt hehe, ein bleikblésótt hryssa, einn bleikskjóttur hestur, einn bleikálóttur hestur, ein jörp hryssa, sjö skykki brún, fimm hryssur og tveir folar, kannski eins og eins stjarna í þessum hóp svona til skrauts, nú og svo ein rauð hryssa og einn rauður hestur með stjörnu.  Þessi folöld eru svo undan úrvalshestum eins og Þóroddi (3), Aron, Stála, Blésastaða Bjarkari, Gaum, Krák, Vilmundi, Flygli. Álfastein minnir mig er nú samt örugglega að gleyma eitthverju. 

      Er nú ekki frá því að Miðengismenn þurfi bara að fara að smíða fleiri stíur, sem er svosem ágætt því nóg er plássið en kannski ekki eins mikið af tíma en þetta tosast nú allt samt.

30. nóv 2007

       Ansi mikið rok í dag, ætlaði loksins að fara út í fjós og skoða nýju folaldastýjurnar en ég komst bara áleiðs að húsinu hjá Bensa og Kristínu þegar ég gafst upp, hélt að ég myndi bara fjúka og kannski bara eins gott að kílóin sem ég ætlaði að vera búin að ná af mér fyrir löngu síðan voru ófarin.  Ekki oft sem manni finnst þau gera gagn en ég hefði örugglega fokið ef ég hefði verið mikið léttari.  Bjössi sá til mín og bauðst til að skutla mér alla þessa leið og auðvitað gat ég ekki speppt því, vona bara að það verði betra veður á morgun en þá á að taka folöldin inn, já og jafnvel eitthvað tryppadót.

29. nóv 2007

     Jæja þá eru Miðengismenn farnir að mjólka aftur en reyndar ekki hér heldur hjá Gústa á Stærri Bæ en fjöskyldan þar skrapp til útlanda.

      Dóri kom ekkert smá ánægður heim úr skólanum í dag, það var verið að kenna glímu og mínum manni gekk svo ljómandi vel,  held nú að elstu menn muni kannski eftir glímumanni sem hét Halldór í Miðengi...gott ef ekki var en það var nú svosem fyrir mína tíð og reyndar löngu fyrir mína tíð.

28. nóv 2007

       Fór með Dóra í Laugarás í morgun að láta taka saumana, 12 saumar voru teknir og þetta lítur  bara ljómandi vel út.  Og haldið þið ekki að það hafi komið afsláttarkort frá Tryggingarstofnun í póstinum í morgun, gidir fyrir Dóra og Siggu.  Hélt að maður þyrfti að safna miðum og alles, til að fá svona en þetta virðist bara vera orðið sjálfvirkt, ótrúlegt en satt. 

     Svo var haldinn fyrsti fundur í þorrablótsnefndinni, þetta verður bara gaman og vonandi ekkert flókið heldur. 

27. nóv 2007

         Fór að Sólheimum í dag en þar var Dóri og skólinn með sýningu, komst nú ekki lengra en í hlaðið þar, Dóri fann út um leið og hann sá að ég var komin að það væri nú svosem algjör óþarfi að drösla mér á þessa sýningu þá þyrfti ég að labba uppað húsinu og alles,,,,auðvitað réð hann þessu heheh verst var að ég hefði kannski komist upp með að fara á náttfötunum ef ég hefði vitað þetta, þannig að aumingja ég þurfti að hafa fyrir því að klæða mig og alveg að óþörfu, en svona getur þetta verið, hefði svosem getað keyrt útaf og þá var nú gott að vera klædd.  Annars er bara allt í góðum málum, farið að snjóa aðeins en samt meiri snjór austur á sveit en hér en hver veit kannski á þetta eftir að lagast, verða kannski bara snjór í vetur.  Eða eins og eitthver sagið í sjónvarpinu um daginn þegar hann var spurður um það hvort það yrðu hvít jól, og ég er að tala um verðurglöggann mann, hann sagði semsagt:  ,,Það gæti verið".

26. nóv 2007

       Það fer nú bara bráðum að koma desember, hver hefði trúað þessu og ekki nema örstutt síðan folöldin voru að fæðast í vor.  Mikið sem tíminn er fjótur að líða en þetta gerist kannski þegar maður er komin á gamalsaldur hehe eða þannig,annars bara ekkert að frétta, alltaf verið að vinna í að gera og græja úti í fjósi en það á að taka inn folöldin næsta laugardag, held að það verði nú dágóður slatti sem fer inn síðustu tölur segja 15 folöld, en svosem ekki gott að segja hvað verða mörg þegar á reynir kannski fleiri og kannski færri, en að sjálfsögðu stórættuð en ekki hvað. 

     Fór með Skrámu aftur upp að Flúðum að heimsækja Canis í dag og gekk glimrandi vel, ef það koma hvolpar sem er nú frekar líklegt þá ætti það að vera um þorrablótshelgina,,,síðustu helgina í janúar ef allt fer sem horfir.

25. nóv 2007

        Lítið um að vera í dag já eiginlega bara ekki neitt.  Í gær var eitthverjum hrossum smalað saman, þaðer svona farið að tosa þau heim, það virðaast nú vera ansi mismiklir hnjóskar í þeim, einn foli meira að segja með hnjóska á nefinu...svosem ekkert við þessu að gera bara passa að þeir séu feitir og pattaralegir.

24. nóv 2007

       Þannig er að Skráma byrjaði að lóða um daginn og nú man ég næstum ekkert hvenær það var en mundi þó að ég ætlaði að para hana þessa helgi.  Fór með hana upp að Flúðum að heimsækja Canis og viti menn, kannski koma bara hvolpar eftir 9 vikur, spennandi að sjá hvort eitthvað kemur og hvað þá.

      Komin mynd af Skrámu og svo var ég að setja inn nýtt skipulag.  Kominn tími á að taka til á síðunni en svosem ýmislegt sem á eftir að laga líka í viðbót, t.d hestar til sölu og þ.h

     Fórum svo í 100 ára afmæli Ungmennafélagsins Hvatar sem er hér í sveit, flottur matur og bara ansi fínt afmæli, ræður passlega langar, en þetta var nú kannski ekki alveg búið þegar við fórum heim, en rosa gaman og takk fyrir okkur.

23. nóv 2007

      Fórum af stað um níu leitið í morgun, frekar leiðinlegt veður snjókoma, slydda og rok, sittlítið af hverju.   Stefnan tekin að Bergi til Önnu Dóru og Jóns Bjarna, vorum komin þangað uppúr ellefu, hundahúsið skoðað og hrossin, hesthúsið og reiðhöllin, já og auðvitða kýti í kaffi og skonsur.  Þaðan fórum við svo til Kollu að kýkja á hvolpana, ansi fallegir hvolpar verð ég að segja og ótrúlega þægir líka, held að Kolla sé kannski dálítið dugleg við að kenna þeim hvað má og hvað má ekki. En mjög flottir hvolpar.  Nú næst fórum við í Stykkishólm að sækja pabba og það passaði við vorum komin þangað uppúr hálftvö og þurftum ekkert að bíða.  Fengun bara gott verður heim og komin heim um fimmleitið.  Skaust svo aftur á Selfoss til Sverris á IB og náði mér í eitt stykki  bíil, sem er bara flottur, Dodge Ram mega cap, held ég að hann heiti og hvítur bara flottur reyndar ansi stór en það gerir ekkert til, við erum svo mikið með hestakerru nú og ef við þurfum að snúast í henni Reykjavík sem gerist nú ekki oft þá getum við alltaf fengið bílana hjá krökkunum en ég held að ég komist ekki í stæði í henni Reykjavík.  Á orðið ansi erfitt með að stíga á olíugjöfina í eitthvern tíma og þarna er ég komin með bíl sem er með cruse control eða hvað það nú heitir, og eins get ég fært petalana nær mér og því setið undir stíri án þess að vera alveg í fremstu stillingu hehe, tekur kannski smá tíma að venjast svona stórum bíl en hef nú engar áhyggjur af því, Sigga bíður svo bara spennt að komast í meiraprófið því hún má ekki keyra þennann bíl. 

22. nóv 2007

       Kýktum á heilsupakkann á hótelinu í dag, algjör snilld, nuddstólar og bekkir og hinar ýmsustu ylmmeðferðir og hver veit hvað.  órum svo eftir hádegið í Borgarnes, kýktum á landnámssetrið og svo hittum við G.Rúnar og Særunu, þau buðu okkur út að borða á stað sem heitir Hraunsnef og er rétt norðan við Bifröst, frábært staður og frábær matur, nú og auðvitað frábær félagsskapur, þetta var rosalega gaman, takk fyrir okkur.  Vorum svo komin aftur uppá hótel um hálfellefu og enn ágætt veður en í morgun var alveg rosalega kalt.

21. nóv 2007

     Bara ekkert um að vera er samt lifandi þó ég hafi verið löt að uppfæra.  Erum að fara í Borgarfjörðinn í dag og komum ekki heim fyrr en á föstudag, þannig að hér verður ekkert uppfært fyrr en um eða eftir helgi....

    Fórum á Hótelið í Reykholti en það er Fosshótel, og þessi fíni heilsugangur, skoðum hann á morgun.  Fengum voða gott að borða, og fór afskaplega vel um okkur bara.

18. nóv 2007

         Það er svo kalt...allavega ekki útiveður fyrir mig.  Annars lítið um að vera, við settum merki í ásetningsbimbrarnar í dag, eigum þá eftir að setja í smálömbin og hrútana, þá ætti þetta  bara að vera að verða klárt fyrir veturinn.

17. nóv 2007

        Ansi leiðinlegt verður í dag eins og svosem alltaf finnst manni orðið.  Hluti af hrossunum rekin saman í dag, og ástand kannað almennt nokkuð gott en þó er þarna klárar tveir annar frá Bjössa og hinn frá Adam sem báðir mættu vera í betra standi, sá frá Adam var víst hnjúskalaus um daginn en nú fullur af hnjúskum þannig að þetta er greinilega fljótt að breytast.  Sum hrossin komu reynda  bara ekkert heim, en það ætti nú að vera hægt að nálgast þau í næstu ferð.

     Uppfærði niðjatalið hennar Ólafíu ömmu, en það voru uppl. sem vantaði inn varðandi forferður hennar nú og eins sá ég í Íslendingabók að það er komið nafn á dömuna sem var óskýrð þegar ættarmótið og niðjaltalið var gert og eins er barnið komið sem von var á í september og sem betur fer því ekki væri það nú gott og það væri ókomið enn, og það var stúlka sem er greinilega komin með nafn en þetta fann ég semsagt allt í Íslendingabók því ekki eru senda uppl. svona sjálfkrafa á mig .....allir sjálfsagt svo uppteknir en ég semsagt hefði helst viljað getað uppfært þetta jafnóðum þannig að ef eitthvað vantar þá er því um að kenna að ég frétti hugsanlega bara ekkert af þeim sem bætast  við.  Það verður þá allavega sett inn þegar næsta ættarmót verður hvenær sem það nú verður.

15. nóv 2007

       Þá held ég að ég sé loksins  búin að klára allt sem ég þurfti að gera þessa vikuna, ansi mikið búið að snúast og núna í morgun fór ég til Reykjavíkur í heilaskannann, Bjössi keyrði mig sá að ég mundi verða mun fljótari ef ég þyrfti ekki að leita að stæði ofaná allt annað sem er nú alveg rétt.  Ekki  gaman að finna bílastæði fyrir utan spítala.  Skildist á þeim þarna fyrir sunnan að það var lesið úr þessu í dag, nú svo er niðurstaðan send á minn lækni sem sjálfsagt þarf að lesa úr þessu aftur, hvað um það vona bara að ég fái eitthvað að vita í byrjun des.  Hitti svo einn frænda þarna en hann var að fara með sína konu í skanna vonadi kom allt gott úr úr því.  Nú annars er bara lítið að frétta, og enn rignir og rignir....

13. nóv 2007

     Fór í skólann í morgun í viðtal en nú er fyrsta önnin af þremur búin hjá Dóra þennann veturinn.  Ég var bara alveg hissa á hvað þetta var allt gott og fínt hjá honum því hann lét nú eins og hann ætti von á skömmum en það var nú ekki svo sem betur fer, læt hér fylgja nokkrar athugasemdir sem ég fann í blöðunum hans.  ,,Dóri, Dóri, Dóri.  Spýttu nú í lófana og hysjaður upp um þig buxurnar". Þetta er semsagt athugasemd í dönsku.  ,,Gleymir sér stundum í spjalli". Íþróttir...,,Tala minna, vinna meira". var svo sagt um myndmennt.  Þetta eru semsagt allt saman athugasemdir sem enginn er hissa á og flestar hafa nú heyrst hér heima líka ekki bara í skólanum.  Semsagt allt hið besta um þetta allt að segja enda Dóri ávalt kátur og glaður, bæði hér heima og í skólanum. Líka ansi skemmitlegt form sem kennarinn skilaði til okkar nú var ekki eitt einkunnarblað með öllum einkunnum heldur næstum ritgerð um hvert fag, og í þessari líka fínu möppu, alveg frábært fannst mér.

      Trausti rúningsmaður kom svo hér í dag og tók af 46 lambgimbrum og var ekki lengi að því ca tvo tíma held ég.

12. nóv 2007

      Endalaust að snúast þessa dagana held ég  bara, aðeins að skjótast í bæinn í morgun, nú og eftir hádegið fór ég með Dóra til að láta taka fæðingarblettinn það er hluta af honum, það gekk rosavel fannst mér bara svo er að sjá þegar ég skipti um plástur hvað er mikið eftir af blettinum og hvort það dugar ekki að fara bara eina ferð enn til að taka restina já og svo eigum við eftir  að telja sporin.  Skildist að Dóri væri í eitthverri keppni við Bjarka um saumaspor, Dóri er að sjálfsögðu kominn með gott forskot en það voru 12 spor síðast og sjálfsagt eitthvað svipað núna.  Held nú samt að hann eigi langt í að ná Orra, nú og svo eru ástæður fyrir þessum saumum ansi misjafnar en þar hefur Dóri sjálfsagt vinninginn því að láta taka fæðingarblett er sjálfsagt óskastaða varðandi saumaskap, eða Þannig því slysin eru jú agaleg.

     Pabbi er svo alltaf að bíða eftir að komast á spítalann í Stykkishólmi, en það átti held ég að hringja í hann á miðvikudegi og þá á hann að mæta á mánudeginum á eftir, en viti menn það var hringt í dag og hann átti að mæta NÚNA, og auðvitað mætti hann bara með það sama ekki annað hægt, svo er bara að vona að hann fá bata í bakinu.

     Það er svo von á Trausta rúningsmanni á morgun en það á að taka af lambgimbrunum.

11. nóv 2007

      Ýmislegt að gera í dag, það vera verið að slátara rollum það gekk ágætlega þó svo ,,sumir" sem ætluðu að mæta kæmu ekki, er þá ekki að tala um þá sem vissu fyrirfram að þeir kæmust ekki en við vitum svosem hverjir mæta þegar þeir ætla og hverjir mæta örugglega ekki þó svo þeir ætli að koma...  Hvað um það held að þetta hafi gengið þokkalega.

     Guðni Reynir var í bænum að keppa í fótbolta með Fylki, held að það hafi ekki gengið eins vel og hér heima engum slátrað ja nema kannski Fylkispeyjum....gengur betur næst, en þeir voru að keppa við Þrótt, man þegar Dóri var lítill (rétt farinn að tala) þá hélt hann með Þrótt af því að Gústi afi heldur með Þrótt, man að einusinni sem oftar spurði afinn Dóra ,,Hverjir eru bestir?" og Dóri svaraði eins og alltaf ,,Þróttur"  svo kom eftir smá stund, ,,en afi hvenær vinna þeir eiginlega?"  það var fátt um svör held ég en eitthvað er þetta farið að ganga betur með Þrótt í dag.

     Nú Sigga var að vinna í dag og við Dóri fórum í bíltúr með hestakerru að kýkja á hest fyrir Guðna Reyni og það varð úr að klárinn var keyptur, leirljós foli fæddur 2002 afskaplega þægur og prúður nú er svo bara að sjá hvenig þeim  bræðrum gengur að temja folann.

10. nóv 2007

      Allt að gerast í dag, byrjað á því að smala fénu heim og taka frá þær ær sem á að lóga, það bættust þrjár við þann hóp sem GR var búinn að taka saman, allt ungar ær með júgurbólgu, ja kannski ein farin að eldast, en svona er þetta víst bara.

     Nú svo um tvö leitið þá bankar eitthver, þetta var kona sem ég þekki ekki neitt, hún réttir mér pakka og kveður svo,,,,skrítið, en var þá ekki hundadótið sem ég pantaði komið í hús, og þetta var klárlega ekki Íslandspóstur heldur sjálfsagt eitthver sem rekur þessa verlsun, ég var svo hissa að ég tafsaði bara og vissi ekki fyrr en konan var farin aftur, en þetta þykir mér nú frábær þjónusta verð ég að segja.

     Fór svo til Möggu Báru að skoða Leirubakka hvolpa, ansi skrautlegir hvolpar en líka ansi fallegir, þrír svartfekkóttir, einn grágulur, einn móflekkóttur og einn ljósmóflekkóttur ekki ósvipuð Doppu Dóru en þó með mórauðara yfirbragð, það var meira gult í DD,   verð nú bara að segja að þetta er virkilega frábært að fá þessa liti, ansi mikið langt síðan þessir litir hafa komið, já klárlega ekki siðan á síðustu öld og sumir litir jafnvel aldrei eins og móflekkótt, nú svartflekkótt er heldur ekki algengt og eiginlega bara mjög sjaldgæft, semsagt bara gaman og nú er bara að vona að þeir verið ekki seldir úr landi en auðvitað verða þeir það ef við hér heima viljum ekki kaupa, það er bara þannig.  Hef ansi oft heyrt að þetta eða hitt megi ekki selja úr landi en svo eru bara engir ræktendur hér heima sem vilja kaupa.... og hvað á ræktandinn þá að gera???  Eiga bara alla súpuna, nei það gengur ekki, þannig að eðlilega er selt út ef ekki er kaupandi hér heima...

9 .nóv 2007

       Lítið að frétta í dag, Sigga fór að vinna starx eftir skóla og Dóri í afmæli á Stærri Bæ, ég var svo heppin að Sigga gat skutlast eftir honum þegar hún var búin að vinna og afmælið búið.

        Pantaði eitthvað hundadót á netinu núna í kvöld, nú og samkvæmt því sem ég las á netinu fæ ég vöruna innann tveggja virkra daga frá pöntun, og sent með Íslandspósti, sem er þá væntanlega þriðjudagur í fyrstalagi, bíð spennt.

8. nóv 2007

     Guðni Reynir fór á æfingu í kvöld, gekk bara vel held að svo séu tveir æfingarleiki um helgina þannig að það er nóg að gera í  boltanum.  Á morgun á svo að taka gimbrarnar inn og taka frá þær ær sem ekki eru á vetur setjandi.

       Annars var 6 stiga frost í morgun, ansi kalt enda fórum við Voði bara ekki út úr húsi næstum því allavega.

       Dóri dreif sig svo á hestbak með Hreini þegar hann kom heim úr skólanum, ekki viss hvor beið spenntari eftir að komast á bak, Dóri eða Hreinn en þetta er jú þeirra líf og yndi held ég.

7. nóv 2007

      Lítið um að vera í dag, nema kannski í símanum jú og fór með Dóra til tannlæknis í dag,  hann lét rífa úr sér tvær barnatennur sem voru orðnar fyrir honum, og svo var viðgerð líka eins við var að búast.  Það er alltaf eitthvað nýtt, einusinni þegar ég fór með krakkana til tannlæknis þurfti ég svo að fara og rukka tryggingarstofnun, síðan kom nýtt kerfi þar sem tannlæknastofan sá um að rukka tryggingarstofnun fyrir þeirra part en nú er þetta aftur orðið þannig að ég þarf að gera mér ferð og rukka tryggingarstofnun allt útaf persónuvernd eitthvað....aumingja ég finnst mér að þurfa að snúast þetta.

     Það var svo felldur einn hestur hér í dag, en það var bara ekki hægt að gelda hann með góðu móti og allt of dýrt að standa í stóraðgerð til að gelda, þannig fór nú það, spurði GR hvort ég gæti fengið eins og eitt læri eða bita þar sem hann átti jú hestinn en þá var búið að ráðstafa því öllu, er nú ekki viss um að eigandinn hafi nokkuð vitað um það enda kom hann svosem ekki nálægt slátruninni, nú og ég hélt að klárinn yrði grafinn.  Hvað um það, það fellur svosem alltaf eitthvað til.

6. nóv 2007

Sverrir á afmæli í dag til hamingju með daginn gamli..

     Annars bara allt gott í dag og eiginlega ekkert að frétta, tíminn líður alveg ótrúlega hratt verð ég að segja og hver veit nema það verði komið vor fyrr en varir, en nóg að gera þangað til.

4. nóv 2007

      Rólegheitadagur, Dóri fór reyndar á hestbak aðeins að temja fyrir gömlu mennina, ekki veitir af.  Fór aðeins út og ekkert smá sem mér fannst kalt samt er ekki frost. 
      Inga og Bjössi komu svo við í hrútaúttekt, og tóku hrútinn hans Bjarna Þorkels í leiðinni, svona til að koma honum heim.  Annars held ég að þeim hafi bara litist vel á hrútana. 

     Held svo að Guðni Reynir sé bara ákveðinn að halda áfram að keyra til Reykjavíkur til að æfa fótbolta.  Hann fór í gær og aftur í dag, sem er hið besta mál á meðan veðrið er ekki verra en það er.

    Um næstu helgi held ég svo að GR ætli að taka lambgimbrarnar inn og eins að velja úr þær ær sem þarf að lóga í haust, bíð spennt að geta merkt lömbin.

     Gróa og Toni kýktu svo í kaffi í kvöld enda svosem ekki langt á milli Grímsnes og Búðardals annað eins er nú skutlast,,,

3. nóv 2007

     Matarklúbbur í kvöld á Hlemmiskeiði.  100% mæting sem er alveg frábært.  Búið að skipuleggja dagskrá vetrarins og sett í  tvírit svona til öryggis hehe, getur ekki klikkað.  Maturinn alveg frábær og rosalega gaman í alla staði.

2. nóv 2007

       Talaði við konu í gær sem heitir Lára hún er með MS og ég þurfti að sjálfsögðu að vita ýmislegt, þetta var nú eiginlega dálítið skondið, ef ég byrjaði að lýsa eitthverju sem er að hrjá mig þá kláraði hún, og öfugt, fannst þetta ferlega skrítið því sumt af því sem er að pirra mig og ég var viss um að tengdist ekki MS þekkti hún alveg.  Þannig að nú fer ég að vera nokkuð viss um að þetta sé nú kannski MS sem er að hrjá mig, á að fara í ,,rörið" um miðjann nóv. það er heilaskannann og  svo til taugalæknis í  byrjun des og ætti þá að fá eitthver svör og jafnvel stimpil á rassinn... það er jú ekki gott til afspurnar að vera ,,ógreind"  þó maður hafi nú kannski ekki fengið ofurgreindann stimpil heldur.

    Við Bensi fórum í jarðaför í dag hjá henni Hólmfríði, ansi falleg athöfn og presturinn fór líka rosalega vel með þetta allt saman.  Það var svo Karlakór Reykjavíkur sem söng, semsagt allt afskaplega fallegt.

31. okt 2007

Tengdapabbi á afmæli í dag til hamingju með daginn.

       Allt orðið autt í dag, Bjössi, Dóri og Bensi fóru á rúntinn að leita að þeirri gráfekkóttu.  Viti menn þeir fundi hana og lömbin og hrúturinn kominn í sláturhúsið, ekki alveg samstaða á bænum um hvort gimbrin verði sett á en GR vill ekki setja hana á, veit ekki alveg hversvegna en þetta er sjálfsagt eitthvað sem hann ákvað í vor ef ég þekki hann rétt, en kannski skiptir hann um skoðun en gimbrin var sett óbólusett í túnið.  Þá vantar tvílembu innan af afrétt en GR heldur að hún sé dauð, nú og svo vantar móflekkóttann lambhrút sem gæti komið úr Laugardalnum.  Hugsa að meira komi ekki en það eru örfá lömb sem vantar en þau eru líklega dauð.  Nú og svo vantar gráfekkótta kollótta kind sem ætti að vera hér í hrauninu en lömbin hennar eru komin.  Hugsa að það komi endanlegt tal á þetta aðra helgi en þá á að taka gimbrarnar inn og farga úr rolluhópnum því sem þurfa þykir.

30. okt 2007

       Sótti uppþvottavélina mína í viðgerð á Selfoss í morgun en ég þurfti að fara með hana á föstudaginn þar sem hún hitaði bara ekki vatnið og því þurrkaði hún ekki heldur.  Hélt að það yrði agalegt að vera uppþvottavélalaus um helgina en viti menn fann bara ekki fyrir því enda tengdamamma, Magga og Þóra hér um helgina nú og Sammi og Sigga sáu um uppvaskið á föstudeginum.  Var nú farin að finna fyrir vélarleysinu í dag enda allir farnir sem nenntu að vaska upp. 

     Bara slydda í dag, fórum Búrfellshringinn en þegar við vorum við Ásgarð sáum við þetta flotta Landcruser útí kanti og greinilega leit í veseni, þarna  var líka bílstjórinn á vappi svo við stoppuðum og töluðum við hann, hann var í góðu lagi en sagði að jeppinn hefði farið 2-3 veltur... rosa skrítið, bíllinn hefur örugglega oltið á veginum sjáfum því við sáum bara ummerki á einum stað þar sem hann hafði varið útí kant, og ótrúlegt að hann lenti ekki úti í skurði og bara mildi því þá hefði jafnvel enginn séð hann.  Maðurinn var semsagt ómeiddur og að tína upp spegla og dót sem hafði brotnað af bílnum og var bara að bíða eftir löggunni til að taka skýrslu.  Hugsa að þessi maður hafi og sé í ansi miklu sjokki núna ég hugsa að ég hefði bara dáið úr sjokki ef það er hægt.
    En sáum semsagt engar kindur en ferðin var jú farin til að finna fé en ekkert fundið fé í dag. 

29. okt 2007

     Fórum austur á tún í dag, en kominn tími á að koma fénu í upptúnið og loka það þar og byrja að gefa því smá.  Hrossin og folaldsmerarnar hafðar áfram austur í túni en þeim verður svo  gefið þar þegar þar að kemur, en þessar rollur eru svo ansi frekar í heyjið svo það er  gott að geta skipt þessu.

     Annars bara gott verður, eða þannig ekki nein úrkoma og smá frost.

28. okt 2007

      Nær því að vera snjór í dag en rigning ágæt tilbreyting og vonandi tosast fé heim.  Miðengismenn fóru í kringum Búrfell í dag, svona til þess að reyna að handsama fé.  Við fengum eina tvílembu nú og svo náðist slatti af fé frá Gumma og svo héðan og þaðan,  allavega ein tvílemba með tvo hrúta strunsaði uppí fjall, veit svosem ekkert frá hverjum hún er en ekki héðan allavega, svört með blésu skildist mér á GR og því auðþekkjanleg ef eitthverjum vantar, sú var ansi stíf á að sleppa, hugsa nú að Gumma já eða kindurnar hennar Helgu hefðu frekar tekið stefnuna heim í Klausturhóla en ekki gott að segja svosem.
     Hugsa að það hefði verið gaman að sjá eða vera fluga á vegg í bílnum hjá Jonna þegar þeir voru fjórir karlar inni í bílnum, + þrír hundar og svo 2 lömb líka og ég er að tala um inní í bíl því það eru engar grindur á pallinum.  Vel að verki staðið stákar.

27. okt 2007

     Rólegheitadagur, byrjaði á að fara með Sverri á Slysó á Selfossi en hann er eitthvað beyglaður.  Hann reyndist sem  betur fer ekki brotinn en tognaður aumingjans karlinn og missti því af að fara að elta rollur, aumingja karlinn en hann verður orðinn góður fyrir næsta haust skulum við ætla.

      Annars á bara að smala heiðina á morgun vonandi koma eitthverjar kindur sem GR er farinn að sakna.

      Myndavélin mín var ansi leiðinlegt við mig á sviðaveislunni, kom með ný  batterí sem kláruðust bara um leið, svo vildi hún ekki opna flassið þegar mér datt í hug þannig að þetta var bara vesen.  Kjartan Gunnar lofaði mér öllu fögru með myndir en hann tók helling af myndum og nú er bara að sjá hvort og hvenær hann má vera að því að koma með vélina.

26. okt 2007

Tengdamamma á afmæli í dag, til hamingu með daginn.

      Sviðaveilsan komin á fullt og lítur bara út fyrir að verða endalaust stuð, komnar inn myndir og svo verða frekari fréttir á morgun.  Maggi fór uppúr tvö og sagði mér að músíkin mundi endast til allavega sex en þá yrðu allir orðnir að steini, bíð spennt eftir að sjá þetta í fyrramálið.

25. okt 2007

     Enn rignir, og svosem ekkert um að vera.  GR fór suður í kvöld á æfingu hjá Fylki gekk vel held ég.  Dóri fór svo á ball í Aratungu, heyrðist hann vera mikið kátur þegar hann kom heim.

24. okt 2007

     Það er nú ekki frétt orðið ef það rignir, og roslaega er orðið mikið í Ölfusánni þó auðvitað ekkert miðað við þegar allt flæddi í vor.  Semsagt enn rignir og lítið að frétta.  Guðni Reynir og Sigga fóru á Laugarvatn í kvöld, aðeins að heimsækja Sævar frænda sinn,  bara gaman held ég bara.

23. okt 2007

     Við Guðni Reynir fórum í bæinn í kvöld, en hann fékk þá flugu í hausinn að kýkja á æfingu hjá Fylki.  Hann prufaði í fyrra að kýkja á æfingu hjá Fram og gekk vel en svo voru Selfossmenn að rugla í honum svo það varð ekkert meira úr því.  Nú ætlar hann semsagt ekkert að láta rugla í sér og stefnir jafnvel á að æfa fyrir sunnan ef þjálfarinn er tilbúinn að koma til móts við hann varðandi æfingarnar, það er að hann þurfi ekki alltaf að mæta, getur stundað þrek og þ.h í akademíunni í FSu.  Svo er spurnig hvernig gengur já stráknum að forgangsraða...En sjáum hvað verður allavega held ég að þetta hafi gengið alveg ágætlega.

22. okt 2007

    Það lítur allt úr fyrir að það verði ansi góð mæting í sviðaveisluna, þetta verður bara gaman.  Nú við Guðni Reynir skutluðumst í morgun með hrútana tvo í SS ekkert mál að losna við þá.  Bjössi og Bensi fóru svo í Pulu að safna að sér hrossum, komu með 4 stykki.  Annars  bara rok og rigning og erum við hissa?  Ja held allavega að maður fari að verða dálítið þreyttur á þessu, sérstaklega rokinu já og kannski bara rigningunni líka en maður er nú fljótur að gleyma hversu þreyttur maður var orðin á rigningarleysinu í sumar.

21. okt 2007

     Lítið um að vera í dag, en þó fóru Dóri og Bjössi ríðandi útí hraun að kýkja eftir restum eða þannig að GR átti jafnvel von í eitt eða tvö lömb á stángli.  Það passaði tveir lambhrútar fundust og við GR rukum af stað á jeppanum að sækja gripina sem var lítið mál, skrítið samt með annann lambhrútinn, pínulítið kvikindi og svo mannýgur að maður var nú bara fegin að þurfa ekki að fara upp á pallinn að ná honum, GR auðvitað fórnað í það og fann svosem ekki mikið fyrir því.

      Nú svo kom eiginlega jólasveinninn hér aðeins við í dag en það er bara einn maður sem við þekkjum sem kemur með kartöflupoka á bakinu reglulega.  Takk fyrir þetta Ingþór og Hulda.

     Það er svo að stittast í sviðaveisluna og þó dálítið búið að panta, já og enn fleiri sem ég veit að ætla að koma en eru ekki búnir að panta, spurning ef fólk pantar of seint hvort það verða þá ekki svört svið fyrir þá.....  Þetta verður bara gaman vona ég.

20. okt 2007

     Haldið þið ekki að hann tengdapabbi hafi sett saman skápinn fyrir mig og komið honum upp, algjör snilld takk fyrir það.

     Nú svo kom hún Solla (Kersins) við hjá mér í dag, og búin að smíða  þetta flotta skammel handa mér, það er nefninlega þannig að þegar maður nær ekki niður á vengjulegum stól þá er skammel alveg nauðsynlegt, og ekki verra að hafa það dálítið loðið því svo mér verði nú ekki kalt.  Þegar ég var að spá í skammel var ég með spýtukubb í huga, kemur ekki Solla svo með þetta líka flotta skammel sem er bara hið flottasta húsgagn og útliðið kemur næst því að var eins og loðinn hundur, þetta er ekki bara flott heldur listaverk hreinlega, takk æðislega Solla, hugsa að þú áttir þig ekkert á því hvað þetta er mér mikils virði og nú verður mér aldrei meir kalt á tánum fyrir framan tölvuna. 

    Seinnipartinn í dag fór ég svo með Guðna Reyni niður á 5. braut en Bjössi, Reynir, Jonni, Bensi, Sverrir og Dóri fóru á hestum út í Gíslagirðinu en þar var fé sem var annarsvegar fast innan girðingar og þó svo það hefði kannski komist úr þá er Farið fullt af vatni og ekki gott að koma fé þar fyrir.  Skildist að vatnið hafi náð hrossunum í kvið allavega.   Við GR fórum semsagt á jeppanum og vorum svo heppin að þegar við komum að læstu hliðinu á 5. braut kom þar að koma sem heypti okkur í gegn, svo var bara að vona að við yrðum ekki læst inni.  Það náðist að smala fénu saman, sex vetyrgamlar ær og þær voru einmitt bara sex sem vantaði og svo ein lambgimbur sem var svo heppin að vera í þessum hóp því fyrst ég þurfti að bólusetja veturgömlu ærnar var auðvitað ekkert annað vit en að bólusetja lambið í leiðinni.  Þetta var því ansi góður dagur í alla staði.

    Heyrði svo í Önnu Dóru en hún semsagt býr á Bergi á Snæfellsnesinu, sú sem ég fékk hrútinn hann Berg, frá.  Haldið þið ekki að hún hafi verið að vinna hrútasýningu, já eða reyndar vann hrúturinn sem Anna Dóra og Jón Bjarni eiga.  Fallegasti hyrnti lambhrúturinn á Snæfellsnesi og geri aðrir betur.  Það er bara gaman að þessu og kannski Grímsnesingar flykkist bara á svona sýningu að ári, það getur jú varla verið nokkrum holt að fara á Raufarhöfn árlega eða hvað?

19. okt 2007

       Fór í bæinn í dag, sótti skápinn sem var nú ekki eins einfalt og ég átti von á.  Sagan er semsagt þannig að ég fékk hringingu fyrir rúmri viku og mér sagt að skápurinn væri tilbúinn.  Geir fór að sækja skápinn fyrir mig og viti menn það vantaði hliðarnar í skápinn og hann var semsagt ekkert tilbúin.  Nú ég hringdi svo aftur í dag, og allt klárt, svo ég bruna af stað,  ekkert tilbúið en lagermennirnir ekki lengi að finna til það sem stóð á miðanum yfir skápinn.  Ég var ekki búin að keyra nema fáa metra, þegar mér datt í hug hvort ekki ætti að vera bakhlið í skáp??? Fór aftur inn og fékk bakhlið, fór aftur af stað og keyrði núna aðeins fleiri metra en ákvað nú að kannski væri nú rétt að athuga hvort ekki væru örugglega skrúfur í pokanum.    Kýkti í pokann og þar voru bara lamir og höldur.  Fór aftur inn á lagerinn og spurði hvort ekki ættu að fylgja skrúfur þegar maður kaupir skáp.  Aftur litu þeir yfir pöntunina sem þeirra maður hafði jú tekið niður og meira segja vanasti maðurinn þeirra.  Já þeir semsagt litu yfir pöntunina og sáu að það voru ekki bara skrúfur sem vantaði heldur hafði þeirra vani maður pantað skáp, með enga bakhlið og hvorki botn né topp, engar skrúfur og ekkert til að halda hillunum uppi.  Merkilegur skápur þetta og kannski enn merkilegri sölumaður sem var auðvitað ekki við í dag.  Jæja hvað um það vonandi er allt komið austur og eins gott að ég lét ekki senda þetta með flutningabíl, það hefðu orðin ansi margar ferðir.

     Fór líka með Tíbrá í augnskoðun, hún í fínu lagi.  Sá líka hann Tanga Bassa, þetta er ansi fallegur hundur og frábært að hann skuli hafa komið í augnskoðun, held að Stefanía hafi eitthvað verið með puttana í því, frábært að eitthver komi því í verk sem við hin tölum bara um.  Frábært hjá þér Stefanía.

    Nú Sigga datt svo niður á miðilssíðu í kvöld og ekkert smá gaman,  öll vorum við viss um að þetta væri eitthvert plat en gátum samt alls ekki fundið það út sjálf hvað var í gangi.  En semsagt bara gaman og ýmislegt sem kom í ljós....

18. okt 2007

       Enn og aftur er að koma föstudagur, finnst eiginlega að þessir föstudagar séu næstum daglega orðið.  Nú á morgun sem er semsagt föstudagur þarf ég að fara með Tíbrá í augnskoðun, spurning hvort ég ætti að lauma Glampa með en sé nú til með það. 

       Sigga var nú aldeilis dugleg í dag, fór með bílinn sinn í skoðun, hún átti nú ekki orð yfir því hvað var dýrt að láta skoða og eins og hún sagði ,,þetta var nú ekki erfitt fyrir manninn, það erfiðasta var að opna hurðina" og þetta kostaði rúmar 6000 kr, en hún fékk nú samt límmiða sem var nú vonandi peninganna virði og bíllinn fékk fulla skoðun, nú þegar þetta var búið fór hún með bílinn í Sólningu til að láta setja nagladekkin undir, það kostaði eitthvað minna sagði hún en samt mikið erfiðari vinna....
     Nú þegar Sigga kom svo heim þá var Dóri aldeilis í klípu því hann var í samræmdu prófi í Íslensku í dag og svo stærðfræði á morgun, Sigga sat yfir honum að kenna honum stærðfræðina, skondið að Dóri var með gamalt próf til að æfa sig á og þetta var einmitt prófið sem Sigga hafði tekið fyrir 5 árum skyldist mér.  Dóri mátti nú ekki alveg vera að því að læra þetta en Sigga gafst nú ekki upp, ég heyrði svo eitthverntímann að Sigga sagði ,,aumingja kennarinn þinn".  Svo er bara að vona að þetta gangi þokkalega hjá honum á morgun.

     Gleymdi örugglega alveg að segja frá því að þegar við fórum norður og  vorum komin framhjá Akureyri þá allt í einu kemur bíll og keyrir ekkert smá hratt fram úr okkur, bíllinn fór svo hratt að hann sást varla, bara rautt strik,  okkur varð að orðið ,,já eru ekki bara svona ökumenn í Grímsnesinu"?  Hvað um það bíllinn hvarf, það voru svo ekki margir kílómetrar sem við ókum þar til við sáum sama bíl úti í kanti og var hann stopp við eitthverja gröfu, viti menn í afturglugganum á bílnum stóð stórum stöfum JÓN INGILEIFSSON.  (frekar en Ingileifur Jónsson) Frekar lítið þetta Ísland.

17. okt 2007

      Var að skutla Bjössa í morgun að sækja traktor í sumarbústaðahverfið þegar ég sé að kindurnar taka allt í einu strauið og rjúka allar af stað og í sömu átt, var smá tíma að átta mig en fattaði svo að Bensi bróðir var að fara uppí gryfjur með traktor til að moka möl og kindurnar sáu greinilega til traktorsins og héldu að það væri kannski traktor með rúllu á fer, mikið svangar kindur þar á ferð sem eru þó í túninu heeh

    Fénu var svo smalað saman þegar krakkarnir voru komin heim úr skólanum og tekin frá ein 30 lömb í slátur og 42 gimbrar í ásetning held ég svona ca.  þetta voru nú bara ansi fallegar gimbrar verð ég að segja og kannski ansi mislitar líka, botnótt og golsótt og fleiri ein og fleiri en tvær af hvorum lit, grá, svört mórauð og flekkótt svo eitthvað sé nú talið, sumar með engin horn aðrar með tvö ein með fjögur og ein með fimm held ég bara.  Þetta gekk bara ljómandi vel og spennandi að sjá viktaseðilinn á morgun en hann veður vonandi ekki lakari en sá síðasti.

16. okt 2007

       Bensi bróðir fór að smala í dag eitthvað fannst af fé inná afrétt en held að það hafi nú ekki verið mikið.  Við Bjössi ákváðum að keyra einn hring hér í kring og sjá hvort við sæum ,,valdar" kindur sem GR þóttist  vita af.  Sáum helling af fé, og þegar GR kom heim þá var farið af stað, fyrst fundum við tvær ær og tvo hrútra, önnur áin með hrút var frá okkur en sú hafði verið keyrð inn á afrétt í sumar og sleppt við Sæluhúsakvísl, svo var lambhrútur frá Gumma í Hólum og kind frá Snorrastöðum sem greinilega var eitthvað orðin áttavillt.  Þá var farið í átt að Hæðarenda og Búrfelli en þar þóttist GR vita af kind með hrút og svo gráa kind sem búið var að ná lömbunum undan, það gekk eftir, þetta náðist allt og mikið kátir Miðengismenn sem komu með féð sitt heim.
    Það er nú samt ekki allt komið, vantar enn gráflekkótta með tvö lömb og líklega tvær tvílembur til auk lamba á stangli og eins vantar veturgamlar og ær á stangli líka en ekki margt samt.  GR hefur held ég hugmynd um í hvaða átt á að fara til að finna þetta fé og eins hvað er enn innan landareignar og eins hvað gæti verið í átt að heiðinni.

15. okt 2007

Komin með dóminn á hann Skrúð frá Leirhöfn.  Skrúður og Flakkari komu að norðan
en Bergur kom frá Önnu Dóru og Jóni Bjarna á Bergi á Snæfellsnesinu.
Set alla þrjár hrútana hér sem ég á dóma yfir.

 Skrúður frá Leirhöfn

F:2007                     

Nr/Nafn 
K/H B/G   Faðir nr/Nafn  Móðir nr/Nafn  Þ/B  Sp/F Óm/Ómf   Lag/T   Ár
453
Skrúður
Horn   01-369
Tuði (Prúðsson) 
03-035 u.
Góm Túlasyni
55 kg      34
  4
   2007
Frá Leirhöfn           109  3,3       
Haus H+h  B+útl Bak Malir Læri Ull  Fætur Samræmi   Alls   Athugasemd
8 8,5   8,5 8,5  9,0  17,5  8  8  8,5 84,5  

Flakkari frá Bjarnastöðum

F:2007                     

Nr/Nafn 
K/H B/G   Faðir nr/Nafn  Móðir nr/Nafn  Þ/B  Sp/F Óm/Ómf   Lag/T   Ár
260
 
Horn   05-966
Raftur 
99-936
Halldís
35 kg      32
  5
   2007
Frá Bjarnastöðum           109  2,1       
Haus H+h  B+útl Bak Malir Læri Ull  Fætur Samræmi   Alls   Athugasemd
8 8,0   8,5 9,0  9,0  18,5  8  8  8 85,0   

Bergur frá Bergi

F:2007                     

Nr/Nafn 
K/H B/G   Faðir nr/Nafn  Móðir nr/Nafn  Þ/B  Sp/F Óm/Ómf   Lag/T   Ár
58
Bergur 
Horn   06-202
Kubbur 
05-002
Golsa
59 kg      31
  4
   2007
Frá Bergi           110  5,7       
Haus H+h  B+útl Bak Malir Læri Ull  Fætur Samræmi   Alls   Athugasemd
8 8,5   8,5 8,5  8,5  17,5  8  8  9 84,5   

 

     Held að við getum nú aldeils verið lukkulegt með þessa þrjá, enda sáum við líka á vigtaseðlunum í dag að ekki veitir nú af að laga þetta eitthvað.  Meðalvigtin  lægri en í fyrra  14,12 kg, gerðin er samt að tosast upp og fitan enn að minnka komin niður fyrir 6, en var yfir 6 í fyrra en þá var nú samt sumarsláturn og þessvegna héldum við að fitan væri svona lítil en nú semsagt átti að taka ÖLL lömbin heim sem féllu fyrir fitu og viti menn það var eitt lamb sem fór í R4, ekki mikið það. Verðum bara að vona að hrúturinn Bergur frá Bergi eini eftir að laga fitu og þá þyngdina eitthvað þetta verður bara spennandi.
        Sendum 155 lömb og þið sem voruð að smala eða kannski frekar að bera lömb heim, það féll ekkert fyrir mar... enda bara snillingar að verki. 

   Bjössi og Sverrir  fóru svo inná afrétt að smala í dag, vesturleitin náði ca 20 hausum og voru ekki lengi að, nú svo var hringt í Gumma í Hólum og það var  fé í Laugardalshólum, þar átti GR móflekkótta kind og nú vantar honum móflekkóttann hrút undan henni, en þetta smátosast heim féð af fjalli ætla ég að vona.

  

14. okt 2007

Einar Óli á afmæli í dag og er 13 ára.  Til hamingju frændi.

      Allir hinir sprækustu í dag nema Moli en hann er allur eitthvað undarlegur og mikið aumur, spurning eftir hvað því ekki fór hann að smala blessaður, hringdi í Lísu í morgun en ég átti slatta af allskonar lyfjum í hunda, svona  til að vita hvað væri hægt að setja í hann og hann fékk verkjalyf og pencilín en það var eins og það væri hálfgert brunasár á innanverðu lærinu.   Það kemur sér greinilega vel að vera svona gleymin eins og ég er, því aðuvitað átti ég að vera búin að gefa eitthverjum hundi þessi lyf fyrir löngu en sjálfsagt gleymt því eftir fyrstu tvo dagana.

    Guðni Reynir fór svo út að keyra í morgun að gá að lömbum held að hann hafi fundið eitthvað en ekki eins mikið og hann vonaðist eftir enda veðrið svosem ekkert skemmtilegt.  Sláturbíllinn kemur svo snemma í fyrramálið og það verður slátrað um hádegisbilið.  Vonandi kemur þetta eitthvað betur út en það lítur út fyrir að vera en við sjáum bara til. 

     Fórum svo í afmæliskaffi til Einars Óla, pizzur og kökur ekkert smá sem maður át yfir sig, takk fyrir okkur.

     Það stendur svo til að fara í þriðju leit á morgun, Bjössi og Sverrir fara héðan frá Miðengi svo er bara að vona að þeir komi með móflekkóttu kindina sem GR vantar já og sjálfsagt eitthvað fleira.

   Höddi í Haga kom svo að sækja kerru fyrir austurleitina en held að ,,hjartadeildin" ætli að fara í þriðjuleit eins og vant er allavega helmingurinn af henni,  maður tekur bara ofan fyrir þessum eldri mönnum sem hafa getu og nennu til að fara að eltast við rollur inn á fjöllum, ég taka nú ekki um að auðvitað ganga þeir næstum að ánum, það er vita hvað þær halda sig og bestu blettirnir eru enda  búnir að fara þarna hátt í 60 ár eða meira. 

13. okt 2007

     Það var byrjað að smala túnið í morgun, gekk svona ljómandi vel og ekki nokkur kind eftir.  Skrítið samt því ég átti nú von á að það kæmi mórauð ferhyrnt gimbur úr túninu en hana vantað.  Nú ég volaði aðeins og vældi og auðvitað var farið aftur að skoða og viti menn gimbrin var auðvitað í túninu ásamt tveimur hvítum gimbrum.  Næst var austurgirðingin smöluð og það gekk svona líka vel, ég, Guðni Reynir, Adam og Daddi réttuðum fénu sem kom af túninu og voru passlega búin þegar austurgirðingar féð kom heim.  Þá var farið heim í mat.  Eftir hádegi var aftur farið af stað og hraunið smalað en við sem höfðum verið að rétta um morguninn réttuðum austurgirðingarfénu á meðan.  Gekk hratt og vel að rétta en ekki eins hratt og vel að reka inn síðustu sjáturnar sem komu úr hrauninu.  Eins og alltaf gekk ágætlega að koma þeim inní stóragerði en inn í gerðið sem er fyrir utan fjárhúsið og fullorðna féð notar allann veturinn, gekk nú ekki eins vel, og eins og undanfarin ár þurfti að ná hverri og einni kind og draga inní gerðið, nei ekki alveg kannski en slatta af fé sem þóttist aldrei hafa komið hér áður.  Þá var aftur farið að rétta, og nú bættust enn við ,,réttarar" Linda sett í að  telja og tengdapabbi fór að draga með Guðna Reyni, nú og reyndar voru bara allir að hjálpast að við að klára þetta,  gekk rosavel og bara rétt tekin pása til að fá sér kjötsúpu sem Höddi og Magga komu með út í skemmu.   Takk fyrir alla hjálpina þetta var bara frábært.  Nú það voru tekin frá um 150 lömb til að senda í sláturhús og rúmlega 100 sett aftur út á tún en það á eftir að velja ásetninga og svo að senda meira í sláturhús. 

    Fannst leiðinlega mikið af smálömbum, kannski er maður bara orðin kröfuharðari en samt var þetta nú ansi mikið og sé ég fram á að GR verið með fullt fjós af sauðum og jafnvel ,,páskagimbrum" en sjáum hvernig þetta fer.  nú held að það gæti vantar um 9 ær, 6-7 veturgamlar ær og kannski 20 lömb en það skýrist nú fljótlega.  Veit þó að þær ær sem vantar eru sumar hverjar á fjalli eða í þá áttina.  Það var svo ekki nokkur ókunnug kind sem mér finnst nú bara í frásögu færandi, en það heftur nú alltaf slæðst eitthvað þó ekki væri nema ein.

12. okt 2007

    Guðni Reynir og Dóri fóru í Klausturhóla í kvöld að ná í fé sem við áttum þar, ein ær en lömbin hennar komu um síðustu helgi og þrír lambhrútar.  Sú gráflekkótta sem GR ætlaði að sækja var víst stungin af úr túninu, en sú skilar sér nú klárlega eins og vant er.

    Það á svo að smala allt heimalandið á morgun, Guðni Reynir ætlar að rétta jafnóðum og féð kemur í hús og senda smalana aftur af stað í næstu smölun þetta ætti að geta gengið ljómandi vel.

11. okt 2007

     Þarf nú endilega að fara að taka myndir af hrútunum.  Setti reyndar mynd á frosíðuna af uppboðshrútnum en fann þessa mynd á síðu þeirra á Raufarhöfn ásamt fullt af öðrum myndum af hrútadeginum.

    Nú svo er tilbúinn skápur sem ég átti pantaðann, ætla að setja skápinn þar sem íspkápurinn gamli var.  Hringdi svo í Geir og bað hann að taka skápinn austur á morgun og reyndar að hann þyrfti kannski að setja skápinn saman líka og allt sem því fylgir.  Það var nú auðsótt og nú er bara að bíða og vona að hann gleymi mér ekki.

10. okt 2007

     Það kom línubrjóta blað í dag og ,,meintur" línubrjótur skilaði sér víst að Brennu í Borgarfiðri þannig að nú er hún víst ekki ,,meintur" línubrjótur heldur bara klárlega línubrjótur, enda átti maður svosem  von á því en auðvitað var smá sjens á að hún hefði snúið við og strunsað heim.  Hvað um það henni var nær að ráfa svona í Borgarfjörðinn.

    Bú hrútarnir sem við keyptum á hrútadögum voru frá Bjarnastöðum, Leirhöfn og svo hinn merki uppboðshrútur  var frá Svalbarði.  Þannig að nú er ég komin með það á hreint og eigum við bara eftir að fá dómana senda.

   Það er alveg magnað svona næstum um hávetur, að hér fylltist bara allt í einu allt af húsflugum, og engar venjulegar húsflugur, alveg sama hvað maður traðkar á þeim og kremur, skiptir engu máli, eflast bara við það og fljuga aftur af stað. hélt í gær að ég væri búin að ná þeim öllum en nei, ó nei fyrir hverja eina sem mér tekst að dúndra niður þá ekki bara lifnar hún við um leið heldur koma þá bara tvær og ráðast á mig, leggja mig hreinlega í einelti, skelfielgt ástand.

9. okt 2007

    Þokkalegt veður í dag, dreif mig á Selfoss en þurfti að ná í ost því ef það er ekki til ostur þá er ekkert til.  Náði nú að versla ýmislegt annað eins og gengur.  Annars ekkert að frétta svosem nema hvað það koma viktaseðill og ,,meintur" línubrjótur hefur skilað sér, veit svosem ekki alveg hvar hún kom að en slátrað á Selfossi og var 19,9 kg finnst það nú kannski ekki mikið en samt í R3 sem segir mér að hún hafi nú verið þokkalega feit þrátt fyrir flakkið og ekki haft það slæmt í Borgarfirðinum en ég geri nú ráð fyrir að hún hafi verið handsömuð þar.   Guðni Reynir nú ekkert sérlega kátur með þetta því gimbrarnar undan þessari kind áttu að fá að lifa og að sjálfsögðu kindin líka en svona getur þetta verið.

    Setti svo á forsíðuna myndir og uppl. af hundasýningunni en ég held að ég geti nú bara verið ansi kát með árangur Kersins hundann en hef nú svosem alltaf getað verið ánægð með dómana.  Var nú samt hissa á því hvað Kersins Lindu gekk vel svona ung og eins að hún skildi hafa betur en Kersins Tíbrá en held að dómaranum hafi fundist Tíbrá full lappastutt.  Og svosem ekkert út á það að setja, hún er nú ekki neitt sérlega lappalalöng en mér líkar nú samt hollingin á henni.

8. okt 2007

     Jæja lítið um að vera í dag, verið að skipulegga fjárhúsið svona hvernig best að að haga smalamensku en þó aðalega hvernig á að gera sér aðstöðu til að rétta.  Annars bara ekkert að frétta, maður latur eftir ferðalagið.

7. okt 2007

    Lagt af stað suður uppúr klukkan 10, Gummi og Helga höfðu farið suður í gær og samkvæmt sms-i þá voru þau komin heim um 01.20 þrátt fyrir lokaða vegi vegna verðurs samkvæmt fréttum en Gummi lét það nú ekki stoppa sig enda ætlaði hann að smala í dag sem hann og gerði.  Ferðin suður gekk ljómandi vel, Einari var komið í bíl með Trausta rúningsmanni sem var þarna í hrútakaupum ásamt föruneiti og þá munaði ekkert um að bæta á sig einum manni og reyndar tveimur hrútum.  Við vorum svo komin heim í Miðengi um klukkan hálf níu minnir mig.  Ansi þreytt og þvæld en alsæl með frábæra ferð og frábæra ferðafélaga.

  Næstum búin að gleyma að það var hundasýning um helgina, Linda sá auðvitað um mína hunda eins og vant er.  Nú þær fréttir sem ég er búin að fá eru að Kersins Orri var besti hundur tegundar og fékk eitthverjar dollur og titla.  Kersins Vinur fékk meistaraefni, Kersins Tíbrá Töfradís fékk fyrstu einkunn en fékk ekki sæti, og Kersins Linda sem verður ársgömul 31 okt fékk fyrstu einkunn, og framhald uppí opinn flokk og 2. besta tík tegundar, sem er nú bara ansi gott finnst mér, átti nú alls ekki von á að hún hefði betur en Tíbrá en svona er þetta.  Kersins Hökki fékk 2 sæti í hvolpum.  Það voru nú kannski fleiri kersins hundar þarna en er ekki búin að frétta af þeim.

       Til hamingju ,,Kersins" Linda Björk með enn einn sigurinn og frábærann árangur.

6. okt 2007

    Fórum snemma af stað, uppúr níu, veðrið ekki gott, snjófjúk og rok, gekk nú samt ljómandi vel, en ömurlegt færi allavega svona fyrir Tjörnesið og þar til við vorum komin framhjá Kópaskeri en þá fór nú að lagast færið.  Vorum komin á Raufarhöfn rétti fyrir tólf en þá átti uppboðið að byrja.  Rétt náði að stoppa bílinn náður en mannskapurinn í mínum  bíl tók á sprett inn í reiðhöllina en það átti ekki að missa af neinu.

    Við Guðni Reynir  vorum ansi heppin, Guðni Reynir var búinn að finna út spennandi hrút á blaði en svo var bara að finna hann þegar tilkynnt var að það mætti byrja.  Fjórir menn voru snöggir að hoppa inn í stíu frá Bjarnastöðum en þar var hrúturinn sem við okkur leist svo vel á á blaði.  Ég greip í horn á hrúti sem var afskaplega rólegur úti í hroni, fór ekki mikið fyrir honum enda ekkert rosa stór, en menn byrjuðu að skoða númerin á þeim stæðstu, og viti menn þessi litli sanggaralegi hrútur var einmitt sá sem við vorum að spá í, Guðni Reynir og Gunni Har hoppuðu svo inn í krónna til að taka á hrútnum því ekki velur maður hrút bara eftir því sem stendur á blaði.  Þeir samþykktur hrútinn  og þar með var hrúturinn tekinn úr úr krónni og því orðinn okkar samkvæmt reglunni.  Þá var  bara að fara í röð og koma honum til skráningar, þessi hrútur var afskaplega þægur og því fór tók ég við honum í röðinni af Guðna Reyni svo hann gæti nú farið að skoða meira með Gunna Har.  Þetta gekk bara ljómandi vel hrúturinn skráður og Siggi frá Bjarnastöðum hjálpaði mér svo síðasta spölinn með hann og inní hólfið þar sem fráteknu hrútarnir voru.  Komst svo að því að Þegar mesta atið var búið að þetta var víst hrúturinn sem ,,allir" voru að leita að í Bjarnastaðakrónni,  ansi heppin þar og líklega hefur hrútuinn valið mig hehe beið bara í hroninu.  Hér koma koma dómarnir hans:
  

Flakkari frá Bjarnastöðum

F:2007                     

Nr/Nafn 
K/H B/G   Faðir nr/Nafn  Móðir nr/Nafn  Þ/B  Sp/F Óm/Ómf   Lag/T   Ár
260
 
Horn   05-966
Raftur 
99-936
Halldís
35 kg      32
  5
   2007
Frá Bjarnastöðum           109  2,1       
Haus H+h  B+útl Bak Malir Læri Ull  Fætur Samræmi   Alls   Athugasemd
8 8,0   8,5 9,0  9,0  18,5  8  8  8 85,0   

    Hann er kannski í léttara lagi en það var dæmt og viktað í byrjun sept og held að það hafi kannski bara verið betra því ef hann hefði verið stærri og þyngri þá hefið eitthver verið á undan mér að finna hann í hópnum.
    Nú næsti hrútur sem varð fyrir valinu var líka hvítur og hyrntur, held að hann hafi verið frá Leirhöfn samt ekki alveg viss, því við gleymdum að taka blað með dómunum hans og því alveg lost... en það gekk mikið á, set inn uppl um þann hrút um leið og ég get komist að því hver hann er en Gunni Har skrúðbatt hann eða þannig, hann setti marglit bönd um hornin á honum og því ætti hann nú að þekkjast. Nú við vorum með leyfi fyrir þrjá hrúta og þá var eitt leyfi eftir, við höfðum haft spurnir af svörtum krúnóttum, sokkóttum hrút sem þótti víst ansi spennandi, bæði stigin sem hann fékk og svo var hann víst undan hrút sem var að gefa ansi spennandi gripi þarna fyrir norðan, þessi lambrútur var undan Kóng og Þoku, meira veit ég nú ekki um það ennþá.   Þessi hrútur átti víst að fara á uppboðið og Gunni Har fór að spyrjast fyrir um gripinn, hvað um að Gunni komst geinilega að eitthverju spennandi og sá ég strax að þarna væri Gunni búinn að finna ,,rétta" hrútinn maður er jú ekki að fara landið á enda og missa af draumahrútnum, hvað um það Gunni Har ákvað að bjóða í hrútinn og fékk fyrir rest, á 44.000 kr, gamli seigur gaf sig nú ekki og sá sem bauð á móti Gunna var víst varaður við að það þýddi ekkert að reyna að hafa betur.  Nú uppl um þennann merkisgrip á ég líka eftir að fá held þó að hann sé frá Svalbarði, en set inn um leið og ég fæ þær uppl.  Hinn uppboðshrúturinn fór á 50.000 en Jökull á Ósabakka fékk þann hrút og ætti ekki að vera svikinn af honum en sá hrútur er víst skyldleikaræktaður inn á Cat sem er víst þektur hrútur, ég aftur er nú greinilega ekki næginlega mikið inni í þessu til að geta sagt neitt frá honum. 

   Hvað um að allir voru rosalega kátir með sína hrúta held ég bara.  Gummi í Hólum lenti samt í balsi því annar hrúturinn hans sem hann valdi var svo bara ekkert í hópnum með fráteknu hrútunum þegar Grímsnesingar ætluðu að fara að setja sitt fé í sér kró.    Frekar fúlt því hrúturinn hafði verið þarna þegar dýralæknirinn sprautaði.   Þegar allir voru svo búnir að taka sitt var einn hrútur eftir en líklega hafið eitthver tekið Gumma hrút í misgripum og skilið þennann eftir í staðinn.  Held að það hafi ekki verið neitt lakari hrútur en auðvitað ekki hrúturinn sem þau völdu.  Það verður svo spennandi að sjá hvað við fáum sent suður hehe en Jóhannes á Gunnarstöðum ætlar að koma með hrútana suður ásamt tveimur gimbrum sem Auður nældi sér í á ballinu held ég bara, en hún var í ýmsu braksi þar og gott ef hún hafði ekki augastað á rúlluvél og fengi hrút í kaupbæti, en ekki gott að segja hvað verður.

    Nú seinnipartinn þegar átti að koma köldum körlum og konum í hús þá var staðan þannig á hótelinu að illa gekk að koma ráðstefnugestum sem höfðu gist þarna nóttina áður út úr húsi, og herbergin ekki tilbúin, þetta hafðist nú samt allt fyrir rest, við komumst í herbergi og heitar sturtur.
   Um kvöldið var svo hlaðborð rosa fínt, og þar á eftir hagyrðingakvöld, þessir hagyrðingar voru rosagóðir verð ég að segja, ansi gaman og ansi fast skotið enda allt nágranar og þoldu þetta bara vel.  Þá var svo ball fram eftir nóttu, sumir vöktu legur en aðrir en það var jú bara eðliegt.

5. okt 2007

     Þá var komið að því, það lögðu af stað frá Miðengi 12 manns á leið á Hrútadaginn á Raufarhöfn.  Gummi og Helga í Klausturhólum, Guðrún og Kolli í Eyvík, Siggi frá Bjarnastöðum, Gunnar á Stærri Bæ og Helga, Guðni Reynir og Gunni Har frá Miðengi, Auður og Siggi á Hömrum og svo var tekinn einn hútur frá Oddgeirshólum hann Einar.  Inga og Bjössi á Björk höfðu farið fyrr um morguninn ásamt Magga og Bryndísi í Oddgeirshólum en þau ætluðu að gista á Langanesinu en við hin í Mývatnssveitinni.
     Ferðalagið gekk svona ljómandi vel en rétt áður en við lögðum af stað gat Auður reddað flutningi fyrir hrútana suður þannig að við gátum sleppt því að fara með kerruna sem var bara snilld.      
     Hópurinn gisti svo að Syðri Neslöndum í Mývatnssveit en þar er ættaróðalið hans Kolla,  Kolli og Guðrún ásamt mér (Helgu) og Guðna Reyni gistum aftur inni í þorpi hjá frænku Kolla sem gat ekki hugsað sér að eitthver þyrfti að vera á dýnu.  Þar voru uppábúin rúm og við fengum á tilfinninguna að við værum komin á fimmstjörnu hótel.  Þetta var  bara frábært í alla staði, takk fyrir okkur.

4. okt 2007

     Þá er bara allt að verða klárt fyrir norðurferð á Hrútadaga á Raufarhöfn, búið ða smyrja bílinn, setja undir hann nagladekkin og bara eftir að raða fólki og dóti í bílana.  Bara spennandi og vonandi fáum við nú eitthað af hrútum í Grímsnesið.

3. okt 2007

       Mamma á afmæli í dag, til hamingju með daginn.

     Enn rignir og rignir finnst mér, Dóri var  búinn í skólanum um hádegi og fór beint út  að keyra á fjórhjólinu, fór svo tvær ferðir á hestbaki, aðeins verið að temja.  Nú Sigga fór svo að hjóla seinnipartinn, rosa gaman sjálfsagt.  Við Guðni Reynir erum nú ekki að æsa okkur yfir hjólinu, né fara út að keyra, Dóri alveg hissa á að ég vildi ekki prufa, held að hann hafi ekkert verið hissa á að Guðni Reynir færi ekki af stað um leið en Guðni Reynir á eftir að nota hjólið ef hann þarf þess en ekki til að keyra í hringi, það er nokkuð ljóst.

2. okt 2007

     Fór á Selfoss í morgun með kerruna til Katrínar, þetta var ekkert mál og fékk ég vottun á kerruna, enda ekkert smá sem stelpurnar þrifu kerruna betri en ný held ég bara.

     Eftir hádegið fóru Bensi og Bjössi á Hvolsvöll að sækja fjórhjólið, svo þegar gripuinn var kominn heim fór hann ekki í gang...en það fannst nú skýring á því, eitthvað tengt kertum og bensíni held ég, allavega var það komið í gang í gærkvöldi og ekkert mál.

    Þá fóru Bjössi og Dóri með Sóla í heilbrigðisskoðun og það  gekk bara fínt.

    Dóri fór svo í ,,heilbrigðisskoðun" í skólanum, hann slapp svosem í gegn, en tilkynnti það þegar hann kom heim að hann væri sko ,,staurlitblindur" þetta var svosem eitthvað sem við vissum, en við fórum með hann hér um árið til augnlæknis og fengum þessa niðurstöðu, spurðun svo augnlækninn eins og asnar hvort nokkuð væri hægt að gera í þessu og svarið sem við fengum eða frekar sem Bjössi fékk var að hann yrði bara að fá sér nýja konu því þetta erfðist í gegnum móður....sé ekki alveg hvað Dóri  græddi á því en skrítið svar fannst mér. 
   Nú svo voru saumarnir teknir úr honum, ágætt að það sé búið í bili, ætli það séu ekki svo 3-4 vikur í að hann þurfi aftur að láta skera og losni þá við sund já og stærðfræði hehe, er ekki alveg  viss hvort hann reyndi að halda því fram að hann gæti ekki skrifað þegar hann var með saumana en hvort hann gat ekki hugsað...

    Í kvöld kom svo Bragi og kýktu þeir í fósið og mikið spáð og spuglerað hvort og hvernig ætti nú að  breyta fjósinu.  Alveg kominn tími á að gera eitthvað í því máli, reyndar er svosem búið að vera mikið að gera í allt haust og því ekki verið tími til að gera neitt, aldrei eins mikið að gera og eftir að kýrnar fóru held ég bara.

1. okt 2007

    Rok og rigning í dag, bara leiðinlegt  veður.  Inga á Björk og Auður á Hömrum komu hér í dag til að þrífa hestakerruna en kerran sem við sækjum hrútana í verður að vera sótthreinsuð hátt og lágt og fá svo pappír hjá Katrínu héraðsdýralækni.  Heppilegt að þetta er nýleg kerra og úr áli með gúmímottum í botninum, hugsa að það hefði verið dálítil útgerð að sótthreinsa gamla timburkerru en sjálfsagt hægt.  Nú ég fer svo í fyrramálið með kerruna á Selfoss til Katrínar og athuga hvort þetta er nú ekki í góðu lagi.

30. sept 2007

    Við Guðni Reynir byrjuðum daginn á því að kýkja í fjárhúsið hjá henni Gunnu frá Bjarnastöðum og viti menn nú er mórauð ferhyrnt gimbur hér í túninu og búið að bólusetja gripinn, held að ég sé bara að koma mér upp hinum skrautlegasta fjárstofni, nú svo á ég hér eina gráa kind, en hér fyrir markt löngu (á kosningarári) gáfu Snæbjörn og Jóa á Syðri Brú mér grá kind, reyndar þorðu þau ekki að segja mér frá því fyrr en um haustið, hehe ekki hægt að gefa kind rétt fyrir kosningar hér í sveit.  Já semsagt þar fékk ég gráa hyrnta kind og þessi sem ég á í dag er undan Syðri Brúar Gránu.  Þannig að minn stofn samanstendur af grárri kollóttir, mórauðri ferhyrntri og svo Snæfellsneshútnum, annað get ég ekki eignað mér af kindum hér öðruvísi en að lenda í stappi  við soninn hann Guðna Reyni.  Kannski hann leifi mér að eiga eina golsótta sem ég get sett á í haust svona ef ég fer vel að honum.  Reyndar setti ég á hér um árið kolótta kind, sem Bjössi gaf svo...........var nú ekki kát en kannski ég geti bara hirt þá kind aftur því það er jú bara Guðni Reynir sem þekki þetta allt, en nóg um kindur í bili.

     Fórum í Þrastalund að  borða í kvöld, sem er í frásögu færandi því að allir pöntuðu sér hamborgara nema Sigga sem pantaði samloku með skinku osti og sósu og bað um EKKERT grænmeti.  Þetta kom svo allt  voða fínt nema samlokan..hef sjaldan orðið eins hissa.  Sigga fékk semsagt hamborgarabrauð með skinku osti sósu OG GRÆNMETI.  OK þetta með að sleppa grænmetinu get ég skilið að hafi klikkað en síðan hvenær er hamborgarabrauð samloka???  Jæja þegar kom svo að því að borga þá gat ég nú ekki setið á mér lengur og sagði afgreiðslukonunni að ég hefði nú aldrei vitað til að hamborgarabrauð væri samloka.  Hún var mjög hissa og fannst ég greinilega vera aftan úr fornöld sem ég sjálfsagt er.  Hún sagði mér að alltaf þegar hún pantaði sér samloku bæði hún um hamborgarabrauð,,,sooooo, mér fannst það nú ekki skýra neitt.  En hvað um það, verst að ég er ekki með svona comment sem fólk getur skrifað inn athugasemdir, en er ég svona agalega gamaldags?  OK veit að ég fengi já við því, en finnst ykkur eðlilegt að fá hamborgarabrauð þegar þið pantið samloku???  Sigga sagðist allavega aldrei aftur ætla að borða þarna, en hamborgararnir voru nú samt góðir.

29. sept 2007

     Mikið riðið út í Miðengi í dag, farið ansi margar ferðir held ég bara og fullt af fólki, voða gaman sjálfsagt.  Ég ákvað að reyna að gera slátur, gekk bara vel og gerði þetta í skömmtum.  Það er nú lítið mál að gera slátur þegar maður getur keyypt mörinn brytjaðann og keppina saumaða, svo setur maður bara nælu til að loka keppunum, rosa einfalt og fljótlegt.  Held samt að eftir blóðmörsgerðina sé það nokkuð ljóst að Sigga á aldrei eftir að fást til að éta blóðmör, það sleppur kannski með lifrapylsuna þar sem hún missti af því að sjá hvað fer í lifrapylsu.

28. sept 2007

      Fór á Selfoss í dag með Dóra í klippingu og Sigga fór líka með að hjálpa mér að versla.  Var á Austurveginum þegar ég heyrði þvílík óhljóð í bílnum, hélt að þetta væri kannski steinn á milli eitthverstaðar eins og stundum gerist, en fannst þetta nú samt ansi mikil læti, brenndi fram hjá dekkjaverkstæði því ég hélt að þeir gætu reddað þessu, en viti menn þar var mér sagt að bremsuklossarnir væru búnir og bara járn í járn,,reyndar skoðai maðurinn þetta ekki heldur hlustaði og var alveg viss.  Sá að nú yrði ég líkast til að bögga Jonna, fór þangað og þeir heyrðu ískrið löngu áður en ég kom.  Hvað um það þetta var svo bara steinn og pínulítill rauðamölssteinn sem Jonni náði um leið.  Takk fyrir það, og bílinn bara eins og hugur manns.
    Við Sigga fórum svo að versla, ætluðum í Bónus fórum tvo hringi á blílastæðinu og ekkert stæði, eða svo þröngt að ég sá fyrir mér að þó ég kæmi Patrolnum í stæðið þá yrði ég að fara út um skottið og ekki leist mér á það, gafst semsagt uppá Bónus og fór í Nóatún og fékk auðvitað allt þar sem ég þurfti og fékk líka stæði.  Held að næst verði bara reynt við Bónus í Hveragerði það er svo mikið þægilegra. 
     Við Sigga keyptum allt til sláturgerðar og nú er bara að sjá hvort ég get druslast til að gera slátur á morgun, en það veður eiginlega að vera því slátur er jú það eina held ég hreinlega sem allir geta borðað hér á heimilinu án þess að kvarta.  Jú kannski kvartar Dóri man það ekki alveg en er viss um að þetta borða bæði GR og Sigga.

    Kláraði að lesa Innansveitarkróniku í dag, þessi Stefán sem keypti Miðengið hér í denn hefur nú aldeilis verið merkismaður, skora á alla að lesa þessa bók.  Bókin er líka svo ansi læsileg, ekki langur texti á hverri blaðsíðu og frekar þunn bók svona miðað við Laxness

27. sept 2007

      Lítið um að vera í dag, rok og rigning reyndar, stóru krakkarnir búin í skólanum um hádegið, Sigga fór að vinna í sjoppunni og Guðni Reynir að lesa Íslandsklukkuna,,,ég aftur er að lesa Innansveitarkróniku, sem er nú bara dálítið spennandi.

    Fengum svo viktaseðil í dag yfir sláturlömb, tvö stykki sem fóru í sláturhúsið á Sauðárkróki... ansi lagt síðan við höfum fengið innlegg þar en man þó eftir því.  Er að vinna í því að komast að því hvar þessi lömb komu fram en er búin að komast að því að þessi lömb komu úr Borgarfirðinum en þó ekki í sömu rétt og kindurnar hennar Auðar á Hömrum voru í.  Vona að ég finni út úr þessu sem fyrst, aðalega fyrir forvitnissakir en það vantar nú samt rolluna, skildist að þetta  væri Kaldárhöfðakindin en líklega kom hún þaðan eitthvertímann.

    Búin að fá skýringar úr Borgarfirðinum, lömbin sótti línubrjótamaðurinn að bæ sem heitir Brenna og er í Lundareykjadalnum, virðist á korti  vera áður en komið er að Oddstöðum, en ég held að þar sé réttað?  Veit það samt ekki alveg, semsagt Uxahryggjamegin við réttina ef þetta er rétt hjá mér.  Datt helst í hug að kannski hefður þau smalast af fjalli þessi lömb en náð að lauma sér burt áður en komið var í réttir.....en auðvitað veit ég ekkert um það og er ekki alveg klár á hvar réttin er heldur en ána vantar nú samt, annaðhvort er hún í heimasögum þarna eitthverstaðar EÐA hún hefur bara ákveðið að snúa heim? spennadi að sjá hvar og hvort hún skilar sér.

26. sept 2007

     Við Bjössi fórum í Hveragerði í morgun en Bjössi átti tíma hjá augnlækni þar en núna eru semsagt augnlæknarnir í Hveró en ekki Selfossi.  Bara rok og rigning, stóð nú til að fara í Bónus og versla smá en fannst nú þetta alveg nóg ferðalag og fórum því bara heim. 

    Það er svo að komast endanlegt lag á Raufarhafnarferðina, búið að finna út úr næstum öllu, á líklega bara eftir að raða í bíla og sjá hvort Bjössi fer með eða fer að leggja hitaveiturör til Sverris og tengdapabba.

25. sept 2007

      Mikið um að vera í dag eins og svo oft áður reyndar,  Íris kom með vinkonu sína í dag og Hökki hundur kominn á heimili.  Anna Dóra og Jón Bjarni komu svo með hrútinn minn og sóttur hryssurnar sínar.  Set dóminn hér inn á hrútnum:

 

Bergur frá Bergi

F:2007                     

Nr/Nafn 
K/H B/G   Faðir nr/Nafn  Móðir nr/Nafn  Þ/B  Sp/F Óm/Ómf   Lag/T   Ár
58
Bergur 
Horn   06-202
Kubbur 
05-002
Golsa
59 kg      31
  4
   2007
Frá Bergi           110  5,7       
Haus H+h  B+útl Bak Malir Læri Ull  Fætur Samræmi   Alls   Athugasemd
8 8,5   8,5 8,5  8,5  17,5  8  8  9 84,5   

     Þetta er bara flottur hrútur og á örugglega eftir að skila góðum lömbum hér í framtíðinni.  Ekki verra að hann er undan golsóttri kind og á bæði mórautt og svart í bakgrunni, og mikið af hrútum frá Hesti í bakgrunni líka.  Nú svo kom Gunni Har líka í kaffi og að kýkja á hrútinn, held að honum hafi bara litist vel á.  Nú allt að skýrast svo með Raufarhafnarferð á hrútadaga, þannig að það er allt að gerast.

 

 

24. sept 2007

     Mikið spáð í hrúta í dag og allar þessar reglur í sambandi við að flytja þá.  Sýnist að þetta sé nú ekkert stórmál, bara að sótthreinsa kerrur vel, láta viðkomandi héraðsdýralækni sprauta gripinn áður en hann kemur það er á sínu heimasvæði og bíða svo bara spenntur aftir að gripurinn komi hehe, á von á honum á morgun, ef allt gengur að óskum og þá er ég að tala um Snæfellsneshrútinn.

23. sept 2007

         Þá fer nú að skýrast með sviðaveisluna en hún verður föstudagskvöldið 26 okt.  Maggi kemur og spilar eins og í fyrra og nú er bara að taka daginn frá kæru sveitungar já og vinir og kunningjar,, já kannski taka bara alla helgina frá, maður veit aldrei nema það snjói eins og í fyrra og þá er nú betra að vera við öllu búin.  Myndir síðan í fyrra.

 

      Sunnudagur í dag og allt í rólegheitum, hálfgerð flensuskítur í mannskapnum, krakkarnir þó að lagast en Bjössi að leggjast í bælið, nú ég sjálf er bara spræk eða þannig allavega ekki með neina flensu.

        Við Guðni Reynir erum búin að vera að færa inn fjárbókhald inn í fjárvís.is og gengur bara vel, allar uppl um féð komnar inn og einnig fang og burðarskráning og búið að skila vorbók svona til gamans en verðum ekki komin inn í þetta kerfi fyrr en 2008.  Eigum bara eftir að setja inn veturgamla féð, það ætti að gerast á næstu dögum held ég bara.

     Er búin að vera að leita að dagatali fyrir 2009 það liggur ekki á lausu en Dóri fann svo dagatal.is og þar fann ég næstum allt sem ég þrufti að vita, ekki samt neitt dagatal aftur í tímann eins og hvenær páskarnir 2005 voru...átti svo gamalt dagatal frá díf og auðvitað voru páskar 2005 þar.

22. sept 2007

Fékk senda málshætti í morgun bara flott...

    Oft fara hommar á bak við menn. :-)
 
  Betra er að ganga fram af fólki en björgum.

 Betra er að ráða menn með réttu ráði en ráðamenn.

 Léttara er að sóla sig en skó.

 Betri er einn fugl í sósu en tveir í frysti.

  Ekki er aðfangadagur án jóla.

  Blankur er snauður maður.

 Lengi lifa gamlar hræður.

  Betra er langlífi en harðlífi.

 Sá hlær oft sem víða hlær.

  Margur sefur yfir sig sem vaknar ekki á réttum tíma. :-P

 Rangt er alltaf rangt, það er rétt.

 Margur hefur farið flatt á hálum ís.

  Sjaldan er góður matur of oft tugginn.

  Heima er best í hófi.

  Betri eru læti en ranglæti.

 Betri er uppgangur en niðurgangur.

 Oft er virtur maður ekki virtur viðlits.

  Enginn veit sína kæfuna fyrr en öll er.

  Betra er að standa á eigin fótum en annarra.

  Þegar neyðin er stærst er hjálpin fjærst.

  Oft er grafinn maður dáinn.

  Oft veldur lítill stóll þungum rassi.

  Oft er bankalán ólán í láni.

 Oft eru læknar með lífið í lúkunum.

  Frestaðu því ekki til morguns sem þú getur frestað lengur.

 Enginn verður óbarinn boxari.

  Oft er dvergurinn í lægð.

  Einsdæmi er að dæmigerðar dæmisögur séu dæmdar dæmalausar.

 Sjaldan fellur gengið langt frá krónunni.

 Illu er best ólokið.

 Fátt smátt gerir lítið eitt eða ekki neitt.

  Ekki dugar að drepast.

 Eitt sinn skal hver fæðast.

 Sjaldan fellur róninn langt frá flöskunni.

  Blindur er sjónlaus maður.

 Bændur eru bændum verstir og neytendum líka.

  Eftir höfðinu dansar limurinn.

  Flasa er skalla næst.

  Margur slökkviliðsmaðurinn er eldklár. 8-)

  Margur geispar golunni í blankalogni.

  Sjaldan fara sköllóttir í hár saman.

 Oft eru bílstjórar útkeyrðir.

  Betra er að vera sí-virðulegur en svívirðilegur.

  Margur fer yfir Strikið - í Kaupmannahöfn.

 Oft fýkur í menn sem gera veður útaf öllu.

 Flestar gleðikonur hafa í sig og á.

  Fiskisagan flýgur en fiskimaðurinn lýgur.

 Oft láta bensínafgreiðslumenn dæluna ganga.

  Betra er að hlaupa í spik en kekki.

 Nakinn er klæðalaus maður.

  Margur miljónamæringurinn á ekki baun í bala - bara peninga.

  Sjaldan eiga fiskar fótum fjör að launa.

  Minkar eru bestu skinn.

  Margur nautabaninn sleppur fyrir horn.


  Betra er að drepa tímann en sjálfan sig.

 Betra er að ná áfanga en að ná fanga.

  Margur leggur "mat" á disk.

  Hungraður maður gerir sér mat úr öllu.

  Betra er að vera eltur en úreltur.

  Oft kemst magur maður í feitt.

  Oft eru lík fremur líkleg.

  Betra er áfengi en áfangi.

  Ei var hátíð fátíð í þátíð.

 Margur boxarinn á undir högg að sækja.

 Betri eru kynórar en tenórar.

  Betra er að sofa hjá en sitja hjá.

  Oft verða slökkviliðsmenn logandi hræddir.

  Til þess eru vítin að skora úr þeim.

 Oft fer bakarinn í köku, ef honum er gefið á snúðinn.

  Auðveldara er að fá leigt í miðbænum en guðanna bænum.

 Oft eru dáin hjón lík.

  Hagstæðara er að borga með glöðu geði en peningum. :-D

  Betra er að fara á kostum en taugum.

  Greidd skuld, glatað fé.

  Margri nunnu er "ábótavant".

  Margur bílstjórinn ofkeyrir sig.

  Oft hrekkur bruggarinn í kút.

  Margur bridsspilarinn lætur slag standa.

  Oft er lag engu lagi líkt.

  Oft svarar bakarinn snúðugt.

  Betri er utanför en útför.

  Margur fær sig fullsaddan af hungri.

 Það er gömul lumma að heitar lummur seljist eins og heitar lummur.

  Oft eru bílstjórar vel á veg komnir.

  Oft fara bændur út um þúfur.

  Víða er þvottur brotinn.

  Oft fer presturinn út í aðra sálma.

  Betra er að teyga sopann en teygja lopann.

  Margur bóndinn dregur dilk á eftir sér.
 

 

21. sept 2007

       Fór með böggybílinn hans Dóra á Hvolsvöll í morgun, en til stendur að reyna að setja það uppí fjórhjól fyrir þá feðga, það er Dóra og Bjössa, jú kannski mundu Sigga og GR nota það líka en sjáum hvað verður.

      Krakkarnir sem eru búin að vera að spila fótbolta með UMF Hvöt í sumar fóru svo á Selfoss í kvöld í pizzu, enduðu svo á Engjó í singstar skildist mér, voða gaman að sjálfsögðu.

    Dóri fór auðvitað með og þurfti í sturtu áður en hann fór og því var plásturinn tekinn af saumaskapnum og settur nýr.  Taldi sporin og þau eru 12 það er nú bara slatti, þetta leit bara vel út en smá bólga, það sem mér fannst nú mest skrítið var að mér fannst eins og allur bletturinn væri þarna enn, samt sá ég þegar hann var tekinn og fannst nú eins og næstum allt hefði verið tekið en kannski er það bara af því að saumaskapurinn teygir á þessu öllu saman og blettinum líka sem mér finnst bletturinn ekkert hafa minnkað enda var mér svosem sagt að það þyrfti að skera aftur, sem þíðir meira frí í sundi og að sjálfsögðu geta menn ekki stundað stærðfræði eftir svona aðgerð eða hvað?  Þetta var nú samt á upphandlegg en ekki heila en Dóri er nú duglegur að redda sér.

20. sept 2007

     Ekkert svosem að frétta í dag, búin að heyra í Önnu Dóru og gott ef þar eru ekki til ansi hátt dæmdir hrútar, þannig að ég ætti að fá góðann hrút þaðan, bíð bara spennt eftir því að sjá hvað verður og hvað kemur út úr kerrunni þegar þar að kemur en það eru allskonar reglur sem þarf að fara eftir að sjálfsögðu.

     Annars er Sigga hálflasin, virðist ætla að ganga hægt að ná úr henni sleninu.

19. sept 2007

     Fór á fundi í skólanum í dag, fyrst var það foreldrafélagið sem hélt fund og svo var kynningarfundur og spjall við kennara, komst að því að Dóri er nú ansi seigur, er ansi duglegur að tala fólk til held ég.  Gamli seigur, en þetta er svosem í góðu lagi.

     Fékk svo uppl. í dag um að ég má fá hrút hjá Önnu Dóru ekkert smá spennandi finnst mér, fékk líka leifi fyrir tveimur gimbrum svo er bara spurning hvort þær eru til þarna fyrir verstan en hrútinn fæ ég örugglega og hugsanlega þann golsótta sem ég er búin að hafa augastað á, lömbin á Bergi fara víst í dóm á morgun þannig að ég er voða spennt, allt viktað á fæti í dag.

    Frétti líka í skólanum að nú væri komið lag á netið nú og svo þegar ég ætlaði að uppfæra síðuna gekk það auðvitað ekki, þannig að enn er það líklegast virkast á nóttunni bara spurning hvort ég er  vakandi þá.

18. sept 2007

    Maggi og Sirrý kýktu í morgunkaffi og nú er komin helgi á Sviðaveisluna en hún veður annaðhvort 26 eða 27 okt, þannig  að þið sem ætlið að mæta takið helgina frá. 

    Við Bjössi fórum svo með Litbrá í sónar og hún er tóm eins og ég átti nú von á þannig að það verður bara sæðing næsta var.  Fórum líka með Hæring í spattmyndatöku svona áður en maður fer að leggja vinnu og kostnað í hann, hann er í  góðu lagi og þar sem ég á inni greiða hjá Vigni þá fór ég auðvitað með klárinn þangað og nú er bara að sjá hvort klárinn er eigulegur eða hvað?  Kannski væri auðvitað eina vitið að selja hann, og hver veit nema maður geri það bara.  En það verður að koma í ljós og eins hvort þetta er hestefni eða ekki...

17. sept 2007

       Rok og rigning og eiginlega slydda í dag.  Fór á Selfoss með Dóra en hann er með fæðingarblett á upphandleggnum, og var að velta fyrir mér hvort þyrfti að láta taka hann, hitti afleysingarlækni í Laugarási í sumar sem benti mér á að það þyrfti nú að láta gera þetta hjá skurðlækni því bletturinn væri það stór.   Reyndar hafði Gylfi læknir sagt þegar Dóri var bara lítill að það þyrfti að taka þetta um 12 ára aldur og jafnvel í tvennu lagi.  Hvað um það fór til Sveins sem er skurðlæknir og hélt nú að hann mundi líta á þetta og gefa okkur tíma í að láta taka þetta eða jafnvel láta kannski bara húðsjúkdómalækni meta hvort það þyrfti að taka þetta.  En þannig var þetta nú ekki, hann skoðaði  blettinn og sagði bara að það þyrfti að taka þetta og svo skar hann bara og tók blettinn,  Dóri þarf reyndar að fara aftur því eins og Gylfi sagði í upphafi þá er þetta ekki gert í einum skurði.  Fannst þetta nú bara frábært, átti svo virkilega von á að verða send fram og til baka, en vorum bara lukkuleg með þetta bæði tvö.  Lét svo kennarann hans Dóra vita að hann kæmist ekki í sund þessa vikuna og Dóri léta hana vita að hann gæti ekki heldur verið í stærðfræði.....veit nú ekki hvort hann fann rök fyrir því, allavega ekki rök sem hann getur staðið á.

    Nú seinnipartinn fórum við Linda til Steina á Flúðum að skoða hvolpana og þeir eru bara flottir, og auðvitað Brella flottust enda fylgir það nafninu, hún er greinilega með Kersins genið enda undan Kötlu og klifrar víst yfir það sem hún þarf að komast yfir...

16. sept 2007

      Aðeins verið að ragast í hrossum í dag, færa úr einni girðingu í aðra aðalega.  Það er greinilega komið heilmikið haust, frosið á bílrúðum í morgun, en svona er gengur þetta.

    Dóri og Bjössi fóru út að læk í dag að skoða lækinn, hann er nú ekki bakkafullur en þó ansi mikið vatn í honum.

15. sept 2007

      Bara farið að snjóa í morgun, og hestarnir hann Bjössa úti, átti nú von á að hann myndi vekja mig fyrir átta í morgun til að sækja hrossin en hann sá auðvitað að Jonni og Sverrir gætu nú líkast til komið með hrossin sem var auðvitað rétt, hann var nú samt í beinu sambandi þar til hrossin voru komin á kerru.  Annars bara rólegheit og snjófjúk það festi nú samt ekki neitt að ráði en samt ekki óskaveður í september.

     Nú það virðist svo  bara ekki vera nokkur leið að uppfæra síðuna að degi til eða þá að kvöldi, uppúr miðnætti er smá sjens og svo á nóttunni, það er eins og það sé bara ekki næginlega gott samband eða bara of mikið álag sem er nú ekki gott, því ekki er verið að nota netið í mínu húsi nema rétt á msn á þessum tíma.

14. sept 2007

     Í morgun voru sett hross á kerru og brunað í Þrándarholt en þaðan var svo riðið í Skaftholtsréttir, þetta var víst ansi stór hópur og mikið gaman, ég var aftur heima þar sem Dóri var enn veikur, en fór svo þegar Guðni Reynir var kominn heim úr skólanum.   Krakkarnir fóru svo á ball í Árnesi og Dóri á hótel Ingu  ömmu og hafði það bara gott.  Við Bjössi vorum svo komin heim um hálftvö í nótt en upphaflega ætluðum við að taka hrossin með okkur heim en þau voru auðvitað horfin þegar fór að dimma og því ekki hægt að ná þeim, held að það hafi svosem ekki skipt miklu máli.   Í Þrándarholti voru ýmsar kjötsúpur smakkaðar og var svo sungið langt fram á kvöld,  Árni Jónssen mætti líka með gítarinn og allir kátir.  Takk fyrir okkur Þrándarholtsmenn og konur.

13. sept 2007

     Ekkert smá rok búið að vera seinnipartinn, þetta er kannski veðrið sem átti að vera síðustu nótt.  Dóri er enn með hita og hálsbólgan er bara að versna, Guðni Reynir er líka slæmur í hálsinum en laus við hita, allavega ennþá.

     Bjössi og Guðni Reynir fóru svo út að læk að kýkja á hross og það var svo mikið vatn í læknum að hann var víst  bara bakkafullur, hef nú bara ekki vitað til þess á þessum árstíma áður en auðvitað er ég svo ung og gleymin að þetta gæti alveg verið alvanalegt.

    Á morgun stendur svo til að fara í Skaftholtsréttir og þá verður farið ríðandi frá Þrándarholti og í réttirnar nú og svo til baka aftur spurning hvort það verður farið í Skeiðaréttir en á svosem ekki endilega von á því.  Þetta verður örugglega gaman, ég fer nú samt ekki á hesti og fer ekki fyrr en seinnipartinn því Dóri er veikur, nú og ég kannski aðeins skökk þessa dagana.  Fer svo bara seinnipartinn þegar Guðni Reynir verður kominn heim úr skólanum, en auðvitað fer það eftir heilsufarinu á Dóra en honum er svosem ekki mikil vorkun getur laumað sér uppí bústað til Ingu og Reynis og verið þar eins og kóngur í ríki sínu en sjáum til.

Fékk þetta svo sent í dag og fannst nú ráð að setja þetta inn:

MÖMMUR
 

4 ára = Mamma mín getur allt.
8 ára = Mamma mín veit heilmikið.
12 ára = Mamma mín skilur ekki neitt.
14 ára = Að sjálfsögðu veit mamma mín ekki neitt um þetta frekar en annað.
16 ára = Mamma mín er ótrúlega gamaldags.
18 ára = Mamma mín er orðin svo gömul að hún veit ekkert um hvað lífið snýst í raun og veru.
25 ára = Mamma gæti nú vitað hvað ég ætti að gera.......
35 ára = Við skulum tala við mömmu áður en við ákveðum hvað við gerum.
45 ára = Hvað ætli mömmu finnist um þetta?
65 ára = Ég vildi óska að ég gæti rætt um þetta við mömmu............

Þær eru sko ómissandi þessar elskur
 

12. sept 2007

       Bara rok og rigning í dag, við Dóri ætluðum í réttir en þar sem Dóri var með hita í gærkvöldi ákváðum við að vera heima, og sem betur fer því hann var aftur kominn með hita um hádegið, þannig að hiti og hálsbólga er að hrjá hann.

      Það var svo farið í réttir án okkar Dóra og þetta passaði alveg, því allar þær kindur sem Guðni Reynir var  búinn að sjá skiluðu sér enda svosem keyrðar í réttirnar þannig að það hefði verið undarlegt ef þær hefðu ekki komið, en það bættist heldur ekkert við en auðvitað hefði getað komið eitthvað úr heiðinni en þær hafa haft vit á að fela sig í þokunni.  Þær skila sér örugglega fyrir rest.

11. sept 2007

     Guðni Reynir fór svo í gönguferð út í hraun að kýkja á kindurnar núna í kvöld og rakst á veiðiþjófa sem höfðu verði að stelast í lækinn.  Guðni hafði nú ekki rænu á því að spyrja þá hvað þeir væru að gera þarna eða hverjir þeir væru heldur spjallaði víð þá um kindur, nú og aflann en þeir sögðu að það væri enginn fiskur í læknum..... var nú ekki kát með þetta, hvorki veiðþjófana né Guðna Reyni að láta þá ekki vita að þeir væru í óleyfi.  Voði gerði aflann reyndar upptækann hann klikkar nú ekki sá gamli og hefði nú átt að reka veiðiþjófana burt,  eins og Guðni hefði nú sjálfur átt að gera, en aflinn var einn urriði  og frekar lítill.

      Þá er fjallferð að baki í bili, og réttir á morgun.  Var búin að fá frí fyrir Dóra til að fara í réttir en nú er hann bara kominn með hita svo ég sé ekki alveg að hann fari í réttir á morgun.   Honum varð ekki einusinni kalt í smalamennskunni í gær þannig að þetta hlítur að vera tilfallandi.  Guðni Reynir búinn að bíða í allann dag eftir að eitthver hringi í hann til að sækja fé, hvert sem er eiginlega en enginn hringt þannig að það hefur verið nægur mannskapur.

10. sept 2007

     Jæja þá er maður búinn að heimta menn og skepnur af fjalli, menn og hestar allir komnir en fénu verður réttað að miðvikudaginn.  Það gekk nú á ýmsu síðast daginn á fjalli, en þá var smalað úr Kringlumýri og niður í byggð, held að það hafi næstum allir villst bara mismikið, held þó að Fjalli hafi ekki villst.  Nú Miðengismenn villtust að sjálfsögðu en fundu sig sjálfir eða hver annann enda með endemum ratvístir og ekki nóg með að eiga áttavita heldur var áttavitinn með í för, reyndar villtust þeir svosem ekki alvarlega þó stundum hafi þeir ekki alveg vitað hvar þeir voru en sem betur fer var nú Sverrir með sem er með eindæmum ratvíst og hélt alltaf áttum.  Miðengismenn voru svo komnir niður á Búrfellsveg á tilsettum tíma til að taka á móti fénu sem kom af fjalli þanig að þetta var  bara gaman.  Frétti nú samt af fólki sem villtist mikið meira, en þegar þau sáu niður í Laugardal þá áttuðu þau sig á hvar þau voru og fóru aftur í Kringlumýri og léldu bara heim, sumir létu sækja sig en aðrir fóru ríðandi.  Hef svo ekkert heyrt að villuráfandi austurleitarfólki en af fenginni reynslu hjóta þeir að hafa villst eða kannski bara komið niður annarstaða en til stóð.  Hvað um það örugglega allir komnir til byggða því ekki hefur verið hóað í Miðengismenn að leita ......

     Dóri smalaði líka fyrir heiðina og fannst þetta bara frábært, held að því verra sem veðrið varð því meira gaman hjá honum, skil hann svosem vel á meðan honum varð ekki kalt og ekki týndur þá er þetta nú bara gaman.

9. sept 2007

      Kýkti í Laugarvatnsrétt, sá það slatta af Grímsnesfé sem var komið í réttina en það fé hafði skilað sér í austurleit Laugdælinga, nú þar sem ekki var búið að reka inn safnið fór ég í Kringlumýri, aðeins að skila af mér bensíni, fór svo aftur í Laugarvatnsrétt held  að það hafi bara ekki verið nein kind frá Miðengi þar en ég var semsagt send til að njósna fyrir Guðna Reyni en hann fór í Mjóanes að skoða féð þar en þar áttum við eitthvað fé.  Skildist á honum núna undir kvöld að hann væri búinn að sjá 10 af þessum 14 sem hann keyrði inneftir þannig að þetta er nú ágætt, restin gæti verið í heiðinni.

    Fór svo aftur af stað seinnipartinn, byrjaði á að sækja Siggu í Hveró, kom svo við á Úlfljótsvatni og tók Snæbjörn með, og fórum svo í Kringlumýri að líta eftir liðinu.  Allir sprækir þar og bara einn Miðengismaður sofnaður uppúr níu, enda búinn að smala mest af öllum,,,að eigin sögn, eða  smalaði hann kannski bara best..
    Fórum svo  af stað heim þegar var farið að nálgast miðnætti, byrjuðum á að fara á Úlfljótsvatn með Snæbjörn þá með Ingþór á Selfoss, Siggu í Hveró nú og svo kom ég mér heim, var komin heim um hálftvö.

     Dóri varð aftur eftir í Kringlumýri, ætlar að smala yfir heiðina á morgun og fannst bara gaman að veðurspáin skuli vera 10-15 m/sek og rigning.  Skildist á Guðna Reyni að safnið verður skilið eftir innfrá og keyrt til byggða á þriðjudaginn, þannig að á morgun verður bara heiðin smöluð og ekkert safn, það ætti nú að ganga eitthvað hraðar fyrir sig.

8. sept 2007

     Hér var bara heilmikill gestagangur i dag, tendó komu við ásamt Rúnu og Grétari, mamma og pabbi litu inn og eins Dóra og Bubbi nú og svo kýkti Hreinn í kaffið.  Annars bara allt í rólegheitum, heyrði í fjallmönnum og auðvitað hafði Guðni Reynir gleymt astmalyfjunum heima ásamt pollagallanum, við Dóri ákváðum að rúlla inn í Gatfell með þetta allt saman. 

      Dóri er annars búinn að vera að valta reiðveginn hér heim fram og til baka og leiðist það ekki.

7. sept 2007

     Fór aftur á Selfoss í morgun að klára að versla, svo var pakkað í kistla þar til allt var fullt og nú fer  bara allt að verða klárt.   Ein Sigga hringdi svo í morgun og vildi endilega komast á fjall en vantaði hesta, því var fljótreddað og hún komin um hádegi að sækja hross og farin af stað.

     Trússararnir fóru svo inn í Gatfell með trússi, gleymdu svo kaffikönnunni í bílnum,,,,aular,,,, þetta var svo auðvitað það fyrsta sem Fjalli tók eftir þegar hann kom inneftir, bara klúður að senda svona edrú menn inneftir, já þá á ég auðvitað við bæði trússinn og Fjalla.  Viss um að ef eitthver sem fór ríðandi inneftir og var vel í skál hefði sá hinn sami ekkert fattað að það vantaði kaffikönnuna, en svona getur þetta verið.  Vona bara að þetta verið fyrirgefið, nema trússararnir verði settir af hver veit.  Miðengismenn fara svo inneftir í fyrramálið, held að þeir þurfi ekki að byrja að smala fyrr en undir hádegi, því þeir sem eru í Gatfelli þurfa að koma sér áfram innúr áður en hægt verður að byrja að smala en við keyrum hestana bara beint innúr.

     Mamma kom svo í dag og hjálpaði mér í tiltektinni, skúra yfir gólfin og þessháttar takk fyrir það.

      Fjölbrautarskólinn er svo í fríi í dag, þannig að Guðni Reynir er  búinn að vera að vasast í fjallmálum og Sigga var fram að hádegi að ragast í hrossum með körlunum og fór svo út á Borg að vinna.

6. sept 2007

         Þá er verið að gera klárt fyrir fjallferð, fara á Selfoss og versla og alles.  Bensi hefur séð um þetta undanfarin ár, verslað eldað pakkað og bara alles, jafnvel matað svo fjallmenn, mjög einfalt og þægilegt fyrir okkur hin.  Nú eru semsagt Bensi, Kristín og krakkarnir erlendis, koma reynda annað kvöld, nú og við Bjössi ætlum að reyna að koma Þessu rétt í kistlana.  Þegar við vorum búin að fara heilann hring í Bónus og karfan orðin full, sagði Bjössi að nú væri nóg komið, það væri ekki hægt að éta meira.  Nú þegar heim var komið þá sáum við að kannski þyrfti nú að kaupa aðeins meira, geri það í fyrramálið, enda eru þetta allavega fimm fjallmenn og gott ef þeir eru ekki bara sex.

       Dóri fór svo á hestbak í kvöld, sagði að Perla væri ekki í nógu góðri þjálfun og hann þyrfti að hreifa merina, hann ákvað að fara hnakklaust svo við vorum nú smá stressuð því hann ákvað að fara bara einn.  Hann byrjaði á að fara niður í Far, kom svo til bara og fór niður dalinn og uppá veg og kom svo þá leiðina heim.  Ekkert mál skildist mér.

5. sept 2007

Halla Karen á afmæli í dag, Íris Hrönn á líka afmæli, og jafnvel Aron Bjarni, til hamingju öll sömul.

      Búin að vera ansi duglegt að vinna í heimasíðunni í dag.  Kominn nýr linkur sem heitir um okkur.  Þar er ýmislegt gamalt efni af fyrstu síðunni minni, og allt um Miðengi, annarsvegar það sem hann Bragi Halldórsson frændi tók saman,,,,, þar eru vísurnar hans Benedikts afa og margt fleira. Set hér inn smá klausu sem er nú ansi merkileg:

   ,,Tildrögin að því að Benedikt og Halldóra keyptu Miðengi og hófu þar búskap eru frásagnarverð. Þegar þau fluttu þangað voru þau í fyrstu leiguliðar en þegar þau föluðu jörðina mætti það andstöðu innan hreppsins að selja þeim hana. Þá birtist allt í einu fyrirvaralaust Stefán Þorláksson, sem Halldór Laxness hefur gert ódauðlegan í Innansveitarkróníku sinni, og var jörðin seld honum fyrir allhátt verð. Hann seldi þeim Benedikt og Halldóru á hinn bóginn jörðina aftur við sanngjörnu verði. Gekk honum það eitt til að launa Halldóru það þegar hún hlynnti að honum þegar hann kom hrakinn að Lágafelli á barnsaldri.''

     Þannig var nú það og takk fyrir þetta Stefán Þorláksson, nú verð ég að lesa Innansveitarkróníku.  Nú hreppurinn hefur setið uppi með okkur sína og okkur fjölgar Miðengismönnum. Tengdó að byggja og hver veit nema að Sverrir gangi út fyrir rest.

    og hins vegar ýmislegt sem hún Kata frænka tók saman mjög skemmtilegt,  örnefni, búsetunöfn, náttúrunöfn og auðvitað sagan ógleymanlega ,,það má nú ekki mikið í Miðengi," sem er enn í fullu gildi, þó svo að þetta hafi verið sagt hér áður en mitt fólk kom hér.

    Læt sögun fylgja hér:

     ,, Ekki er hægt að fjalla um Miðengi án þess að gera grein fyrir orðatiltækinu Það má ekki mikið í Miðengi. Skömmu fyrir aldamótin 1900 bjó í Miðengi bóndi sem var nokkuð kvensamur. Kona hans kunni þessu illa og fann að þessu við bónda. Þá varð honum að orði: Það má ekki mikið í Miðengi. Húsfreyja virtist hafa nokkuð til síns máls því nokkru síðar ól vinnukona á bænum barn sem hún vildi ekki feðra. Hún fór með barnið til kirkju að Búrfelli til skírnar ásamt heimilisfólki í Miðengi. Vegna fátæktar vinnukonunnar tilkynnti prestur að hann tæki ekkert fyrir skírnina. Þá sagði bóndi: Ég þakka. Stuttu síðar sagði hann: Við þökkum. Að síðustu bætti hann við: Og við þökkum allir Miðengismenn."

       Setti nýja mynd af krökkunum sem hann Toni tók, bara flott mynd og flottir krakkar líka.    

        Bjössi er búinn að vera að keyra möl í reiðveginn og Dóri fór eftir skóla að valta, hægt að láta hann keyra fram og til  bara þar í allann dag ef þarf, allavega á meðan útvarpið virkar í traktórnum.

     

4. sept 2007

      Gekk svona ljómandi vel að gelda það sem hægt var að gelda.  Engar kúlur enn í Rafael og verður líklegast að skera hann upp eða fella hann bara þetta er ekki alveg að gera sig.  Nú svo var geltur mósóttur foli frá Valla, tveír brúnsjóttir frá Sverri og einn jarpskjóttur frá Bjössa, hann Emmi.  Emmi kom nú verulega á óvart kominn með svo mikið fax, en ennþá svona fallega jarpsljóttur, hann er undan Hildi og svo honum Sólrík eins og hann Sóli þannig að þetta ætti nú að geta orðið flottur klár.

      Dóri og Bjössi drifu sig svo í bíó á Selfoss, ég sat aftur heima og horfði á framhaldsmynd sem ég er búin að bíða ansi lengi eftir bara gaman.

3. sept 2007

       Von á Gunnlaugi á morgun til að gelda.  Vonandi verða eitthverjar kúlur í folunum til að fjarlægja.

2. sept 2007

        Þá er búið að smala saman tittunum í túninu í von um að það verð gelt á morgun, allavega í vikunni.   ætli þetta séu ekki fjórir veturgamlir folar og einn tveggja vetra, og ekkert komið niður í þeim tveggja vetra.  Nú svo fóru Hæringur og Erpur aftur út í tún, enda orðnir þriggja vetra og óþarfi að gelda þá úr þessu allavega í bili, en svo sluppu tveir til við geldinguna, Máni sem er undan Forseta og Sunnu, Jonni og Linda eiga þann fola brúnskjóttur töffari og svo hann Tintron sem ég á alein og skuldlaust, móvindóttur undan Hæru og Aron.  Mæður þessara tveggja veturgömlu fola eru svo báðar undan Galdri frá Laugarvatni sem er í miklu uppáhaldi hér á bæ.

1. sept 2007

      Fórum í mat til Hödda og Möggu upp í bústað í kvöld,  bara gaman og gott að borða eins og við var að búast, takk fyrir okkur.

31. ágúst 2007

         Fórum á Hellu að kýkja á yfirlitið og ná í Litbrá, hún hækkað ekkert en stóð sig vel.  Fórum svo með eina hryssu frá Önnu Dóru í Þjóðólfshaga, önnur frá Önnu Dóru kom hér heim og Litbrá fór í dýralæknisskoðun en hún hélt aldrei í fyrrasumar og nú átti að sá hvort eitthvað væri að, eða eitthver skýring á þessu. Það kom í ljós að leghálsinn liggur eitthvað skakkt þannig að hún fyljast líkast til ekki þessvegna allt annað er í góðu lagi, mælt með sæðingu næsta vor.  Það er samt ekkert útilokað að það sé hægt að koma í hana folaldi svona án aðstoðar, ef hún yrði sædd og ætti folald væri þetta svo ekkert vesen meir þá lagast þetta semsagt.  Ég var alveg komin á þá skoðun að láta bara sæða næsta vor, samkvæmt þessari sónarksoðun þá var merin bara nýbúin í látum.    Nú þetta semsagt bara hið besta mál, haldið þið ekki að Bragi hafi svo hringt í kvöld og sagði mér að merinni var haldið núna rétt fyrir sýningu.....akkúrat eins og ég var að vona, en Bragi misst af því hehe, hvað um það fer þá bara  með merina aftur í sónar eftir 2-3 vikur svona til að vera viss og hver veit ef ég er heppin þá er hún fylfull nú og ef ekki þá veit maður allavega hvað er að.

30. ágúst 2007

     Aðeins búið að rigna í dag, enda bara ágætt.  Bára frænka tengdapabba kom svo við í morgun ásamt  vinkonu sinni og Arndísi dóttur sinni, rosa gaman að sjá þær hef nú séð Báru áður en ekki Arndísi.  Bára og vinkona hennar voru að koma úr heilsuviku og voru bara alsælar held ég.

    Annars bara sama letilífið á manni.

29. ágúst 2007

Orri á afmæli í dag, til hamingju með daginn og velkominn í fullorðinna manna tölu, nú þurfa menn líka að haga sér eins og fullorðnir,,,,keyra á löglegum hraða og svo framvegis Orri minn.

28. ágúst 2007

     Fórum á Hellu í dag að horfa á Litbrá í dómi, sýningin gekk bara glimrandi vel fannst mér og merin bara flott, dómararnir virtust nú ekki sjá það sama og ég hehe og reyndar virtist það ekki eiga bara við um Litbrá, sá afskaplega þreytta og eiginlega hálfundarlega hryssu og þegar til kom þá datt sú í fyrstu verðlaun?? En svona getur þetta bara verið yfirlitið er eftir og sjáum hvort liggur betur á dómurunum þá, því ekki var hægt að setja út á sýninguna eða hryssuna fannst mér.  Hún endaði í 7,61 fyrir byggingu aðeins sparað við hana þar finnst mér en hún er nú samt ekki nein ungfrú Gaddstaðaflatir, nú og svo fékk hún 7,75 fyrir hæfileika, nætti nú vera hærra en enda var hún bara ansi flott en kannski var það bara rigningin og dómararnir sáu þetta ekki nógu vel ehehe en svona er þetta bara.

27. ágúst 2007

     Var bent á þessa linka tvo... það er nú ekki hægt að segja annað en að það eru miklir íþróttamenn sem maður þekkir, sundkappar og fimleikamenn eða hvað?  Eða kannski bara vitleysingar? Nei held ekki bara snillingar.

 Sundkappinn

 Fimleikamaðurinn

    Þannig var nú það og það var ekki ég sem setti þetta á netið, þetta var þar fyrir bara aðeins að benda á þetta hehe

26. ágúst 2007

       Letidagur í dag einn ganginn enn.  Ekkert slæm í skroknum eftir hestbakið í gær, helst kannski í mittinu held að reiðbuxurnar mínar séu kannski bara aðeins og þröngar í mittið eheh annars bara eins og ný.

25. ágúst 2007

      Var að fá aldeilis flottar fréttir úr Ameríkunni:
Kersins Spurdann took BEST OF BREED  in the largest Icie show in North America. 
Þannig var nú það og til hamingju Maggý og fjölskylda.  Það er svo mynd af Spurðann og reyndar öllum Kersins hundum sem ég á mynd af í albúminu mínu.

    Fórum í Holtakot í dag í útreiðar með Holtakotahjónunum Valla og Siggu, þetta var alveg frábær ferð, fórum frá Arnarholti, fórum rosafínar moldargötur og yfir á, reyndar fram og til baka svo oft að enginn veit hversu oft við fórum yfir, held að áin heit Andará, veit ekki heldur hvort  við enduðum sömu megin og við byrjuðum við ána en enduðum allavega í Holtakotum, þetta var frábær leið og frábær félagsskapur auðvitað, svo beið okkar baunasúpa í Holtakotum, frábært bara í alla staði.  Takk fyrir okkur.

24. ágúst 2007

       Var ansi heppin í morgun en Svenni dýralæknir kom að skoða meri hjá Bensa bróður og auðvitað notaði ég tækifærið og lét parvósprauta eina fimm hunda en það var kominn tími á þá.  Kersins Linda bíður svo fram á haustið eða kannski bara fram á næsta ár því hún á líkast til ekki endurkomu fyrr en í ferbrúar og lítið mál að skjótast með einn hund á Selfoss, meira mál með fimm og þar af tvær lóðatíkur, en Týra fer nú vonandi að klára sitt lóðarí en Tíbrá fer að nálgast hálóða.  Hugsa svo að Skráma og Linda fylgi fast á eftir.

     Dóri stendur sig agalega vel í tamningum, sá Bjössa koma röltandi hér heim í dag og brá nú smá þegar ég sá að Dóri var á Sóla inni í gerði, en það var bara ekkert mál, hann var víst búin að fara á Kubb, og bara mjög sáttur við þetta allt og folarnir reyndar líka.

     Á morgun er svo hin árlega Holtakotaferð, en þá er riðið um tungurnar og endað í mat í Holtakotum hjá Valla og Siggu, alltaf verið rosa gaman, misjafnt verður stundum en þó oftast gott, kannski var það bara einu sinni sem ringdi eitthvað að ráði, en þá var hægt að plata Helga í að ríða á áfangastað en ég tók bílinn minnir mig, eða hvað, var nokkur bíll?? Man þetta ekkert en semsagt rigning og Helgi fór á hestbak, maður man jú alltaf það sem máli skiptir hehe

     Búin að setja inn fullt af nýjum myndum á síðuna, myndir frá Evu og Gunna úr Gúbbaferðum, gott ef ég er ekki með myndir frá Sverri líka, ætli þurfi nokkuð að ritskoða þær áður en þær fara inn? Varla, en reyni að setja þær inn líka. 

      Eins er ég búin að setja inn fullt af nýjum myndum í Kersins hunda albúmið, þarf bara að reyna að nálgast fleiri myndir og nýrri.

22. ágúst 2007

      Skólasetningin var í dag hjá krökkunum bæði Dóra í Ljósuborg og eins stóru krökkunum í FSu, held að þetta leggjist bara ágætlega í krakkana, best í Siggu held ég samt  hehe strákarnir bölva en eru nú samt kátir með þetta held ég.

       Sá að það er komin hollaröðun fyrir kynbótasýninguna á Hellu, Litbrá mín er skráð 29. ágúst og klukkan átta um morgunin, sá að Vignir sýnir hana Laumu frá Miðengi í sama holli, þetta verður bara spennandi en svo er auðvitað alveg óvíst hvort þessir kappar mæta með umrædd hross umræddann dag eða bara eitthvað allt annað en það er nú bara þannig að það sem er best upplagt eða tilbúið mætir mundi ég halda.

21. ágúst 2007

      Fór aftur á Engjó og kláraði að taka dótið hennar Siggu.  Nú svo kom hann Villi í Tækniþjónustunni og ætlaði að laga sjónvarpsmálin en það tekur víst aðeins lengri tíma en að setja eina snúru í samband þannig að vonandi nær hann að klára þetta á morgun allavega í vikunni. 

     Sóli og Kubbur voru teknir inn í dag og járnaðir, kominn tími til að vinna eitthvað í þeim, strákarnir fóru á bak og gekk eins og í sögu.

20. ágúst 2007

        Dagurinn í dag fór í að við Dóri fórum á Engjó að taka dótið hennar Siggu en reyndar taldi hún sig vera búna að taka öll fötin sín.  Það komu nú samt þrír fullir ruslapokar af fötum en þó ekki alveg allt af henni og annað eins fór í gáminn af dóti, náðum nú samt ekki að klára þetta en fer líkast til aftur á morgun.

19. ágúst 2007

    Haldið þið ekki að hann Hæringur minn sé bara kominn heim, svo flottur og spengilegur verð ég bara að segja.  Folarnir í Niðurtúninu voru líka kátir að sjá hann sérstaklega Erpur en Erp finnst hinir folarnir örugglega bara tittir hehe, mikið hlaupið um túnið í dag, það er folarnir sumir meira en aðrir þó.  Helga Rós kom með klárinn suður fyrir mig, hún var líka á rúntinum með hryssurnar sínar eins og Kolla og gott ef allar þessar hryssur eru ekki að fara í Þjóðólfshaga til Sigga.

18. ágúst 2007

     Drifum okkur á Vallarmótið í morgun, reyndar með hestinn í kerru en Dóri ákvað að keppa í barnaflokki, þetta gekk bara ágætlega nema fetið, mótið var reyndar aðeins öðruvísi uppsett en krökkunum hafði verið sagt á námskeiðinu og fór það nú ekki nógu vel í minn mann.  Hann hélt að það yrði einn inná í einu, fyrst fet svo stökk og þá tölt eða sá gangur sem þau vildu sýna en, þegar komið var á staðinn þá var það víst þannig að það áttu þrír að vera inná í einu, fyrst fet þá sú gangtegund sem krakkarnir vildu sýna og í lokinn stökkið.   Held að þetta hafi svosem ekki skipt neinu máli nema auðvitað hélt hann að þetta yrði eins og um var talað og það lagðist aðeins illa í hann, búinn að finna út að klárinn var mun hreinni á töltinu eftir stökkið en þetta gekk nú samt allt ágætlega.

     Kolla og Diddi kýktu svo í kaffi en þau voru að á rúntinum með hryssurnar sínar. 

      Restin af Hraunshrossunum álpaðist svo heimundir þannig að við notuðum tækifærið og settum restina af folaldsmerunum í austurtúnið, þannig að nú eru þær átta þar og svo veturgömlu mertryppin.

      Fórum svo á Mennigarnótt með börnin en ótrúlegt en satt, allir krakkarnir ákváðu að fara með okkur, Guðni Reynir, Sigga og Dóri, við komum svo við í Langagerðinu og gripum Hödda og Möggu með okkur svo við mundum nú ekki villast, þetta var rosalega gaman og hittum ótrúlega mikið af fólki sem við þekktum, ég var bara alveg hissa, vorum svo komin heim í Miðengi uppúr eitt í nótt held ég.

17. ágúst 2007

     Netið loksins komið í lag, búið að vera dálítið skrítið því ég hef ekkert komist á netið á minni tölvu, og jafnvel þó ég slökkvi á öllu sem tengist við loftnetið þá geta krakkarnir samt dottið inn á netið á fartölvunum.  Jæja það komu semsagt menn í dag að laga þetta og fundu það út að fyrst mitt net virkaði ekki þá náðu fartölvurnar að tengja sig inná netið í næsta húsi  bara spurning hvoru húsinu hehe, það er nú samt búið að koma lagi á þetta og mínar tölvur eiga hér eftir bara að nota mitt net, semsagt eitthvað græjað svo það væri rétt.

      Fórum annars með mertryppi frá Bensa til dýralæknis í dag, það er nú bara ekki eðlilegt hvað það lítur ekki vel út og lekur alltaf eitthvað frá því.  Það kom semsagt í ljós að það grefur svona agalega frá skeiðinni, sem er bara slæmt, þannig að nú er það bara mikið af pencilíni og í eitthvern tíma því þetta hefur líkast til grasserað ansi lengi en ætti nú samt að vera hægt að laga.

       Nú svo er ég búin að setja inn myndir úr hestaferðinni, allavega allt sem var birtingarhæft.

14. ágúst 2007

      Fékk fréttir af henni Gjósku minni í dag og hún er fylfull við Klæng reyndar bara með 14 daga fyl og þó búin að vera þarna siðan í vor á folaldagangmálinu, þannig að nú er allt orðið sónað og klárt.  Reyndar er Litbrá enn ófengin held ég ekkert verið haldið en það gerir ekkert til, sjáum bara hvað setur eftir sýninguna í lok ágúst en ég á von á að hún fari í dóm þá.

      Fór svo með Dóra á reiðnámskeiðið á Bjarnastaðavöllinn í dag, ekkert smá ryk, maður sá stundum bara ekkert í hrossin fyrir moldroki, en það er svosem ekkert við þessu að gera.

13. ágúst 2007

       Við Bensi bróðir fórum að Neðra Seli í dag að sækja hryssuna hans, komum svo við í Árbæ en þar var hún Lísa mín sem var sónuð með fyli á föstudaginn.  Og Aron sjálfur sá heppni það er pabbi væntanlegs folalds.  Komum svo við á Stuðlum til að fá dýralæknisvottorð á Lísu svo hægt væri nú að skella á hana tryggingu.
     Rétt komin heim þegar við fengum þá hugmynd að láta sóna Hæru og viti menn hún líka með fyli þannig að það verður ekki leiðinlegt að bíða eftir folöldunum næsta ár.

     Við Sigga fórum svo í berjamó, og ég fann aðeins af hrútaberjum, kannski bara í eina matskeið en hrútaber samt.  Nú og svo var slatti af bláberjum og svo krækiber líka.

    Björg í Efsta dal kom svo við í kvöld, hún var með hundinn sinn með en hann er alveg eins og Týra systir hans nema bara strákur og dálítið stærri.

    Dóri fór svo á reiðnámskeið úti á Bjarnastaðavelli, hann fór á Neista og gekk bara vel.

12. ágúst 2007

     Þá var komin tími til að koma sér heim á leið, riðið frá Bjánstöðum á Skeiðum, og í Miðengi, fengum leifi til að fara ,,hinu megin" við Vörðufellið, þar lentu menn og konur í sá basli en hún Perla kom sér ofaní gjótu og dálítið bras við að ná henni upp, en Sverrir svo handleggja langur náði merinni upp á eitthvern undraverðann hátt skildist mér, takk fyrir það Sverrir.  Nú þá var komið við hjá honum Snæbirni í Sláturhúsinu, og hamborgurum og bjór raða í mannskapinn, ekki slæmt það.  Næsta alvöru stopp var svo í sjoppunni á Borg hjá henni Siggu,  og mannskapurinn pulsaði sig upp, enginn bjór seldur þar en eitthvað var enn í trússkerunni svo enginn þurfti að vera þurrbrjósta, það voru svo allir komnir heim um hálfníu held ég bara. 
     Það heyrðist svo í Guðna Reyni þegar allir voru komnir heim ,,rosalega er skrítið að sjá alla koma edrú heim"....veit ekki alveg hvað hann meinti, það voru mjög fáir edrú ehhe en enginn fullur svosem heldur.

11. ágúst 2007

     Riðið frá Félagslundi að að Brjánstöðum á Skeiðum enn og aftur gott veður og allt gekk eins og í sögu.  Á Brjánstöðum fengum við þvílíkt flottann mat, reyndar hrossin líka... frábært aðstaða í alla staði bæði fyrir menn og hesta, takk kærlega fyrir okkur Sigrún.

10. ágúst 2007

      Í dag var svo farið frá Þorlákshöfn og að Félagslundi, ansi gaman held ég bara og frábært veður eins og alltaf er í þessum ferðum.  Fékk svo líka langþráð símtal í dag frá honum Gumma Bærings en hún Lísa mín var sónuð með fyli, ekki slæmt það nú sæki ég hana bara strax eftir helgi.

9. ágúst 2007

Jonni á afmæli í dag til hamingju með daginn gamli minn

       Dagur eitt í hestaferð, Gandar og Gúbbar leggja i hann frá Stuðlum og stefnan tekin í Þorlákshöfn. Sólmundur ætlaði að lóðsa mannskapinn frá Arnarbæli og á haf út.... til öryggis var Siggi á Þúfu fenginn til að vera með í ferð því Sólmundur vissi sem var að Gandarnir mundu alls ekki elta hann í svona för....Siggi á Þúfu kom því mannskapnum heilu á höldnu í Þorlákshöfn en þar  var svo gist.  Mikið gaman og að hætti þessa hóps fóru allir snemma að sofa.

7. ágúst 2007

      Verið að vasast í hrossum og að jafna sig eftir helgina, ekki veitir nú af svona áður en hestaferðin byrjar en það verður lagt af stað á fimmtudaginn.  Annars bara allt í rólegheitum.

6. ágúst 2007

       Jæja þá er nú fólkið farið að tosast heim enda flestir að fara að undirbúa hestaferð sem verður lagt af stað í á fimmtudaginn, alltaf nóg að gera, eitthver hafði þó orð á því að næsta sunnudag yrði líkst til réttast að undirbúa sætaferðir á Vog, enda ekkert Byrgi hér í sveit lengur, hef þó enga trú á að það þurfi nokkur að nýta sér þær sætaferðir, allir svo afskaplega prúðir í þessum ferðum, sbr. ferð sem farin var um síðustu helgi.

5. ágúst 2007

      Smá rok í morgun og Partýtjaldið dó, það dóu nú eitthverjir fleiri í nótt  hef ég grun um, og bara skondið að partýtjaldið endaði lífdaga sína ofaná ,,dauðatjaldinu" eða þannig, það rumskuðu eitthverjir allavega við að það datt eitthvað ofaná þau, en allir komu nú samt heilir út úr þessu og tilbúnir í slaginn á ný.  Dagurinn notaður í að undirbúa sál og líkama fyrir ballið í kvöld.  Það var Limbókeppni í hlöðunni og eins var söngvarakeppni, þetta tókst rosalega vel og ég held að börnin hafi verið alsæl.  Strákagengið hér á torfunni laumuðu sér svo inn í kaffistofu áttu að semja Miðengislagið 2007, lagið sem þeir notuðu var Popplag í G-dúr og textinn fumsaminn og settur á bakhlið dagatals en á framhliðinni var ungfrú júlí 2007 sem skýrir textann.  Hér kemur svo lagið.

Í Miðengi er gaman og gott að vera
Við hleypum engum hér út.
Skrifandi aftan á kerlingu bera,
svo karlarnir fá allir stút.

Við segjum saman:

Komum að ári,
við segjum komum eftir ár.
Segjum saman
komum að ári,
við komum eftir ár.

Það er engin leið að hætta
það er engin leið að hætta
það er engin leið að hætta að koma hingað,
komum að ári,
komum eftir ár.

Við keppum á hestum og syngjum á brennu
stemmingin frábær og góð.
Það skemmta sér allir í frábærri spennu,
en EIN datt af baki,,,Ó

Við segjum saman......

 

    Þetta sungu semsagt strákarnir, og héldu blaðinu fyrir framan sig svo þeir sæu textann en við hin sem horfðum á þá syngja sáum bara  Ungfrú Júlí 2007...bara skondið.  Það var svo dansað og djammað hér úti í skemmu fram til klukkan fjögur held ég, eitthverjir héldu svo áfram að semmta sér í Króknum og enn og aftur fór þetta allt rosavel fram enda ekki von á öðru.

4. ágúst 2007

Linda svilkona á afmæli í dag, til hamingju með daginn.

      Þegar líf var komið í Krókinn þá var farið í leiki með krökkunum, held reyndar að það hafi verið fleiri en krakkarnir sem skemmtu sér í pokahlaup,, er búin að sjá frábærar myndir af ljósmyndafyrirsætu Kúakróks 2007, vonum  bara að Toni geti sett þær inn sem  fyrst.  Nú svo í kvöld var Miðengismótið í hestum eins og það var kallað, þeir Bragi og Dóru voru víst búnir að ráðstafa verðlaunum og viti menn þeir voru fyrstir kallaðir upp í verðlaunaafhendingu enda bara klíkuskapur í gangi á þessu móti.....nú Svava átti svo tilþrif mótsins en  var ekkert verðlaunuð fyrir það. Held að reglum verði breytt að ári og þá gæti Svava átt góðann sjens með þessu tilþrifum, veit ekki hvort Kalli náði  tilþrifunum á mynd en vonum það.  Þetta tókst semsagt ljómandi vel og mikið gaman og rosamargt fólk.  Rollur út um allt held hreinlega að girðingin góða haldi þeim ekki, held reyndar að þær hafi nú ekki komist í girðinguna hehe.  Það var svo varðeldur undir miðnætti og enn bættist við af fólki, glöggir menn töldu að það hefði verið á milli 250 og 300 manns þarna um kvöldið, reyndar er þessi glöggi maður næstum eineygður og þessvegna gæti fjóldinn hafa verið nær 500 eða hvað?  Ekki gott að segja þetta fór reyndar allt rosa vel fram enda fór Sverrir til Eyja sem gæti skýrt ýmislegt, annars er hann nú alltaf rosa prúður drengur. 
        Í gærkveldi ræddu Dóri og Steinar reyndar mikið um það hver Eiður Smári væri að fara og eins hvert Sverrir væri að fara,  West Ham var giskað á með Eið Smára og West Manneyjar var giskað á með Sverri.  Þetta gekk svo eftir í dag allavega með Sverri veit ekki með Eið Smára hann er kannski aðeins lengur að taka ákvörðun.

3. ágúst 2007

      Nú undir miðnætti, eru komin 3 hjólhýsi, og líklega 4 fellihýsi og álíka margir tjaldvagnar, nú og eitt tjald sem Dóri og Steinar ætla að sofa í.  Rollan 2007 er svo mætt og er víst að girða sig af en lausagangur búfjár er auðvitað stranglega bannaður og því verður að girða rolluna af.  Nú fyrir þá sem ekki vita þá eru Rollurnar semsagt strákarnir hér í sveitinni, sem eru um og yfir tvítugt, og alls ekki hægt að sleppa lausum á almennar útihátiðar, þó fréttist stundum af undanvillingum sem halda að grasið sé grænna í Eyjum eða annarsstaðar,  nú held jafnvel að sumar rollurnar séu gengnar út þrátt fyrir að hafa verið í þessu aðhaldi í gegnum árin, nema þeir hafi kannski sloppið úr girðingunni eitthverja helgina, en það er svosem ekki gott að segja. 

2. ágúst 2007

       Nú er búið að koma slatta af hýsum fyrir í Króknum, tjaldvögnum, hjólhýsum og fellihýsum en ekkert tjald ennþá en það hlítur að koma nú svo er bara að búa sig undir morgundaginn en það á auðvitað eftir að koma þessu öllu upp, nema auðvitað hjólhýsunum hehe heppin við.

1. ágúst 2007

       Rólegt hjá mér allavega í dag, strákarnir í Miðengi allir búnir að vera á fullu að undirbúa Kúakrókinn fyrir helgina, voru í því í gær líka en ekkert sást nú til konunnar sem var með yfirlýsingarnar á sunnudaginn um að hún kæmi bara og hristi þetta bara fram úr erminni.  Nú svo fóru þeir að Brjástöðum á Skeiðum að græja girðingu en það þurfti að gera það fyrir hestaferðina sem á að fara í eftir helgina.  Þannig að það er svosem ansi mikið að gera, veg þarf að leggja ca 15 metra sem þarf að vera tilbúinn á þriðjudaginn, það hlítur að tosast eitthvað.

      Nú um kaffileitið rukum við Guðni Reynir í bæinn en hann átti að mæta ásamt Magnúsi Skarphéðinssyni á Útvarp Sögu í álfaviðtal, stuttur fyrirvari þannig að við rétt náðum að komast á staðinn, nú og ég vissi nú varla fyrr en viðtalið var að verða búið að þetta væri í beinni, það gerði svosem ekkert til en hefði kannski viljað ná á þá sem ég vissi að vildu hlusta en þetta verður endurflutt í kvöld kl. 01.00 á FM 99.1 held ég að það sé allavega hér í sveitinni en 99.4 í henni Reykjavík.

31. júlí 2007

      Mikið rúntað með kerru í dag, byrjaði á að ná í Hæru að Pulu, við Dóri vorum varla komin heim þegar Bjössi hringdi og við áttum að taka Neista hér heima og koma honum til dýralæknis en hann er með ágrip, sýkingu útfrá því, og haltur líka, nú og svo er hann með báða framhófa sprungna þó mismikið, hélst kannski að hann hefið miskilið það eitthvað að vera settur með kvígunum í túnið og haldið að hann ætti að vera með klaufar... þetta lítur nú svosem ekki neitt rosavel út en hann er nú samt nothæfur, en sprungurnar gætu orðið ár að vaxa niður.  Nú við rétt búin að koma okkur fyrir í stofunni til að horfa á imbann þá var hringt í okkur og hún Sunna sem var í graðhesti tollir bara ekkert í hópnum og klárinn búinn að taka aðeins í hana, eðlilega svosem hann ekki sáttur við að meriin vilji ekki vera í hópnum, þannig að við sóttum hana, fer bara með merin næsta ár, það þýðir ekkert að æsa sig yfir þessu.

     Nú og í Kastljósinu í kvöld voru svo álfamyndirnar hennar tengdamömmu sýndar, og viðtal við Magnús Skarphéðinsson sem útskýrði þetta allt saman, þarna var líka ljósmyndari sem hafði þá kenningu að það hefði ,,eitthver" stigið fast niður sem væri þá tengdamamma líkast til og að það hefði þyrlast upp frjókorn....tók út eitt ,,frjókorn" og setti bara sér mynd af því í albúimið og eins á forsíðuna, þetta ,,frjókorn" er bæði með vængi og fætur....  skrítið frjókorn það..

30. júlí 2007

       Letidagur í dag, og heilmikill gestagangur sem er jú bara gaman, ,,Kersins" Linda kom, nú og Steini og Dorthe líka fyrir hádegi og auðvitað rætt um hunda.  ,,Skellis" Solla kom svo ásamt bróður sinum eftir hádegið og líka rætt um hunda.  Þá komu Gróa og Toni en þau eru í bústað hér í Grímsnesinu og nú var rætt um myndir og auðvitað fólk og samkomur, einnig dálítið um hestaferðir sem er nú alveg nauðsynlegt að skipuleggja með fyrirvara, gott að fara að raða niður helgunum næsta sumar.

     Nú svo er nú ýmislegt í gangi hjá honum Guðna Reyni, og þið ættuð kannski að horfa á Kastljósið á morgun, hver veit nema þar birtist álfur út úr hól...

29. júlí 2007

      Fór af stað um hálfníu í morgun með Dóra uppí Landmannahelli eða þá áttina, en hann ætlaði að ríða að Galtarlæk ásamt Pulumönnum og konum, eitthver verður jú að stjórna rekstrinum hehe allavega gekk þetta rosavel, en ansi var reksturinn nú viljugur heim fannst mér og svosem ekkert við því að gera og bara gaman hugsa ég.  Sá Gránu mína líka undir og sú er nú roðin fín, ég á mynd sem var tekin af henni fyrir nokkum árum og ég sá nú virkilega breytingu, sérstaklega í höfuðburði, vona svo bara að hún standi sig í ágúst og mæti í sýningu og geri það sem Daníel er búin að kenna henni. 
        Nú Ingþór og Hulda mættu svo í Galtarlæk eins og um var talað til að taka hrossin heim, það er nú gott að eiga  góða að, takk æðislega fyrir þetta hugsa nú að hann Bjössi minn hefði ekki sofið mikið ef hrossin hefðu ekki farið heim eins og um var talað, ég fór svo með fimm hesta á okkar kerru þannig að allt kom heim í kvöld, vorum nú ekki alveg viss um að þekkja brúnu hestana hans Jonna og tókum því bara það sem passaði nokkurnvegin,, það væri nú eftir því ef það hefði komið brún meri heim í staðinn ehehe, Sverrir og Dóri voru að reyna að hjálpa Bjössa að þekkja þetta, svo sjáum við bara til hvort eitthver kvartar.
      Við vorum svo komin heim um hálfellefu um kvöldið eftir ansi góðann dag.

28. júlí 2007

     Það var ekkert smá sem sólin skein í morgun en það var líka algjört skýfall, engin smá rigning, en það beit nú ekkert á mannskapinn sumir sváfu þetta bara af sér aðrir létu þetta ekkert á sig fá og settu upp regnhlíf.  Annars var þetta rosafínn dagur, held að það hafi verið nærri níutíu sem skrifuðu í gestabókina, og miðað við að amma átti 133 afkomendur sem við töldum saman í niðjatalinu og tveir leggir erlendis og gátu ekki komið nú og núna rétt fyrir miðnætti hefur ekkert sést af Kiddafólki þannig að þetta er nú ansi góð mæting þó svo að mikið af fólkinu flokkist undir viðhengi, það er að vera svo heppið að vera gift eða tengt inn í þessa fjölskyldu.  Semsagt mikið vel lukkað og myndir að raðast inn í albúmið mitt.

     Trítla litla er svo komin á heimili og fór norður á Akureyri í dag, það er verið að vinna í heimasíðu handa henni þar, set hana í linkana þegar það er klárt.

27. júlí 2007

       Þá er fólkið farið að týnast á ættarmótið, held að það séu allavega komnir þrír tjaldvagnar og eitt hjólhýsi.  Svo er von á slatta af fólki á morgun.  Aðeins búin að taka myndir og setja inn í albúmið, held að ég verði snögg að átta mig á yngstu kynslóðinni og þessum fáu sem ég þekki kannski ekki því ég reyni að setja nöfnin á þeim sem fara á síðuna inn, hef nú niðjaltaði samt hjá mér svona til að vera viss um að gera ekki margar vitleysur.  Það setur þá bara eitthver comment á myndirnar ef honum eða henni mislíkar.

26. júlí 2007

      Jæja þá fer ættarmótið að skella á, Begga frænka kom hér í dag með strákana að undirbúa, gera og græja, enginn smá kraftur í þeim.

      Það var svo lagt af stað í fyrsta áfanga í Hellaferðina á hestum í dag, fall er fararheill en hesturinn hans Óla í Vaðnesi sem átti að fara með tókst eitthvernveginn að hlaupa á inni í húsi og fá  gat á hausinn, og ekki bara gat, heldur kvarnaðist uppúr hauskúpunni á honum, Mia dýralæknir kom og plokkaði burt brotið og bróderaði svo klárinn og hann eins og nýr, það nýr að honum fannst nú ekki ástæða til að vera inni lengur og hélt að hann gæti stokkið yfir hliðið og út, þar vó hann svo salt þar til Bensi kom og náið honum niður.
        Dóri fékk að fara með pabba sínum í dag á hesti, frá Pulu og inn í Galtarlæk, ekkert smá glaður og aðeins þreyttur drengur sem kom hér heim í kvöld.

       Mér  finnst svo ástæða til að minnast á að hann Davíð Adamsson kom hér reyndar tvisvar, hann sagði mér að hann væri að fara að skutlast eitthvað á morgun með eða fyrir pabba sinn og ég spurði hvenær og svarið sem ég fékk var ,,Ég geri bara eins og mér er sagt" Dammi og Dísa munið þetta og það voru vitni, og nú skjalfest hehe

25. júlí 2007

      Bjössi er að undirbúa hestferð um helgina, held að Dóri fari með honum á morgun, verður örugglega ansi gaman.

     Geir kom hér í gær með Ívar og Ísak, jú og auðvitað Mola aðaltöffaranum.Gaman að fá þá alla í heimsókn, mikið spá og spuglerað um hina ýmsustu hluti.

     Við Bjössi fórum svo með Sunnu hans Jonna undir Hróð, vonandi kemur blésa og sokkar í því folaldi, bara spurning hvort blésan og sokkarnir ná yfir allt hrossið eheh nú er  bara að krossa fingur og vona það besta, jú folaldið mætti líka alveg verða hryssa það yrði mér alveg að meinalausu.

24. júlí 2004

      Kýkti á kusu svona bara þegar ég fór á Selfoss í dag, hún blasti við frá veginum og rauður kálfur, þannig að það er staðfest að það er kálfur, en veit nú reyndar ekkert með kynið en það væri nú kannski sterkur leikur að kanna það.

      Jæja ættarmótið bara að skella á, nýjasta uppfærsla af niðjatali bara komin á netið, og upplýsingar um uppruna Ólafíu ömmu.  Var svo að velta fyrir mér að uppfæra þetta  bara reglulega svona þegar það koma börn í fjölskylduna nú og nöfn á börnin og eins ef mökum er skipt úr, en þegar er mikið af ungu fólki þá er nú eðlilegt að þetta breytist, en uppúr þrítugt mætti svo fara að koma ró á þetta.

     Hreinn og Ingþór fóru með tvo hesta til Guðmars dýralæknis í dag, en hesturinn hans Hreins slasaðist fyrir um mánuði og það er svona verið að fylgja þessu eftir.  Hesturinn hans Ingþórs aftur, getur bara varla gengið að aftan, hefði nú alveg getað sagt karli að annað hvort væri þetta spatt eða eitthvað illt í baki og réttast að fella gripinn.  Dýralæknirinn hafði aftur aðra skoðun á þessu, og ég varð nú satt að segja hálf hissa, en líkast til er klárinn með hestapesina sem gekk hér um árið.........en skildist að klárinn hefið  fengið slatta af sprautum og væri bara allur annar.

23. júlí 2007

      Það gerist margt merkilegt í Miðengi, og auðvitað allt í frásögu færandi en ekki hvað.

       Við semsagt hættum með kýrnar í vor, allar kýr seldar og farnar nema ein, en samkvæmt dýralækni og sæðingarmanni sem margskoðuðu gripinn var enginn kálfur í henni, og því ekki söluvara, kusa sett út og við horfðum á hana svona með öðru auganu en ekki slæmt að eiga eina svona gelda kusu til að setja í kistuna í vetur, ekkert betra en ungar geldar kýr svona fyrir utan lambakjötið.   Guðni Reynir tilkynnti svo í gær eftir að hafa séð kusu að það væri nú bara komið ansi mikið júgur undir hana.....skrítið með þessar geldu kýr hvernig þær geta hagað sér.   Í dag þegar Bjössi kom inn í hádeginu tilkynnti hann að kusa væri sko borin og með vikugamlann kálf örugglega.  Það er alveg ótrúlegt hvernig ein vika getur bara farið hjá á einum sólarhring, en kannski var kálfurinn bara svona stór eða Guðni Reynir sá hann ekki í gær.  Sagan er nú samt ekki búin, því uppúr hádegi hringir Bensi bróðir í mig en hann var að keyra möl held ég og tilkynnir mér að ÉG ætti kusu úti á túni sem er alveg komin að burði???  og sjáið til við erum alltaf að tala um sömu kusuna, óborin í gær, með vikugamlann kálf í morgun og aftur óborin eftur hádegið.  Hún Brynhildur á Borg gaf mér þennann kálf hér um árið þegar þau Sibbi hættu búskap, og þessvegna sagði Bensi mér að ég ætti þarna kusu réttóborna.  Held að kannski verði ég nú að fara út á tún á morgun og kýkja á þetta, er kálfur eða ekki kálfur?  sá sem sást í morgun var vikugamall og rauður þetta er jú bara spennandi verð ég að segja. 

    Það er svo að skella á ættarmót hér um helgina, en það eru afkomendur hennar Ólafíu ömmu sem hittust hér síðast fyrir fimm árum og nú á að reyna að smala hópnum saman aftur, ekki viss um að þetta fólk smalist sérstaklega vel en ansi er nú glatt á hjalla þegar þetta fólk hittist verð ég að segja.  Skora bara á alla afkomendur ömmu að mæta, þetta verður vonandi bara gaman.

22. júlí 2007

    Bara rólegheit í dag, Adam og Hafdís kýktu við í, mikið spá í vesló og hross, en ekki hvað.

    Átti nú von á að hryssum yrði sleppt í Hróð í dag en ekkert í gangi með það virðist  vera nema ég hafi gleymst, en ég gleymist nú ekki svo glatt..

21. júlí 2007

Hann pabba er sextugur í dag, til hamingju með daginn elsku pabbi.

    Kersins Máni er kominn á sitt framtíðarheimili, og ekki nóg með það heldur er hann komin með sína eigin heimasíðu,  þið getið séð hana í linkunum mínum.

    Kersins Kátur II er svo kominn til USA í hendur eigenda sinna og gekk bara vel að mér skilst.

    Annars var Dóri langt fram á nótt að skipuleggja útihátið en hann er jú í nefnd sem sett  var á laggirnar þegar í ljós kom að það verður enginn Galtalækur í ár,  fékk að glugga í dagskrána og get ekki betur séð en að þetta verði bara alvöru útihátið, dagskrá hefst á milli kl 14.00 og 16.00 svona almennt og verður þar til siðasti maður sofnar.  Er að vinna í að fá brekkusöngvara, en höfum nú augastað á einum hann getur bara ekki misst af svona útihátið hehe

20. júlí 2007

      Það  rignir aðeins enn sem er nú bara gott held ég, við Bjössi fórum með Kersins Kát II suður á flugvöll í dag, en hann fór með flugi til USA,  ótrúlega þægur á leiðinni suðreftir, svaf allann tímann eða sat bara í búrinu sínu og lét ekki í sér heyra, held bara að ég hafi aldrei farið með svona þægann hvolp út á völl en hann á sjálfsagt eftir að láta hafa smá fyrir sér þegar hann kemur á nýja heimilið sitt. 

19. júlí 2007

      Loksins komin rigning en spurning hvað hún eldist.  Mieðngismenn fóru í reiðtúr í dag, fóru upp að Fossum og niður Grafning og fóru svo ríðandi yfir vatnið.  Þeir sem fóru voru Dóri, Bjössi, Jonni, Bensi og Hafdís, Björgvin á Torfastöðum fór svo með þeim yfir vatnið og hingað heim.  Talaði við Bjössa þegar þau voru við Bíldsfell, og spurði hvort þeir ætluðu virkilega með Dísu yfir vatnið, jú það átti að láta reyna á það, held nú samt að þetta hafi gengið glimrandi vel hjá þeim öllum, og er það ekki bara Rangáin næst Dísa?

    Loksins komin staðfesting á flugi í hvolpinn en hann fer út á morgun, málið snérist um að það mátti ekki vera of heitt úti þegar hann fer, og nú er víst aðeins útlit fyrir kaldara veður í Boltimore svo hann fer út á morgun.

18. júlí 2007

      Anna Dóra kom að vestan í dag með tvær hryssur, önnur fór undir Aron og hin undir Tígul, held ég bara, vorum búnar að setja hér inni í dálítinn tíma og spjalla þegar gesti bar að garði sem er nú svosem ekkert nýtt hér í Miðengi en þetta voru þau Páll og Freyja Imsland sem eru á kafi í hestalitum, mikið skoðað og mikið myndað, þau sáu ýmislegt sem þeim fannst merkilegt en mér fannst nú bara jarpt til dæmis, en Fengur hans Guðna Reynis vakti þó dálitla athygli, en hann er víst með ál sem ég hafði bara aldrei spáð í en það flækir málið enn frekar, því hann er jú undan tveimur brúnum í gunnlit, brúnskjóttri hryssu og móvindóttum hesti en kannski er sá hestur móálóttur vindóttur og gæti því Fengur bara verið móálóttur eða bleikur, nú eða brúnn eða rauður, állinn segir okkur að hann hljóti að vera bleikur, enda eru svosem blettirnir í búknum bleikir frekar en rauðir, grái liturinn í faxinu segir okkur að hann gæti verið vindóttur, en líklega er þessi hestur bara ekki til þannig er nú það.  Annars var nú erindið hjá þeim að sjá hann Tind held ég en hann er jú leirljós það fer ekki á milli mála og svo er hann hringeygður, held að geti nú ekki elst af honum en spennandi að fylgjast með því.

  Nú eftir þessa litaskoðun ákvað ég bara að fara með Önnu Dóru á rúntinn, þetta gekk ljómandi vel  bara, sáum mikið af allskonar blésóttum folöldum á leið okkar og gamla Íslenska tík, okkur leiddist það nú ekki, hefðum líklega ekkert þurft að spyrja eigandann um tíkina því hún var nú bara alveg eins og mamma sína.

17. júlí 2007

     Talaði við Óðinn í dag og mér skildist að það ætti að safna saman hryssunum undir hann um næstu helgi, held að ég nóti nú tækifærið og fái hana Sunnu lánaða hjá Jonna en hún er brúnskjótt undan Rönd sem ég átti og missti, og svo er hún undan Galdir frá Laugarvatni, ekki slæmt það.  Verð ég ekki að ætla að það komi eitthvað skræpótt átti nú von á allavega blésu undan Hryðju en ekki nema 2-3 hár í stjörnu þarf smásjá og gott ímyndunnarafl til að sjá stjörnu á honum Gogga Mega.

    Er að vinna í því að koma honum Kersins Kát II til USA vonandi fáum við flug á fimmtudaginn.  Þessi hundur er bara skondinn, allir hvolparnir eru svo duglegir að láta klappa sér þegar maður kemur að girðingunni úti, Kátur líka.  En á kvöldin þegar ég ætla að setja þá inn og Kátur sér að ég tek upp hvolp þá röltir hann í rólegheitum inn í miðja girðingu, hringar sig saman og fer að sofa, alveg sama hvað ég gala og góla hann haggast ekki, þannig að ég verð að brölta yfir girðinguna og sækja hann, hann veit sko alveg hvað hann vill.  Hinir láta alltaf plata sig og koma en ekki Kátur hann er búinn að sjá í gegnum mig.

16. júlí 2007

      Fórum með Bóthildi og Hryðju í sónar í dag, báðar með fyli.  Jonni og Guðni Reynir hjálpuðu mér eða sáu nú eiginlega um þetta var þarna bara til að ráðskast, en takk fyrir hjálpina.  Hryssurnar svo settar í túnið þær alsælar að fá nú að vera með kvígunum.

15. júlí 2007

     Byrjuðum daginn á að hendast í bæinn með hana Buslu en það var búið að redda henni fari á Akureyri, sendi hana að sjálfsögðu í búri enda annað ekki hægt, frétti svo í gærkvöldi að allt hefði gengið ljómandi vel og hún var bara í fanginu á fólkinu sem flutti hana norður, ansi dugleg hún Busla að bjarga sér.  Var víst bara hin hressasta þegar hún kom norður en þótti róleg....en það verður nú fljótt að fara af henni ef ég þekki Kersins genið rétt.  Til til hamingu Guðbergur og fj.

14. júlí 2007

      Fyrsti hvolpurinn fór að heiman í dag, Baltó farinn í Stykkishólm, svo er bara að sjá hvernig gengur, en hef nú ekki áhyggjur af því, þetta á eftir að ganga glimrandi vel held ég þegar áhuginn er svona mikill.  Til hamingu Ingibjörg Soffía með hvolpinn. 

     Annars er allt við það sama endalaust gott veður sem manni finnst kannski bara ekki gott veður lengur eða hvað.

13. júlí 2007

      Fékk þá flugu í höfuðið að skella bara Hæru undir Adam frá Ásmundarstöðum og betra að gera það núna svo ég skipti nú ekki um skoðun en hef nú reyndar verið á því að rétt væri nú að halda henni undir brúna hesta, en það virðist nú samt ekki skipta máli því það koma bara undarlegir litir, eins og t.d folaldið hans Guðna Reynis, sem var nú bara móálótt vindótt nýfætt held ég en er núna leirljóst sem er reyndar ekki hægt eftir fræðunum ætli maður þurfi ekki að bíða ár eða meira til að vera viss um litinn.
    Á samt eftir að fara með hryssu undir Hróð, hum ætli ég verði ekki að fara í skjóli nætur og næla mér í hryssu, sé það alveg gerast ehehe en finn nú út úr því, hef nú eitthvertímann lánað hryssu í hest ef ég man rétt svo nú er bara að rukka inn gamla greiða hehe

      Enn bara sól ansi undarlegt verðurlag, endar örugglega með látum eins og þegar þrumurnar voru hér um daginn.

12. júlí 2007

     Enn einn góðviðrisdagurinn, í dag var svo farið með krakkanna í vatnið,  held að það hafi farið ca 20 manns á reyndar eftir að ná á Hrein en hann lofaði að telja ofaní vatnið og uppúr aftur.  Gekk rosavel og enginn datt.  Sigga var fyrst í land eins og síðast, Dóri var nú rekar fúll munaði bara nokkrum cm skildist mér og Gráni hennar Siggu kominn í bann skildist mér hann vinnur alltaf ...

     Af hvolpunum er það að frétta að hér eftir sofa þeir í búri á nóttunni, fara orðið yfir allt og út um allt, tolla samt enn í girðingunni úti sem betur fer en þeir fara svo þeir fyrstu um helgina hugsa ég.

11. júlí 2007

      Þá var haldið heim aftur, enn þessi óskapar blíða, logn og sól endalaust, tókum hádegisbátinn frá Bjránslæk og fórum svo hjá Baulu og Hvítársíðuna til baka, fórum framjá Haukagili en þangað fór ég í fyrra að skoða hryssu sem ég keypti og þurfti að sína Bjössa staðhætti, margir farnir að heyja þarna og lítur út fyrir að túnin séu bara 30-40% kalin á þessum bæjum hef bara aldrei séð svona mikið kal áður.  Fórum svo Kaldadalinn til baka, ekki góður vegur ef ykkur dettur í hug að fara þetta....vorum komin heim um kvöldmatarleitið.

    Allt auðvitað í rosafínu standi hjá krökkunum, hvolpkvikindin samt búin að finna sér leið út um allt, og ekkert virðist virka á þá... bara óþekkir hehe ætti kannski bara að hafa þá úti á nóttunni, nei held nú að þetta sleppi, þeir fara nú að fara að heiman blessaðir.

10. júlí 2007

     Byrjuðum að fara á Bíldudal, en þar skildum við Dóra eftir, en Embla var þar og um að gera að skoða lífið þar fyrir hann á meðan við fórum út að keyra.  Kýktum að Uppsölum þar sem Gísli  bjó, var nú mest hissa á að ég hafði alltaf þá hugmynd að hann væri  bara einn inni í afdal en þarna voru fleiri bæir meira að sejga í göngufæri fyrir mig og þá er nú mikið sagt.
    Fórum svo  að skoða Dynja sem er foss þarna  fyrir vestan rosafallegur en ansi hátt og bratt að komast þarna fannst mér, ekki alveg fyrir mig.
     Fórum svo aftur á Bíldudal að sækja Dóra sem var með fötin sín í poka...hafði reyndar tekið með sér aukaföt, en mér skildist að hann hefið aðeins rekið sig í Emblu og þessvegna datt hún bara í sjóinn af  bryggjunni, minn maður gat nú ekki verði minni maður og hoppaði víst líka í sjóinn, hefði líkast til fengið öll áföll sem hægt er ef ég hefði séð til hans, væri líklega komin á geðdeild en sem betur fer missti ég af þessu og held því heilsu í bili....það hoppar jú enginn í sjóinn af  bryggjunni eða hvað.

9. júlí 2007

      Vorum bara heimavið á Tálknafirði í dag, fórum í sund og svo var kýkt á bryggjuna og lífið þar.

8. júlí 2007

    Fórum á Tálknarfjörð með mömmu og pabba, gekk rosavel og þetta fína veður, fórum Uxahryggi sáum þar fullt af fé á leiðinni sá þar eina með Miðengismarki, vorum reyndar búin að sjá hana áður. 
    Vorum komin vestur um hálfsex minnir mig og kom á óvart hvað var lítið af stórhættulegum vegum svona eins og maður ímyndar sér að séu á vestfjörðum en þetta er svosem bara dagur eitt...

7. júlí 2007

      Letidagur í dag eins og svosem aðra daga, aðeins úði sem er nú ljómandi, alveg logn og rosalega mikil fluga, held að þetta versni með hverju árinu, man nú bara varla eftir svona miklu mýi.

      Aðeins var nú rennirí að skoða hvolpana, enda bara ekki sést svona fallegir hvolpar ever, þeir voru úti að sjálfsögðu, flugan samt dálítið að pirra okkur mannfólkið.
       Allir hvolparnir komnir með sér myndasíðulink í albúminu mínu, þeir eru þó misduglegir í fyrirsætustörfunum, sumir fæddir í þetta aðrir aðeins að flýta sér og mega nú ekki vera að því að stoppa lengi.

    Annars er stefnan tekin á Tálknarfjörð á morgun, ég, Bjössi og Dóri ætlum að fara með mömmu og pabba vestur og kýkja á herlegheitin, verðum nú samt komin aftur fyrir helgi til að afhenda hvolpana, svona þá sem eru að fara um helgina, er nú að fatta að það er svosem ýmislegt sem ég á eftir að gera en það gerir bara ekkert til.  Guðni Reynir og Sigga ætla að hugsa um hundana og heimilið, vonum bara að Guðni Reynir verði ekki dáinn úr hungri þegar við komum heim, en kannski er líka bara kominn tími á að sjá hvort hann geti bjargað sér, en Sigga verður nú eitthvað að vinna í sjoppunni og getur kannski fært honum snarl.

6. júlí 2007

        Fór í morgun með Guðna Reyni inn á afrétt að telja kindurnar hans, held að við höfum séð allavega tvær frá okkur, önnur lá uppá hól svo hún sæi nú vel yfir, hin var aftur á undarlegum stað en hún lá inni í röri sem hefur verið sett undir veginn þarna, sjálfsagt að komast í skuggann, skynsöm skepna það.

     Er í smá balsi með að senda myndir þannig að þegar ég hef þurft að senda fólki myndir af hvolpum á er ég bara í basli þannig að nú set ég bara inn myndir af þeim í albúmið mitt, bæti svo vonandi við á morgun, komnar örfáar myndir af Kersins Kát II sem er á leið til USA og svo af honum Kersins Hökka, en muna ekki allir eftir Hökka hund, held að hann hafi verið í eitthverjum teiknimyndum í denn.

5. júlí 2007

         Við Guðni Reynir fórum með alla hvolpasúpuna í dýralæknisskoðun í dag, gekk svona ljómandi vel, held bara að þetta séu þægustu hvolpar sem ég hef farið með af bæ, nema kannski hafa þeir bara verið í móki það er jú alltaf svo heitt, ekki gott að segja.

         Fór svo í kvöld að hitta krakkana sem voru saman í bekk í Ljósafossskóla, það voru þrjár stelpur í bekknum, Áslaug frá Ásgarði, Karen frá Þórisstöðum og ég, mættum allar, nú strákarnir sem voru í þessum bekk voru Björn Þór sem bjó í Hlíð við Ljósafoss, Ingólfur í Miðfelli, Geir frá Seli og Heimir í Vaðnesi, þeir mættu allir en Sveinn á Brjánstöðum og Hannes frá Kringlu gátu ekki komið, þetta var voða gaman, ýmislegt rifjað upp, man nú minnst af þessu, verð ég að segja, en hvað um það.  Svo kom hún Svana kennari og borðaði með okkur, það var rosagaman að hitta hana aftur reyndar hitti ég hana reglulega en hugsa að hinir krakkarnir hafi ekki séð hana lengi.  Frábær kvöldstund í Rauða húsinu á Eyrabakka, Ingi Þór klikkar nú ekki. Kannski tekst mér að ná í mynd af hópnum sem mætti og setja hér inn.

4. júlí 2007

Líney og Stína eru sextugar í dag held ég bara, löngu búnar að ná mér...
Til hamingju með daginn stelpur.

     Dagurinn byrjaði með þvílíkri sól og blíðu, búin að finna lausn á skugga fyrir hvolpana, og setti svo hálfgerða sundlaug fyrir þá líka, það passaði líka það kom rigning og engin smá rigning, held að ég hafi nú bara aldrei séð svona mikla úrkomu reyndi að taka mynd sem segir nú kannski ekki allt, hvað um það.  Svo voru þvílíkar þrumur líka, hvolparnir voru í skjóli en stungu svo hausnum út til að sjá hvað væri í gangi, ekkert smeikir  bara forvitnir, mér stóð nú samt varla á sama, þetta var svona eins og í bíómyndum úr Ameríkunni, svaka læti en svo stytti nú upp fyrir rest.
      Komin með nafn á alla hvolpasúpuna, vildi Kol...eitthvað á þessa dökku, Guðni Reynir mælti með Kersins Kolbrjáluð.... en setti Kolrassa á hana bara flott verður sjálfsagt kölluð Kola.
       Nú og svo er dýralæknisskoðunin á morgun vonandi renna þeir í geng, en maður veit svosem aldrei.

3. júlí 2007

        Enn einn hitabyljgu dagurinn, er ekki alveg viss um að mér líki þetta veðurfar, hefði nú farið í sólbað hér fyrir 2-3 árum en nú er það bara ekkert spennandi, maður felur sig bara í skugganum eins og hundarnir, reyndar eru hvolparnir búnir að vera frekar erfiðir við mig í dag, held að Baltó sé forsprakkinn, hann er jú bara að reyna að koma sér í skugga inní rósarunnann en blómakassinn utanum rósirnar áttu að vera ein hlið af girðingunni, þegar ég var svo að kýkja á gripina rétt fyrir hádegið þá voru bara tveir eftir í girðingunni hinir alllir búnir að fela sig en fundust svosem í rósunum, er nú búin að gera fleiri ráðstafanir og girða betur svona til að tapa þeim ekki alveg út í loftið.

      Fórum með þrjár hryssur í sónar í dag, Hrefnu og Hildi sem báðar höfðu verið hjá Hæring, og báðar með fyli, og svo hana Drottningu sem var hjá Erp, hún er líka með fyli, en sá nú annað ansi merkilegt, folaldið hennar Drottningar sem er leirljós stjörnóttur, hann er bara hringeygður á báðum svona eins og Jökull gamli var, var samt að tala um það í vor þegar hann var nýfddur hvað hann væri ljós til augnana en tók nú samt ekki eftir þessu, Drottning kannski ekki alveg sú spakasta þegar hún er nýköstuð... verð nú samt að segja að mér finnst þetta nú bara æði, Jökull gamli var jú alveg spes hestur.

2. júlí 2007

      Aðeins búin að vera löt við að uppfæra, heimatúnin voru klárðu í gær, og rúllað á Búrfelli í dag, nú á bara eftir að keyra heim rúllur og reyndar að telja rúllurnar líka, svo er næst tekin stefnan á að heyja í Vaðnesi.

    Ætla með Drottningu, Hildi og Hrefnu í sónar á morgun, vonum  bara að það sé fyl í þeim. (Þetta eru semsagt hryssur fyrir þá sem fylgjast ekki nógu vel með).

     Búið að vera hættulega heitt í dag, setti hvolpana út snemma í morgun, en tók þá inn um hádegið þegar ég hélt að þeir væru bara að drepast úr hita, enda sváfu þeir  bara fram að kaffi hér inni  alveg uppgefnir í þessum hita,en þá voru þeir settir út aftur, setti þá svo aftur inn undir miðnætti, það er nú aldeilis munur fyrir þá að geta verið svona mikið úti og munur fyrir mig líka.  Þarna er tík í gotinu sem er nú bara grallari, alltaf þegar ég setti vatn í dallinn hjá þeim var hún fljót að setja báðar framlappir ofaní vatnið og svo var eins og hún væri að grafa í dallinum, og allt vatnið sullaðist yfir hana, sjálfsagt ekki slæmt í þessum hita nema þá kannski fyrir þá hvolpa sem ætluðu að drekka vatnið en þá var bara að bæta í dallinn.

29. júní 2007

        Og enn heyja Miðengismenn og sá fyrir endann á þessari törn allavega hér heima.  Sunnan farvegs klárða í dag og stefnan að rúlla norðan farvegs á morgun það eru ca sitthvorir 10 ha, Dóri sló svo allt niðurtúnið í dag en það eru um 12 ha held ég næstum, gekk var vel og nú er semsagt búið að slá öll heimatúnin og væntanlega verður búið að klára að rúlla á sunnudaginn ef allt gengur eftir, þetta verður nú samt ekki búið þá því þá á eftir að taka saman allar rúllurnar og koma þeim heim, heyja eitthvað í Vaðnesi og svo líka á Búrfelli ekki veitir nú af að eiga slatta af heyjum. 

       Veðrið rosa gott í dag,  hvolpur númer 4 fékk heimsókn og er nú framtíð hans ráðin en hann fer til Reykjavíkur og fékk nafnið Kersins Máni, sá á nú aldeilis eftir að hafa það gott hugsa ég.

28. júní 2007

      Enn halda Miðengismenn áfram að heyja og gengur alveg þokkalega. Kjarrtúnið rúllað í dag og sunnan farvegs væntanelga á morgun, norðan farvegs var svo slegið í dag og þá er bara niðurtúnið eftir af heimatúnunum, veit nú ekki alveg hvort það verður tekið í beinu framhaldi eða látið spretta aðeins meira en svona almenn er bara orðið vel sprottið skilst mér á körlunum.

       Við Sigga tókum um 300 myndir af hvolpunum í dag, held að þegar ég var búin að grisja þá hafi verið um 120 eftir, setti þær bara allar í myndaalbúmið mitt, held að það sé nú hundur á öllum myndunum en það var nú ekki þannig með þær sem ég henti, oft voru nú bara hvolparnir farnir þegar ég smellti af, frekar flókið skal ég segja ykkur að taka svona myndir.  Nú og svo er nú annað mál að þekkja gripina í sundur þannig að ég setti þetta bara allt inn textalaust hehe, fann svo eina af hverjum hvolpi til að setja inn á hvolpasíðuna vona bara að ég sé ekki að ruglast mikið, það verður þá bara að hafa það.

27. júní 2007

       Kom ansi litlu í verk í dag, fór samt á Selfoss og svo í bæinn með Siggu en nú á víst að setja eitthverjar filmur á gluggana á bílnum hennar, agalega flott örugglega, bíllinn átti að vera til í kvöld en verður víst ekki klár fyrr en á morgun skilst mér.

      Ætlaði að taka fullt af myndum af hvolpunum en kom því bara ekki í verk frekar en ýmsu öðru, stefni á að ná myndum á morgun.

     Dóri búinn að vera að slá í allann dag, var að slá fyrir sunnan farveg og Kjarrtúnið, gekk þokkalega en búið að vera vensen með tvo traktóra held ég slátturvél og snúningsvél, sumt hægt að laga smá annað ekki held ég, gott samt á meðan rúlluvélin virkar.  En öll nýræktin var rúlluð í dag.  Það fór svo að rigna í kvöld, held að það geri svosem ekkert til, allt orðið svo þurrt, held að þetta komi svosem ekki illa við það nýslegna heldur ef það verður góður þurrkur á morgun.

26. júní 2007

      Goggi Mega fékk síðustur pencilínsprautuna í dag, held að hann sé nú orðinn ansi sprækur, er reyndar haltur ennþá en mikið styggur eins og mamma sína þannig að hann er allavega laus við hitann.

      Dóri fór út á tún í morgun að slá, og er búinn að vera að slá í allann dag, búinn með nýræktina, kvartaði aðeins yfir því hvað væri mikið gras því það hægði víst eitthvað á honum,grasið flæktist meira að sejga í vélinni sagði hann og Bjössi  tók undir það,  Það var rúllað heilmikið í dag líka, litli bletturinn við Bústjórabrautina og gott ef Bensi kláraði ekki Kertúnið í kvöld.

      Rosagott veður í dag, en ansi mikið rok, hvolparnir úti í grirðingu og voru rosakátir með útivistina.  Hörður og Stína kýktu ásamt henni Maggý sem á hann Kersins Spurðann, og býr í henni Ameríku.  Gaman að sjá þau.

      Nú og svo eru komnar myndir úr vatninu inná myndaalbúmið mitt, rosa flottar myndir hjá Tona eins og alltaf.

25. júní 2007

     Ekkert smá gott veður í dag, enda litli bletturinn sem var sleginn í gær orðinn næstum þurr, nú og svo var Kertúnið slegið í dag, þetta er nú eiginlega enga stund gert orðið.

     Goggi Mega orðinn bara ansi styggur eins og hann á kyn til, en er nú samt dálítið haltur og var sprautaður aftur með pencilíni held að það dugi svo að sprauta hann aftur á mogun og fylgjast svo með honum.

24. júní 2007

       Rólegheit í dag, Doddi og Pia sem búa í Svíþjóð komu í heimsókn, kýktu á hvolpana og hrossin og sem betur fer fyrir okkur því það uppgvötvaðist að hann Goggi Mega sem er folald hér og bróður Sollu Stirðu, var svo haltur að hann steig bara ekkert í aðra afturlöppina og var svo spakur að við gátum bara gengið að honum, eins ekkert mál að ná Hryðju sem eru nú anskotanum styggari, Dóri teymdi Hryðu heim og Guðni Reynir ýtti Gogga Mega á eftir hryssunni,  vorum svo heppin að Lísa dýralæknir var enn hér og gat hún því kýkt á gripinn, hann var með hita og líklegast hefur hann verið sleginn þó svo maður geti ekki verið alveg viss, honum gefið pencilin, og ýtt úr á eftir hryssunni.
     Við Guðni Reynir fórum svo suður á miðilsfund í kvöld voða gaman, kýktum svo á Mega flotta folaldið þegar við áttum um 100 metra eftir að honum á spratt hann upp og hljóp í burt, reyndar dálítið haltur en allt annað að sjá hann.

23. júní 2007

       Það var farið í vatnið í gærkvöldi, held að það hafi verið um 47 manns í hnakk sem fóru héðan úr hlaði, þetta gekk svona ljómandi vel, duttu bara tvær af baki á leiðinni út að vatni en meiddu sig ekkert.  Held að það hafi nú ekki verið talið ofaní vatn en eitthverjir voru á bakkanum og horfðu bara á.  Ég var ein af þeim og hafið nú vit á að vera búin að redda mér knapa á hestinn þannig að ég þyrfti ekki að standa á bakkanum og halda í hest hehe.  Þetta gekk ljómandi vel út í vatn, en við á bakkanum sáum svo hross koma á öðru hundraðinu til baka úr eyjunni, knapalaus,  við á bakkanaum stóðum nú bara eins og asnar, horfðum á hryssuna koma í land, og taka svo stefnuna heim, þeir sem voru með hest í hendi og jafnvel hnakk á hrossinu litu bara ekki upp einusinni þannig að eftirför á eftir hryssunni hófst ekki fyrr en þeir sem höfðu farið útí eyju, komu í land, hryssan sást stökkva yfir girðinu og hverfa út í hraunið í áttina heim.  Eitthversstaðar heyrðist að þetta hefði nú svosem aldrei verið neitt sérstakt hross, verra með hnakkinn... hvað um það hún hliti að skila sér.
        Eins og á ári hverju var svo kapp í land, allt sett í bot, og sigurveigarinn þetta árið, var hún Sigga mín á Grána sínu og kom hún með gullístað um hálsinn í land, en þetta ístað hafði víst dottið af hnakknum sem var á hryssunni sem strauk.  Ég heyrði svosem ýmsar útskýringar á því afhverju Sigga var á undan Bensa, Jonna, Bjössa og Sverri, en gömlu mennirnir verða bara að sætta sig við að hún var langflottust og fyrst.
       Á heimleiðinni datt svo einn karl af baki, hann átti það alveg skilið enda hafði honum verið ansi laus höndi með pískinn, gott á hann bara karlinn.  Við vorum þarna á eftir honum á bílnum og sáum til hans og datt ekki í hug að taka hann uppí, eitthver náið nú samt klárnum fyrir hann og hún Solla okkar sá víst um að lesa almennilega yfir honum hvort sem það nú virkaði eitthvað.  Veit nú eiginlega ekkert hvaða maður þetta var, en hvað um það hann komst lifandi heim held ég.
      Ekkert sást svo til hryssunnar á leiðinni heim.

 Fór bara nokkuð snemma af stað suður á hundasýningu, þegar ég fór um hálfellefu leitið var hryssan enn ófundin.  Það gekk bara ljómandi vel á sýningunni fannst mér.  Kersins Linda var í hvolpaflokk og fékk þriðja sætið og heiðursverðlaun.  Kersins Tíbrá Töfradís fékk fyrstu einkunn, meistaraefni og þriðja besta tík tegundar, þrátt fyrir að það vantaði bara feldinn á síðurnar á henni en fyrir vikið þá virkaði hún grennri hehe, nú Kersins Orri fékk líka fyrstu einkunn, meistaraefni og var þriðji besti rakkinn.  Þannig að þetta gekk nú ljómandi vel.

      Kom heim rúmlega fjögur og hryssan enn ófundin samt var verið að leita.  Það var nú svo seinnipartinn sem sem hún fannst með hnakk og öllu, og ekkert skemmt hvorki hross né hnakkur.  Frétti það svo reyndar seinnipartinn að þetta ætti bara allsekki að fréttast og þorrablótsnefndin ætti nú ekkert að vita um þetta, reyndi nú að benda á að ef ekki yrði sagt frá þessu óhappi þá mundi enginn átta sig á brandaranum á þorrablótinu, fyrir utan það að við Bjössi erum jú í nefndinni hehe

      Hér var farið í Lónið um kvöldið allavega eitthvað af fólki, en það er jú bara eitthver leðja í því held ég, allavega þegar þeir sem komu skítugir heim úr lóninu þá uppgvötvaðist að það var ekkert vatn í Miðengi, ein helgin enn.... þetta er nú bara ekki sniðugt en það virðist vera of mikið álaga á veitunni og því verðum við bara vatnslaus,  það gengur eitthvað hægt að fá lausn á þessu hvernig sem á því stendur, mjög leiðinlegt að hafa ekkert vatn...

22. júní 2007

        Er ennþá í bölvuðu basli með Kersins síðuna virka bara ekkert að uppfæra og ef ég uppfæri þá hverfur hún af netinu,,

21. júní 2007

         LOKSINS LOKSINS semsagt talvan mín bilað og svo loks þegar ég fékk nýja var ekkert forrit til á markaðnum sem ég gat notaði til að uppfæra þannig að ég varð bara að redda mér forriti, en hvað um það nú ætti þetta allt að vera farið að virka og uppfærðar fréttir nokkuð reglulega.

     Miðengismenn eru að fara í vatnið á föstudagskvöldið það er annað kvöld, það verður enginn smá fjöldi sem ætlar að mæta, og  verður vonandi rosa gaman og spennandi að sjá hver dettur í vantnið þetta árið.

    Hvolparnir dafna rosavel, duglegir að borða og alles, er að reyna ða koma kersins síðunni á koppinn aftur með hjálp auðvitað en vonandi gengur það fljótlega.

     Hundasýning um helgina, Tíbrá og Kersins Linda mæta frá mér og auðvitað verður Linda Björk með yfirumjón með þessu öllu, verðu bara uppi í stúku og horfi á eins og fín frú hehe

      Hæringur fór svo norður í gær, ætlar að búa til fullt af vindóttum og álóttum folöldum kannski gráum líka.

11. júní 2007

      Spóla og Nös fóru í sónar í dag, Spóla með 21 daga gamalt fyl ég á því von á folaldi snemma undan Hæring næsta vor og von í marga liti, grátt, vindótt, álótt og bara spurning með rautt brúnt eða jarpt í bónus,,, nú þeir bræður eiga líka von á folaldi næsta vor undan Nös, 18 daga gamalt fyl og þeir fá þá rautt, brúnt eða jarpt undan Roða frá Múla, líklega rauðann hest, vonandi samt meri með blésu hver veit.

     Farið að leka úr Bóthildi og bara spruning hvort hún kastar í dag eða í nótt, vonandi í dag get nú ekki beðið endalaust, gæti fengið skótt og/eða vindótt með rautt brúnt eða jarpt í grunnlit, ætli það komi ekki hestur fyrst hún kastaði ekki síðustu nótt...

10. júní 2007

       Það er búið að vera ansi gott veður í dag, svona sprettuveður.  Bóthildur gæti kastað í nótt, en hún verður líklegast síðust með að kasta undan Eið á Íslandi, vonandi fæ ég eitthvað agalega fallegt.  Komin með hana heim í hlað svo ég missi nú ekki af neinu en maður er nú ekki alveg í þjálfun að labba margar ferðir á dag og jafnvel á nóttunni líka til að skoða, og jafnvel að skoða ekki neitt hehe

      Fór á Selfoss í nótt, sækja Jonna og Bjössa og hrossin sem þeir voru á í reiðtúr, þetta var víst rosa flott leið sem þeir fóru og mikið glaðir bræður sem komu hér heim í nótt.

     Annars var voða mikið um að vera á Selfossi í gær, svona eitthver hátíð og hvað haldið þið að þeim hafi dottið í hug að gera þeim þarna á Selfossi,,,veit svosem ekki hver stjórnar þessu en dagurinn í gær var valinn til að rífa gömlu Hafnarverslunina, þegar öll þessi umferð er á og í gegnum Selfoss þá er aðkoman þegar komið var yfir brúnna, framkvæmdir við að rífa húsið, og ekkert nema ryk og ógeð sem blasti við.  Mjög skrítið fannst mér, nú og svo þegar ég koma þarna í nótt, var búið að rífa húsið og rústirnar bara út um allt, og eitthver hafði svo kveikt í þetthverju þarna á bakvið allavega logaði dálítill eldur þegar ég kom á Selfoss en þegar ég fór til baka var þetta nú eiginlega alveg búið.

9. júní 2007

      Sá fram á að komast með Lísu mína í graðhest í dag, hún fer undir Aron og nú þarf ég að ákveða alveg uppá nýtt hver fer undir Hróð, kannski það verði þá bara Bóthildur en sjáum til.  Hugsa að Hryðja fari undir Goða frá Þóroddsstöðum og þá er það bara hún Gjóska sem ég á eftir að finna út úr, já og Litbrá, Gustsdæturnar frá Hóli látnar mæta afgangi sjáum til hvað verður eftir fyrir þær. Fór semsagt að sækja Lísu uppí tún rétt fyrir hádegi og sá að Tvíbaka var bara komin að köstun, hún var svo köstuð rétt seinna, Kristín náði því meira að segja á videó, en það kom brúnn eða næstum svartur hestur.  Og enn styttist í Bóthildi en nú er hún alein eftir.

      Annars var nú ástandið þannig þegar ég fór út kl 7 í morgun að hrossin sem áttu að vera í rafmagnsgirðinunni voru bara farin, fann nú skýringu á því en hliðið sem átti að vera lokað, því var jú lokað í gær en opnað aftur og var bara opið.  Nú eitthver hafið svo ætlað að setja þessi sömu hross inní fjárhús í gærkvöldi en hætt við, held reyndar að hrossin hafi hætt við það en ekki eigendurnir, hvað um það hurðinni var svo ekkert lokað þannig að óborna féð var bara farið, og er enn óborðið hér úti á bletti, Guðni Reynir var nú frekar ósáttu við þessar rollur en nú eru þetta ekki ær lengur bara ,,rollur" og búið að henda þeim í í hraun, auðvitað allar í sitthvora áttina, eða fjórar kindur keyrðar á þrjá staði hehe, allt eftir fyrirfram ákveðnum reglum hjá GR, það þýðir ekki annað.

     Ætla svo að skutla Jonna og Bjössa á Selfoss á eftir en það stendur víst til að fara ríðandi til Sólmundar, ætli ég sæki þá ekki bara á morgun eða hvað?

8. júní 2007

       Rosagott veður í dag, Miðengismenn fóru í útreiðar svona eins og oft áður og gekk svona ljómandi vel.

     Fór að skoða hryssurnar, styttist í þær báðar og ótrúlega hratt í Tvíböku hennar Lísu, en reikna nú með að það komi eitthver folöld um helgina.

    Ennþá fjórar ær óbornar og nú fer að koma að því að þeim verði bara hent út og sagt svei ykkur.

7. júní 2007

        Bara búin að gera helling í dag, rauk til Reykjavíkur starx eftir hádegið að sækja búningar fyrir Hvatarliðið en þeir eru að taka þátt í Sunnlensku deildinni í fótbolta, og þó þeir vinni kannski ekki alltaf þá verða þeir örugglega í flottustur búningunum.

       Var nú samt komin heim um hálffjögur og þá rauk ég í að reyna að ná myndum af folaldinu hennar Hryðju en hann er nú bara flottur er að hugsa um að skíra hann Flotti... tók svo myndir af henni Lísu minni sem er hvítingi eða ,,albínói" en hún er nú samt með blésu, er búin að spyrja fræðingana að þessu og hvítingjar geta verið með blésu eða stjörnu, þannig er nú það og það eru myndir af henni í myndaalbúminu mínu, en það er linkur á forsíðunni inn á albúmið.

      Tók mig svo líka til og tók myndir af hvolpunum og setti inn á síðuna, gengur svona ljómandi vel með þá, virðast bara alltaf vera að springa, þeir eru farnir að fá starter fóður en það finnst þeim greinilega best af öllu, gleypa þetta í sig.

      Fór svo að kýkja á hryssurnar en það er jú Bóthildur sem er enn óköstuð og svo hryssan hennar Lísu, gæti nú bara trúað því að þær kasti ekki seinna en um helgina, þannig að þá verð ég bara að bíða til næsta vors eftir næstu folöldum, er nú enn að fara í hringi með undir hvað hver hryssa á að fara.

     Hún Móa sem ég seldi til Danmörku er svo líka köstuð en hún átti móvindótta hryssu, til hamingju með það Eyvi, ekki leiðinlegt að fá vindótta hryssu.

     Og enn eru fjórar ær óbornar...

6. júní 2007

      Lítið um að vera í dag, er ekki búin að skíra hestfolöldin enn en það hlítur að koma eitthvað sniðugt fljótlega, bara Bóthildur eftir af heimahryssunum þar hlít ég að fá meri sem er í lit eða þannig.

     4 ær eftir að bera þannig að þetta er allt að gerast en gerist reyndar ansi hægt svona síðustu dagana.

5. júní 2007

       Jæja það rignir bara helling og Bjössi ákvað að taka bara Hryðju og þann bleika inn, enda var honum orðið frekar kalt í morgun, settum hann svo út aftur seinnipartinn og minn bara sprækur og ekkert smá fallegur, ansi langur og flottur háls, verð nú eiginlega að taka myndir næst þegar ég sé hann en er búin að missa af honum í bili þar hann er hlaupinn hehe en ekki langt svosem en hann hleypur samt hraðar en ég.

    Fór í bæinn í dag, átti tíma hjá taugalækninum, svosem ekkert að frétta þaðan en á að fara aftur í segulóm eða hvað það nú er í nóvember og svo aftur til doksa í des, finnst þetta nú allt gerast ansi hægt en skildist að það ætti nú samt að setja mig á eitthver lyf, man nú ekki alveg hvað hann sagði en eitthvað örvandi skilst mér svo ég vakni nú til lífsins hehe

kl. 00.20
Fæddur bleikur hestur, engin blésa og líklega engir sokkar heldur en sé það nú ekki alveg.

4. júní 2007

Höddi á afmæli í dag, til hamingju með daginn.

        Lísa mín fór í yfirlit í dag á Hellu og hækkaði fyrir skeið þannig að hún er komin í 7,89 sem mér finnst nú bara ansi gott hjá fimm vetra hryssu, rosa monntin af henni og Palla og Hugrúnu auðvitað líka því ekki hefði Lísa gert þetta alveg sjálf þó hún sé nú flink.

      Hryðja er svo að kasta get bara ekki beðið, vonandi fæ ég hryssu með blésu og sokka, en þetta folald er undan Hróð frá Refstöðum, mjög spennt, hugsa svo að Lísa fari undir Hróð í ár.

        Á föstudaginn var þá var brunað austur á Hornafjörð, svona til að heimsækja Jenný og Borgþór og ná sér í nokkrar aspir í leiðinni, held nú samt að það hafi verið aðeins meira en nokkrar en það gerir ekkert til.  Þær voru svo gróðursettar um leið og við komum heim en Jonni og Linda drifu okkur í þetta ferðalag.  Rosagaman og ansi langt en ekki eins lagt suður aftur heyrist manni á heimafólki, en það er nú alltaf þannig að það er svo stutt suður en agalega langt að keyra frá suðurlandinu...

31. maí 2007

     Það er bara allt að gerast í hrossunum í dag, eða þannig, Hildur byrjaði daginn á því að kasta og átti rauða hryssu, var nú ekki mikið kát með litinn en kynið er í lagi, datt jafnvel í hug að taka bara merina mína sem er hjá Erp og setja annað því auðvitað er þessi litur bara honum að kenna allavega ber hann ábyrgð á þessu finnst mér, og auðvitað Jonni og Bjössi því þeir eiga jú folann og bera því ábyrgð á litnum því þetta gæti jú bara varla gerst hjá mér eða þannig.

    Nú svo fór hann Palli Hólmars með hana Lísu mína í dóm í dag og ég er bara rosakát með útkomuna, Lísa endaði í 7,80 sem mér finnst nú bara gott, og er með áttur allstaðar sem mér finnst skipta máli, það nennir jú enginn að ríða brokk nema inni á velli orðið, nú svo er yfirlit í næstu viku held ég og hver veit nema mín skeiði flott þá en það er nú ekki hægt að ætlast til 9 í skeiði fyrr en eftir ár eða tvö kannski, en sjáum til hvað verður.

  Hvolparnir dafna alveg rosalega vel, kunna sér bara ekki hóf í drykkjunni, og verða hreinlega afvelta af ofdrykkju eða þannig.

30. maí 2007

        Drottning kastaði í nótt, loksins og það kom leirljós stjörnóttur hestur, bara fallegur finnst mér, reyni að taka myndir í dag.

       Búin að taka mynd af folaldinu hennar Drottningar en þetta verður líkast til að duga fyrir allt sumarið því hún er svo stygg að ég á ekki roð í hana, og hún lagast ekki næstu daga hehe en er voða indæl við mig svona rétt óköstuð.

      Sauðburðurinn gengur bara ljómandi vel, tosast úr ánum og held að það séu ca 15 ær óbornar en það voru keyrðar einar 5 út í hraun í dag en þær eru annaðhvort geldar eða bera ansi seint.

     Skoðaði Hildi í dag og er ekki alveg viss með hana, komið heilmikið júgur undir hana og mér sýnist sullast úr henni mjólk þegar hún hleypur en er samt ekki alveg viss.  Kannski er hún bara rétt óköstuð en hélt nú að hún mundi ekki kast fyrr en júní-júli ca, en sjáum til hvað verður.

     

29. maí 2007


kl 23.00

       Ekkert komið enn, orðin smeik um að fá hest undan Drottningu en vona bara að hann verði þá leirljós en ekki rauður.


kl 10.45

       Ég hef eitthvað aðeins misreiknað mig þegar ég sagði Guðna Reyni að folaldið hans undan Hæru mundi fæðast ca 10 dögum eftir að Drottning kastar, því Hæra var að kasta þegar Drottning var í látum í fyrra, fannst þetta nokkuð ljóst, hvað um það hér er komið móálóttur vindóttur stjörnóttur hestur sem hann Guðni Reynir á, þetta folald er undan Hæru og Eið frá Oddhól og samkvæmt mínum fræðum eru 25% líkur á að þessi hestur sé arfhreinn vindóttur ekki slæmt það.

     Gat svo ekki betur séð en að það væri farið að leka úr bæði Drottningu sem ég var farin að bíða eftir og svo Hildi sem ég hélt að yrði ekki alveg strax, en sjáum til í kvöld eða fyrramálið hvað verður.

28. maí 2007

      Sauðburður gengu bara vel, og allir sáttir og sælir með ferðina, ena sem er búið að vera að pirra Miðengismenn er að kalda vatnið hefur verið að setta hér af, bæði á laugardag og sunnudag,  Miðengismenn voru nú orðinir ansi fúlir í nótt þegar allt vatn var farið einn ganginn enn og Sverrir fékk það svar þegar hann hringdi og kvartaði að viðkomandi skildi bara ekkert í þessu væli í okkur hann hefði sjálfur nóg vatn....lambféð þarf nú samt vatn en það virðist vera svo mikið álag á vatnsveitu hreppsins á þessum stóru helgum að við dettum bara alveg út sjálfsagt ásamt fleirum.

27. maí 2007

      Miðengismenn og co fóru ríðandi á Nesjavelli í gær, gekk eiginlega ljómandi vel að frátöldum nokkurm byltum en Gestur byrjaði bara hér heima á hlaði og ekki bara einusinni heldur tvisvar og bætti svo einni byltu við enn við Villingarvatn, held að klárinn hafi verið eitthvað ósáttu því ekki var hægt að kenna neinu um, nú svo var það hann Skúli Ingþórsbróðir sem missti eiginlega af sínum klár því klárnum lá á áfram en knapinn sat eiginlega bara eftir, enginn meiddi sig á þessum byltum og gekk ferðin rosalega vel.

     Fengum frekar skrítinn mat á Nesbúð, græn mikið þunn súpa og svo kartöflur í gulri sósu, einn og einn fékk þó kjötbita með kartöflugúllasinu eða hvað þetta nú var, það var ekkert meðlæti með þessu gula gumsi, og djúpir diskar til að borða þetta af, vægast sagt mjög skrítið. 

   Fengum svo morguninn eftir ljómandi morgunverðarhlaðborð, og allir búnir að gleyma gula gumsinu þar til við ákváðum að panta okkur hamborgara svon áður en lagt yrði af stað, ég pantaði einn með öllu fyrir Bjössa og hamborgara með sósu fyrir Siggu, þau fengu svo alveg eins hamborgarar, engin sósa og bara ekkert, þegar var svo kvartað yfir sósuleysinu þá fengum við nokkrar skálar með ljósri sósu....þeir sem kvörtuðu og vildu ost fengu ostsneið yfir löngusteiktann hamborgarann sem var svo hrár í sumum tilfellum, þjónustan virtist vera í svipuðum gæðaflokk og maturinn, mjög skrítið og þegar menn borguðu svo herbergin þá var ekkert spáð í hvort það væri fyrir einn eða tvo, bara svona ca. Jafnvel þeir sem voru hestlausir sem voru líklega bara Höddi og Magga þau fengu svo þann heiður að borga fyrir hesta ... hef ekki heyrt um neina hestamenn sem voru rukkaðið fyrir hesta, allt semsagt mjög skrítið og þegar beðið var um yfirmann þá var hann á Spáni og staðgengill á leið úr Reykjavík sem lét svo ekkert sjá sig, get því miður ekki mælt með þessu, það eina sem virkilega gladdi mig var að það mátti hafa hund með sér og svo var þetta jú frábær félagsskapur.

     Heimferðin gekk svo rosalega vel, heyrði ekki af neinum sem datt af baki, kannski ein Solla rúllað niður brekku, en það er svosem ekkert sem kemur á óvart hehe.

26. maí 2007

Gulla frænka er fertug í dag, til hamingju með daginn Gulla mín.

25. maí 2007

        Hér var allt óborna féð sett inn í gærkvöldi það var svo ansi hvasst og kalt.  Þar á meðal var ein mórauð hyrnt kind sem skoppaði út um allt og ekki vottur af júgra undir henni svo það var nú nokkuð ljóst að sú var steingeld.  Þrátt fyrir að hún væri steingeld bar hún í morgun, ekki vottur af júgra undir henni og þetta eina lamb sem hún átti er nú bara svo lítið að það sést varla, við gefum því samt úr pela og það virðist nú geta lifað en nær líkast til ekki upp í júgrað á nokkri kind hvað þá mömmu sinni sem er hvorki með júgur né mjólk, en við sjáum til hvað verður með það.

     Hestaborðið mitt og klukkan eru komin í hús, en fékk þetta sent frá Danaveldi, þetta er nú ekkert smá flott verð ég að segja.

     Svo verður farið í vorferðina á morgun, held að hópurinn sé orðinn eitthvað yfir 30 manns, og stefnan tekin á Nesjavelli, við verðum þar svo eina nótt, og komum heim á sunnudeginum, reyni nú að fara seinnipartinn á morgun svona svo ég geti gefið hvolpunum sjá áður en ég fer og kem snemma heim á sunnudeginum enda á ansi góðum fararskjóta sem heitir Patrol, nú þeir sem verða á hrossum verða líklega eitthvað lengur á leiðinni, en ég get þá skotist heim og sinnt hvolpunum ef þarf en á nú ekki von á því svosem, finnst nú alveg kominn tími á að Ýla taki þetta alveg að sér.

24. maí 2007

        Sigga er komin með bílpróf og ekkert smá kát með það, fór á bílnum sínum í vinnuna strax eftir prófið, kom svo heim í 10 mín. eftir vinnu og var svo farin, ætli hún mæti ekki bara í vinnu í fyrramálið svo.

       Nú sauðburður gengur bara vel, færðist rosa mikið af hrútum, ætla rétt að vona að það verði samt eitthvert úrval til að setja á af gimbrum í haust en Guðni Reynir hefur nú ekki miklar áhyggjur af því.

      Er enn að gefa hvolpunum með en þeir eru allir að þyngjast ágætlega, held að Ýla sé að verða nokkuð góð af júgurbólgunni þannig að þetta er allt að koma.

23. maí 2007

Held að Særún og Stefanía eigi afmæli 21 og 23 maí, veljið ykkur bara dag, man ekki alveg hver á hvaða dag og til hamingju með dagana ykkar.

         Ansi lítið borið í dag, líklega bara tvær, þannig að kannski verður það slatti á morgun í staðinn.  Ekkert bólar á folöldunum mínum orðin dálítið spennt.

        Hvolparnir eru farnir að braggast enn meira, þrír af þessum sjö eru búnir að ná fæðingarþyngdinni og hinir fjórir ekki langt frá því.  Gaf þeim örugglega sex eða sjö sinnum í gær en bara þrisvar í dag og þeir voru bara ekki duglegir að drekka, frekar leiðinlegir við mig þannig að ég vorkenni þeim bara ekkert og sagði þeim að bjarga sér þá bara sjálfir, verð örugglega búin að gleyma því á morgun og prufa að bæta aðeins á þá en Ýla ætti að geta séð um þetta sjálf  um eða uppúr helginni held ég.

      Nú þeir sem halda að Guðni Reynir sé hættur að æfa fótbolta með Selfossi, ykkur get ég sagt að hann er bara í fæðingarorlofi eða sauðburði, hann skilar sér svo aftur þegar sauðburður er búinn.

22. maí 2007

        Hvolparnir farnir að dafna vel og þyngjast bara þokkalega, þannig að þetta er allt í áttina. 

       Ekkert bólar á folöldum en hefði nú haldið að það færi að styttast í Hryðju og jafnvel Drottningu.

       Gengur svona ljómandi vel að reisa húsið hjá tengdó, held að það sé búið að loka eða þannig búið að raða spýtum á þakið þannig að það ætti ekki að rigna mikið inn.

       Það fer svo að styttast í vorferðina en þetta árið á að fara á Nesjavelli, farið á laugardaginn og komið heim á sunnudag, svo hinn hefðbundni hvíldardagur sem verður nú alltaf að vera.

21. maí 2007

       Hvolparnir eru loks hættir að léttast, og 5 af 7 farnir að þyngjast verulega hinir tveir eru samt að braggast.   Finnst bólgan í Ýlu samt vera farin að minnka, þannig að þetta er allt í áttina.

     Hér var bara allt hvítt í morgun, af snjó, ekki gaman fyrir lambféð en held nú samt að þetta hafi ekki gert neitt til, ærnar ekki borðið mikið í dag en samt eitthver slatti.  Gengur eiginlega bara rosalvel, megnið af ánum tvílembdar og mjög lítið af dauðum lömbum þannig að þetta er allt í góðum málumm, meira að segja komið dálítið af golsóttum lömbum en það er það sem mér finnst mest spennandi.  aðeins komið af botnóttu en næstum ekkert flekkótt sem er nú frekar óvenjulegt í Miðengi.

20. maí 2007

        Kindurnar bara búnar að vera í pásu í dag, frá burði, held að það hafi borið tvær síðasta sólahringinn sem hentaði svosem ágætlega því þá þurfti ekki að setja eins margt út og það er búið að vera kalsarigning öðru hverju í dag.

       Nú af Ýlu og hvolpunum er það að frétta að hún étur pensilín eins og hún á að gera og er kannski aðeins að lagast held ég, hvolparnir aftur eru enn að léttast þannig að ég fór og fékk hvolpamjólk og ætla að gefa þeim aðeins með og sjá hvort þetta fer nú ekki að lagast en þeir eru samt bara nokkuð líflegir og rólegir blessaðir, ekkert væl eins og maður ætti nú von á ef þeir væru mikið svangir en á meðan þeir eru enn að léttast hljóta þeir að vera svangir, reikna nú með að þetta snúist í rétta átt á morgun, Ýla skárri af júgurbólgunni og þurrmjólkin farin að virka líka, svona rétt sem fylling hugsa að ég fari nú ekki að vakna á nóttunni til að gefa því það er jú slatti mjólk í tíkinni.

19. maí 2007

        Haldið þið ekki að hún Nös hafi bara verið í látum í gær, og hún sem átti að kasta í sumar, en hún hafið farið undir Aron síðasta sumar, en svona getur þetta verið, þeir bræður drifu sig með merina austur í Pulu og settu hana hjá Roða frá Múla svo er bara að vona að hún haldi og kasti þá næsta vor.

      Annars eru miklar stóðhestapælingar í gangi, margt spennandi sem við sáum í Pulu, en verðum bara að sjá til og fara jafnvel að girða...

     Hvolparnir eru enn að léttast sem er nú ekki eins og ég vil hafa það en sá að Ýla er bara með svo mikla júgurbólgu, hún virðist samt mjólka þannig að hvolparnir kvarta ekki heyrist aldrei í þeim og eru líflegir, en nú er hún semsagt komin á fúkkalyf og vonandi fer þetta að lagast því hún virðist vera full af mjólk bara ekki góðri mjólk, vona að þeir verði hættir að léttast á morgun annars verð ég að fara að gefa þeim með en held nú að þeir mundu kvarta ef þeir væru verulega svangir. 

18. maí 2007

        Sigga á afmæli í dag, orðin 17 ára til hamingju með daginn Siggan okkar.
        Í dag eiga líka afmæli, Silla á Akureyri, Hulda á Selfossi , nú og Harpa Rós á Ormsstöðum, það ætti auðvitað að vera konudagur í dag, til hamingju allar saman.

         Það bættist svo ein dama við í dag, en mér er sagt að Sigrún hafi átt stelpu í dag og Hulda og Ingþór því orðin afi og amma á afmælisdaginn hennar Huldu. Til hamingju með þetta allt.

        Búin að raða myndunum aftur af hvolpunum og núna held ég að þetta sé nokkuð rétt, allir á sínum stað.

      Dóri kláraði að slóðadraga niðurtúnið í fyrradag held ég bara var að koma inn rétt um ellefu um kvöldið ansi kátur með daginn held ég bara, hann sleppti því samt alveg að fara að slóða í gær, kannski búinn að fá nóg, fór bara í hrossasmalamennsku í staðinn.

17. maí 2007

Komnar myndir af hvolpunum

Það er reyndar full vinna að raða þessum myndum og alveg óvíst að þetta sé rétt hjá mér, ekki víst að það stemmi hehe mismikið af hvítum tám, vona samt að þetta sé nokkuð rétt.

      Klukkan 3 í nótt voru hvolparnir hennar Ýlu orðnir 7, 4 hundar og þrjár tíkur, og allir næstum eins á litinnn, einlitir með hvítar tær, varla týru einusinni, og engann hnakkablett, smá hvítt samt á brjóstinu allir held ég, og einn hvítur framfótur hehe

16. maí 2007

       Ýla búin að vera óróleg í allann dag, fyrsti hvolpurinn kom svo um klukkan 21.00 en þá komu tveir í röð, þá tók hún smá pásu í ca klukkutíma sem hentaði mér mjög vel því þá stóð þannig á að ég þurfti að fara út í fjárhús og draga tvö lömb úr rollu sem nennti bara alls ekki að standa í þessu enda ákváðu bæði lömbin að koma í einu, en þetta hafðist allt saman.  Um miðnætti voru svo hvolparnir orðnir 4.

15. maí 2007

        Byrjaði daginn á því að skutla Siggu í vinnuna, fór svo í Laugarás að spjalla við Pétur lækni, eftir hádegið var svo stefnan tekin á Selfoss, fór í Bónus og eins og vanta er var ég varla kominn inn í búðina þegar ég vissi bara ekkert hvað ég var að gera þarna, vantar stundum nokkrar blaðsíður, svo kaupi ég auðvitað eitthvað sem mig vantar ekkert og gleymi því sem mig vantar.

        Ýla enn róleg, en þetta fer að styttast. Nú og það raðast lömbin úr ánum, markaði meira að segja slatta í dag.

14. maí 2007

         Þá held ég að sauðburðurinn sé kominn almennilega af stað, held að það hafi borið um 10 kindur í dag, ein einlemba, ein þrílemba og þá átta tvílembur, þannig að þetta er allt að gerast.

      Sigga ekki kát í dag, en til stóð að hún færi í verklega bílprófið á morgun en viti menn það er bara fullt í prófin á morgun þannig að hún kemst ekki í próf fyrr en á fimmtudegi eftir viku, ansi mikið fúlt en mér skilst að það séu bara ákveðið mörg próf á viku í boði á Selfossi.

      Skutumst austur í Pulu í dag, svona rétt til að spjalla við Daníel og vita hvort sú gráa verður sýnd í vor, hann vill klárlega sýna hana bara spurning hvenær, samt ekki gott að segja hvort hún verður eitthvað liðlegri við meiri brúkun, kannski léttar hehe en það gengur hægt að skafa af henni kílóin.

13. maí 2007

       Hugsið ykkur í dag eru 18 ár síðan við Bjössi giftum okkur og Guðni Reynir var skrírður.

       Veðrið er búið að vera ansi gott í dag og ekki bara gluggaveður heldur nokkuð hlýtt líka enda ástæða til að vera kátur í dag, held að það sé bara komið vor og nú svo fóru kosningarnar bara nokkuð vel að mínu mati.

       Fyrsta kindin bar í dag, hún átti ansi fallega flekkótta gimur sem þurfti endilega að vera dauð, nú og svo kom líka pínulítið lamb sem er lifandi en þá getur það ekki opnað augun, frekar skrítið það en það virðist nú vera þokkalega sprækt og komið á spena svo er bara að sjá hvort losnar um augnlokin eða hvað.

12. maí 2007

Takk fyrir allar afmæliskveðjurnar..ótrúlega margir sem mundu eftir mér.

      Byrjaði á að kýkja í fjárhúsið í morgun og ekkert að gerast, fór svo með Siggu í vinnuna, og fór þá til Reykjavíkur á fyrirlestur hjá Dr. Per-Erik Sundgren  það er nú ekki oft sem ég dríf mig á fyrirlestur hvað þá á ensku en þetta var eitthvað sem ég hafði semsagt mjög gaman af, og auðvitað skildi ég að það sem þessi maður var að segja er ekki langt frá því sem ég er búin að vera að þrjóskast við að gera, en auðvitað er alveg hægt að skilja hlutina eins og manni hentar helst.

    Fór svo austur og kaus, því ekki mátti maður nú klikka á því, trúi því virkilega að mitt atkvæði skipti sköpum, þegar ég labbaði hér galaði Dóri svo á eftir mér ,,mamma muna að kjósa Sjálfstæðisflokkinn" fyrir þá sem ekki vita það þá er Dóri 12 ára.

    Svo er bara að sjá hvernig þetta fer og krossa fingur.

    Hæringur var svo settur með Spólu í dag en aumingja Erpur settur með óköstuðu merunum, sem honum líkaði bara ekki og stakk af úr girðingunni, og er núna kominn inn, honum var nær, samt rifjaðist það upp þegar Dóri var að elta folann að líklega var folinn alltaf á flakki í fyrrasumar þar til það var sett rafmagn á girðinuna.

 11. maí 2007

Ég á afmæli í dag, gaman gaman, orðin 39 held ég bara.

       Búin að vera ansi léleg í dag, kannski er það bara aldurinn, engin lömb komin ennþá en ég hélt að það ætti að koma lamb handa mér í dag..

     Netið búið að vera ansi dapurt í dag og í gær reyndar líka, á það til að detta alveg út sem er auðvitað alveg agalegt.

     Bjössi og Guðni Reynir fóru uppí stykki í dag, ætluðu að gefa graðhestunum held ég, þá var bara fullt af lausum hrossum í kringum hólfið okkar, samt ekki hross frá okkur en það var ákveðið að taka folana bara heim og inn aftur, því þessi hross sem eru þarna virðast komast upp á þjóðveg og þangað sem þeim dettur í hug, þannig að það er nú ekki hægt að treysta því að graðfolarnir tolli í girðingunni eða að hrossin hinumegin fari ekki yfir,,,, þannig að þeir eru á leið inn blessaðir, ætlaði svosem að halda Spólu undir Hæring þannig að það þurfti hvort sem er að ná í hann.

10. maí 2007

       Guðni Reynir fór í síðasta prófið í dag, held að það hafi bara gengið ágætlega.

      Fór með Dóra til læknis í gær en hann er allur í útbrotum, og bólum, hann greindist líklegast með unglingaveikina hehe karlkvölin en ekkert ofnæmi sem betur fer.

      Sigga fór svo í bóklega bílprófið í dag, og náði en ekki hvað, þannig að nú fer að styttast í að hún fái prófið.

      Held að það séu búnar að vera heilmiklar framkvæmdir í kringum húsið hjá Tengdó í dag, gott ef það er ekki verið að leggja vatn og rafmagn þangað, ansi stórar vélar allavega að flækjast þarna.

9. maí 2007

        Letidagur í dag, allavega hjá mér, annars var platan steypt í húsinu hjá Tengdó í dag, þannig að þetta er allt að gerast held svo að það komi flokkur af mönnum á mánudaginn og byrji að reisa húsið, þetta er ótrúlega fljótt að gerast þegar þeir byrja.

       Engin lömb komin og held að það sé ekki von á fleiri folöldum fyrr en seinnipartinn í maí þannig að nú er bara að bíða.

8. maí 2007

       Spóla kastaði núna í kvöld, jörp hryssa einmitt það sem mig langið mest í.  Hún fær nafnið Hylling eins og amma hennar.

      Kýkti á Spólu í morgun og nú gæti farið að styttast í folaldið, náði bæði Hryðju og Drottningu og setti þær í girðinguna fyrir utan eldhúsgluggann, en Spóla vildi bara alls ekki tala við mig, hún þarf nú samt að komast í fjósadalsgirðinuna svo ég geti fylgst betur með henni.

      Nú svo fer að styttast í kosningar og Árni kom að kýkja á frændgarðinn, en Halldóra langamma mín og Þorgils afi Árna voru systkin.  Tók þessa fínu mynd af Guðna Reyni, Árna og Bensa úti í hesthúsi.

     Guðni Reynir sá svo að það var kvíga frá okkur úti í fjósi sem hefur líklega fótbrotið sig á afturfæti, hún virðist samt geta legið og staðið upp þannig að kannski er hún bara brákuð eða eitthvað þessháttar.

7. maí 2007

        Fór bara ekki út úr húsi í dag enda rok og kalt, Sigga og Guðni Reynir fóru í próf í morgun og gekk misvel skildist mér.  Guðni Reynir kom heim með bikar sem hann átti víst að taka við fyrir viku en sá bikar var úr Akademíunni, fyrir framfarir, ansi gott það og dollunni stillt upp innan um dollurnar sem hundarnir eiga.

      Gáði ekki einusinni að merinni minni en geri það bara á morgun.

      Af mér er það annars að frétta að taugalæknirinn hringdi loksins og nú er búið að lesa út úr mænustungunni en sú rannsókn stiður víst við það sem hann hélt að væri kannski að hjá mig en samt er þetta ekkert öruggt, tveggja ára prógram að fá geiningu jafnvel....

     Nú síðasta lóðin var svo seld í dag eða Tröllahraun númer 5.

    

6. maí 2007

Steinar á afmæli í dag, til hamingju með daginn Steinar okkar!!

        Skoðaði hryssurnar í dag og ekkert að gerast.  Sá svo börn hér á stangli úti, tvö úti í skemmu að fikta í bílnum hans Dóra, þau voru líka að flækjast innan um féð, en þær eru rétt óbornar og eitt barn var svo að leika sér í rúllunum. Þetta voru ekki einusinni gestkomandi börn hér á torfunni, þekkti bara einn krakkann og finnst nú að foreldar ættu aðeins að hugsa sinn gang ekki bara að senda krakkana á næsta sveitabæ og segja þeim að leika sér eða eitthvað,  frekar fúlt að geta ekki sótt rúllur í stæðuna sína öðurvísi en að hafa áhyggjur að eitthverjir krakkar úr sumarbústað séu jafnvel inni í miðri stæðu, en það er bara eins og fólk hugsi stundum ekki neitt.

     Fórum í matarklúbb til Reykjavíkur í gær til Þóru, það var bara ágætis mæting, en vantaði Gumma og Leifu og svo Bigga og Mæju.  Maturinn var rosalega góður, held bara að það klikki ekki grillið hjá honum Hermanni, við vorum ekki komin heim fyrr uppúr hálffjögur í morgun, þannig að ég er búin að vera löt í dag.

3. maí 2007

         Þannig er að ég uppfæri yfirleitt á morgnana og þannig var það líka í dag eða þriðja maí semsagt uppfærði fyrir annann maí.  Sá kýr úti á túni og taldi því víst að Miðengismenn hefðu sett úr kýr og kvígur en þegar ég ætlaði að kýkja betur á þetta í dag, þann þriðja þá voru allir gripir inni í fjósi, mjög skrítið, hélt að ég væri að verða vitlaus kannski sem hefði nú ekki komið á óvart, en málið var semsagt það að gripirnir ákváðu sjálfir að skella sér út í nótt, opnuðu bara og fóru, þannig að í morgun voru gripir úti en þeir reknir aftur inn, þannig að það er ekki búið að setja út nautgripi...

       Stálminn aðeins að aukast hjá Spólu, mikið spennandi finnst mér.

2. maí 2007

      Kýkti á merarnir mínar í morgun og gott ef ekki er aðeins farið að koma stálmi í Spólu, kannski verður komið folald fyrir afmælið mitt, rauður hestur sem verður þá skrírður Eiríkur Hauksson en ekki hvað.

      Það er búið að setja út einhverja nautgripi hér, nú á að fara að koma fjósinu í standi svo hægt verði að undirbúa fjósið fyrir kvíguhótel en ég veit ekki betur en að fyrstu kvígurnar komi núna bara um helgina ca 10 stykki.

1. maí 2007

       Ágætt veður í dag, fór reyndar að rigna ansi mikið seinnipartinn en það er bara gott fyrir gróðurinn.

    Kersins Orion kom í heimsókn í dag, hann er ótrúlega líkur Sölku á hausinn bara skondið.

    Krakkarnir Sigga og Guðni Reynir byrja svo í prófum á morgun, held að þau verði svo búinn þann 11 maí, enginn smá lúxus finnst allavega Dóra sem á eftir að vera í skólanum í mánuð enn allavega.

30. apríl 2007

      Guðni Reynir kominn heim og alsæll með ferðina, hann var nú samt ansi snöggur að koma sér út í morgun og athuga hvort ekki væri nú allt með felldu í búskapnum, þurfti að byrja á því að laga girðingar því kindurnar hans eru farnar að reyna að lauma sér í burtu, tvær voru komnar austur í girðingu en það gekk vel að ná þeim heim aftur, en svo eru tvær í upptúninu sem verða aðeins að bíða með að verða sóttar en þær fara nú vonandi ekki langt.

     Skoðaði merarnar mínar í morgun, ekkert bólar á folöldum, en nú gæti ég alveg farið að hugsa mér að fá folald.  Skoðaði svo veturgömlu tryppin, þau eru flest farin að fara úr hárum nema Tintron sem er alveg eins og mórauð rolla í tveimur reifum.  Mertryppin eru orðin ansi fín og rosa gaman að sjá hvað þær eru vel fextar.

     Sigga kláraði svo Ö-2 í dag, svo er bara að vona að hún nái að fara í bóklega prófið á fimmtudaginn, en annars kemst hún ekki fyrr en 10 maí, sem gerir svosem ekkert til en þá má hún heldur ekki falla ef hún ætlar að ná því að fá prófið þann 18 maí.

29. apríl 2007

      Það lítur nú helst út fyrir að það sé komið vor, bara hlýtt og gott veður.  Í gær voru tittirnir settir úr í stykki, það er svosem óþarfi að hafa þá inni í þessu veðri enda ekkert smá kátir að losna út.

     Það er svo von á Guðna Reyni heim í kvöld, sjálfsagt nokkuð ánægður með ferðina þó svo að Chelsea hefði nú mátt setja inn eitt mark enn.

28. apríl 2007

     Frétti í dag að bæði Kersins Lukka og Kersins Sindra hefðu flogið í gengum augnskoðun, eins Kersins Skellir veit ekki um fleiri Kersins hunda sem fóru.

     Miðengismenn fóru í heilmikinn útreiðatúr í kvöld, kýktu til Gunna og Áslaugar í þeirra sumarbústað, síðan til Gumma og Ingu Dóru, þá var víst farið heim að skipta um hesta og aftur farið af stað og nú var farið að kýkja á Jósep og fj, en þau voru öll sistkynin í bústaðnum, þetta var víst mjög gaman.  Við Elvar vorum heima að horfa á sjónvarpið svona með öðru auganu.

      Bjössi og Jonni fóru svo í morgun með Litbrá til Daníels í Pulu, vonandi á hún eftir að standa sig merin.  Frétti svo af Lísu, held að þar gangi bara allt í áttina.

27. apríl 2007

       Sigga skellti sér í hárlengingu í dag, og ekkert smá flott á henni hárið núna, vona bara að þetta endist þar til hennar hár verður orðið nógu sítt.

     Guðni Reynir og Reynir Már komnir til London alsælir, fékk svo sms frá Guðna Reyni núna í kvöld og hvað haldið þið að hafi staðið í því??  ,,Muna að gefa Voða og Brellu". Svo mörg voru þau orð, hann hefur greinilega smá áhyggjur af því hvort ég hugsa nógu vel um gömlu hundana á meðan hann er úti.

      Fór svo með hana Þórdunu Skrámu í augnskoðun í Sólheimakot og hún var bara í fínu lagi.

26. apríl 2007

      Búin að vera heilmikið á ferðinni í dag, allskonar reddingar og snúningar, nú svo finnst mér ég búin að vera að þvo þvott í allann dag en sér samt ekki högg á vatni.

      Mamma og pabbi fóru vestur í morgun, ætla að vera í Tálknafirði um helgina, örugglega ansi afslappandi.

     Aðalfundur hrossaræktardeildarinnar Goða var svo í kvöld, Maggi Lár nætti með erindi um BLUB ið sem ég held nú að menn séu farnir að botna aðeins meira í en þeir gerðu í gær allavega er ég aðeins nær, en það þarf nú að lesa þetta yfir mér allavega einusinni enn til að þetta skiljist alveg.

25. apríl 2007

         Ýmislegt verið að snúast í dag, sækja gjaldeyri fyrir Guðna Reyni en hann er að fara til London á föstudaginn, Guðni Reynir og Reynir Már ætla að skella sér saman en þetta er ferð sem þeir eru búnir að tala um í mörg ár held ég bara.  Það á að fara á tvo fótboltaleiki, einn á laugardeginum og annar á sunnudeginum, þetta verður bara gaman.

     Nú við Guðni Reynir fórum svo í bæinn að hitta Henson, en en mér skilst að strákarnir í sveitinni ætli að keppa í Sunnlensku deildinni í sumar í fótbolta og fyrir UMF Hvöt, þeir verða bara flottastir held ég, svo er eins gott að þeir standi sig í nýju búningunum en UMF Hvöt á víst 100 ára afmæli í ár.

24. apríl 2007

         Búin að koma sumardekkjunum undir Patrolinn, reyndar setti Gestur dekkin undir, en það er semsagt orðið klárt, eigum þá bara eftir að skipta á bílnum hennar Siggu.

      Ekkert folald komið en ég ætlaði að kýkja á hryssurnar í dag en það var svo mikið rok að ég nennti ekki út, fer bara á morgun.

       Sá svo á síðunni hennar Ingveldar að hún er að koma aftur, það er að kenna á Ljósuborg, verður spennandi að sjá hana kljást við minn mann hehe veit reyndar ekki hvaða bekk hún fær en vona nú að Dóri fái að kynnast henni betur.

23. apríl 2007

       Bjössi búinn að vera að keyra möl í sökkulinn á húsinu hjá tendó.  Nú annars er bara allt í rólegheitum. 

      Ýla blæs út og er greinilega full af hvolpum, frétti að Orrasynirnar hefðu flogið í gegnum heilbrigðisskoðun í dag, ekki að spyrja að því þannig að þetta er allt voða spennandi.

22. apríl 2007

       Kolla og Linda kýktu við í dag en þær voru á leið að skoða Sverri og hundana hans, eða kannski bara hundana, ekki gott að segja.

      fór svo í bæinn í kvöld að skoða hvolpana hjá Guðna og Önnu, svei mér ef þetta eru ekki bara fullkomnir hvolpar, fannst þeir allavega rosalega fallegir, en frekar þægir miðað við að hafa Kersins genið, sá þó smá takta sem ég kannaðist við, en semsagt rosavel lukkaði hvolpar.

21. apríl 2007

       Kýkti í hesthúsið í dag svona til að líta eftir hehe, skoðaði svo fylfullu hryssurnar og er bara ekki frá því að það sé aðeins að byrja að koma undir Spólu.  Nú Hryðja er orðin svo sver að hún er bara að springa en þegar ég rifja það upp þá var hún líka svona belgmikil í fyrra, nú bera að vona að ég fái hryssu en Hryðja fór undir Hróð frá Refstöðum þannig að ég á von á skemmtilegum lit eða ekki, sjáum hvað kemur, bleikálótt blésótt sokkótt gæti komið, nú eða jarpt eða brúnt vona nú samt að ég fái blésu og sokka, grunnliturinn skiptir minna máli, jafnvel rauðglótext mundi heilla mig.

      Miðengismenn fóru svo á árshátið hestamannafélagssins Trausta á Gömlu Borg, fórum 14 héðan, reyndar mætti Sverrir dálítið seint og fór reyndar dálítið snemma, ekki gott að segja hvað er í gangi þar.

20. apríl 2007

       Enn og aftur kominn föstudagur, var alveg klár á því að ég þyrfti á Selfoss í dag en svo þegar ég ætlaði að fara af stað gat ég bara ekki munað hvaða erindi ég átti á Selfoss og man ekki enn svo ég fór bara ekki neitt.

       Linda og Kristinn komu svo austur í dag, en fengu nú ekki besta verðir rok og rigning, en þau náðu nú samt að klára það sem þau komu til að gera.

      Sigga fór svo að vinna strax eftir skóla, loksins komin til heilsu stelpuskjátan.  Nú svo er hestamannaball annað kvöld held að það ætli um 14 manns frá Miðengi, sem er nú bara nokkuð gott.

      Bensi og pabbi fóru svo til London í morgun en stefnan er tekin á fótboltaleik.

19. apríl 2007

Sumardagurinn fyrsti

     Gleðilegt sumar, það er nú aldeilis búið að vera gott verður í dag, vetur og sumar frusu saman, þannig að það veit á gott.

      Skruppum í Búðardal með Jonna og Lindu að skoða ljósmyndasýningu og málverkasýningu hjá Gróu og Tona, þetta er ekkert smá flott hjá ykkur,  og til hamingju með frábæra sýningu, heyrði svo í Gróu undir kvöld og það höfðu 135 skrifað í gestabókina, mikið að gera í Búðardal þessa dagana greinilega.  Við höfðum allavega rosalega gaman af því að skjótast vestur, sáum líka Stefán keppa í firmakeppni, í móturhjólagallanum og með móturhjólahjálminn sem fór nú bara vel á hestbaki, betra að vera vel varinn, en hryssan virtist nú ekki fara neitt hættulega hratt svo þetta var allt í góðum málum.

18. apríl 2007

       Ýmislegt í gangi í dag, Gunna frá Bjarnastöðum kýkti í heimsókn, mikið spá í fjárhundanámskeið og ýmislegt sem viðkemur BC hundum, hver veit nema Guðni Reynir og Gutti fari nú að taka sig saman í andlitinu og æfa sig, en annar þeirra er klárlega til í að byrja og þarf enga tilsögn, að eigin mati hef ég trú á, en held að Guðni Reynir verði nú að fylgja Gutta eftir.

     Vorum svo að fá nýjann ísskáp, það rétt hafðist að koma honum í hús mátti nú ekki muna einum cm held ég að hann kæmist í hús en það hafðist með góðra manna aðstoð, takk fyrir það.

     Fór svo á hagyrðingakvöld á Borg, og ekkert smá gaman held að þetta sé í þriðja sinn sem ég fer en ég fór ekki í fyrra, mamma, pabbi og tengdapabbi fóru með mér, og ég verð nú bara að segja að þetta var líkast til besta hagyrðingakvöldið sem ég hef farið á.

    Á morgun er svo stefnan tekin í Búðardal, en ætlum að kýkja á myndasýningu, en þar á Toni ljósmyndir og Gróa á málaðar myndir ef ég hef skilið þetta rétt.

17. apríl 2007

     Fórum austur undir Vík í dag, á bæ sem heitir Þórisholt, en við erum í Sunnuverkefni sem BSSL stýrir, það er semsagt svokallaðir sms hópar sem hittast reglulega og ræða lífsins gang og nauðsynjar, og þá helst það sem snýr að kúabúskap.  Við ákváðum nú að mæta þrátt fyrir að vera hætt með kýrnar, búin að hlakka svo lengi til að fara þarna austur.  Fengum rosagott veður og urðum margs vísari og þá sérstaklega í sambandi við Rófurækt en bændurnir þarna eru í rófurækt sem aðalbúgrein, en kýr og kindur svo með.

   Kýkti á Spólu og hinar hryssurnar, er nú að hallast að því að Spóla kasti líklega ekki fyrr en í maí sem er nú bara ansi gott verð ég að segja, það er nú ekki alveg komið vor.

16. apríl 2007

     Í dag var restin af sökklunum steypt hjá tengdó, það var nú svo fljótgert að það var ekki einusinni tími til að taka upp myndavél, enda ég svosem ekki heima þegar þeir byrjuðu.

     Fór með Siggu í Laugarás í morgun alltaf eitthvað vesen á maganum í henni, verðum bara að vona að hún fari að lagast þetta gengur ekki svona til lengdar, en svosem ekki gott við þessu að gera.

15. apríl 2007

        Fór í bæinn í kvöld á skyggnilýsingarfund í sálarrannsóknarfélaginu, mjög áhugavert eins og alltaf það tekur samt smá tíma að melta þetta en rosalega fróðlegt allt saman.  Hitti þarna mann sem var að vinna með mér fyrir örugglega 20 árum, hann Frímann, gaman að því, sumt fólk breytist bara ekkert held ég.

14. apríl 2007

       Þetta fína veður í dag en samt dálítið kalt.  Hér komu Húnvetningar að skoða Hæring í dag, svona rétt til að taka lokaákvörðun um hvort hann fara ekki norður í sumar, held bara að það sé ekki spurning, held að þeim hafi bara litist rosavel á gripinn, þannig að ég þarf ekki að hafa áhyggur af því.

      Fórum svo í Halakot að skoða graðhesta, ég fór nú ekkert út úr bílnum, fannst ansi kalt en sá nokkra hesta á ferðinni.  Fannst þeir bara ansi fínir held ég, tók sérstaklega eftir tveimur frá Vorsabæ held ég, báðir undan Garra annar moldóttur og hinn jarpur, ekkert smá fax á þessu hestum, held að ég ætti að athuga með að halda undir annann þeirra, ekki veitir af að ná í nokkur aukahár á hrossin okkar.

13. apríl 2007

      Kominn föstudagur einn ganginn enn, þetta er alveg með ólíkindum hvað tíminn líður hratt þessa dagana.  Stefnum á Halakot á morgun  að skoða hross vonandi verður gott veður verð ég að segja enn kannski er þetta allt innandyra þekki það bara ekki en sjáum til.

     Gunnlaugur kom í dag og ætlaði að gelda Rafael en því var frestað fram á haust, vonandi verður komið niður í klárnum þá.

12. apríl 2007

      Hér er allt í rólegheitum, bara ein kusa sem er mjólkuð en hún fer nú væntanlega á Bíldsfell á morgun, mjólkubíllinn kemur ekki meir þannig að þetta er bara að verða búið.  Nú gráa merin mín hún Litbrá nýtur góðs af því að kýrnar eru farnar, ekkert smá fín aðstaða til að baða hrossin, þarna úti í fjósi, ekki það að það dugi eitt bað á Litbrá en hún verður vonandi orðin fín áður en hún fer til Daníels.

      Var að skoða hvaða merar það eru sem þarf að halda í sumar, held að þær verði á bilinu 7-9 allavega þar til annað kemur í ljós, eigum eftir að sjá hvernig dóma Lísa litla fær í vor, en hugsa nú að Litbrá verði haldið hvernig sem fer, enda hún orðin það gömul að það verður eiginlega að fara að koma úr henni folald.

11. apríl 2007

       Guðni Reynir ákvað að fara austur í Landeyjar og kaupa sér folald í dag, það voru fjögur folöld í boði og minn maður var fljótur að velja sér moldóttann skjóttann hest, ansi fallegur foli, nú það kom svo í ljós þegar folinn var settur á kerru að hann var hún,,,Guðni Reynir brosti alveg í hring mikið kátur með að þetta skildi vera hryssa en mér sýndist nú bóndinn ekki vera eins kátur en veit það samt ekki alveg, nú Bjössi valdi sér jarpa hryssu ansi fallega svona til að hafa með þeirri skjóttu, reyndar valdi hann fyrst jarpskjóttann hest en folinn vildi alls ekki á kerruna og slapp líkast til tvisvar, reyndar slapp jarpa hryssan jafnoft eða oftar en allavega eru komnar tvær hryssur hér heim.

10. apríl 2007

      Það stóð nú eiginlega til að fara í Bláa Lónið í dag en Sigga er alltaf hálflasin þannig að við ákváðum að fresta því eitthvað, reyndar hefði Guðni Reynir þurft að mæta á æfingu kl 17.00 þannig að það hefði kannski ekki verið tími.  Skildist á Guðna Reyni að þeir hefðu verið fjórir sem mættu á 2. flokksæfinguna, þetta er nú bara ekki hægt að halda úti liði með þessa mætingu finnst mér.

9. apríl 2007

        Gott veður fyrripart dags, Daníel kom hér og tók út þær hryssur sem er stefnt með í dóma þetta árið, held að honum hafi lítist vel á þær allavega reiknaði hann með að geta sýnt eina í vor og tvær í ágúst svona ef allt fengi eftir.

      Sá svo að þeir feðgar Sverrir og Jonni skelltu sér á bak rétt um hádegið, gat ekki betur séð en að á meðan Jonni fór þessa hefðbundnu leið fram og til baka hafi Sverrir og Bjórblési farið ansi marga króka sjálfsagt að kanna færðina úti í móa, hugsa allavega að Bjórblési hafi hlaupið helmingi lengra en brúni klárinn hans Jonna en samt komið samhliða heim, fannst nú á Sverri þegar hann kom hér heim að hann hafi nú kannski ekki alveg ráðið hraðanum sjálfur en fannst nú eins og að kannski hefði hann smá stjórn á því hvort farið var til hægri eða vinstri.

8. apríl 2007

         Fór að kýkja á hryssurnar mína uppi í túni í dag, allar vel feitar en ekkert farið að koma undir Spólu, vona bara að hún kasti ekki fyrr en í byrjun maí eða bíði allavega þangað til vorar dálítið meira. 

7. apríl 2007

Í dag eru 15 ár síðan hann Kiddi afi dó,
er nú ekki viss um að hann hafi samt farið neitt....ekki langt allavega

       Er nú eitthvað að skríða saman enda ekki seinna vænna þar sem ég verð að vera spræk á morgun svo ég geti nú étið páskaeggið mitt hehe

       Fékk hringingu frá Selfossi í morgun þar sem mér var sagt að það væri búið að opna nýju sundlaugina á Borg, og það hefði verið víxla á miðvikudaginn síðasta, var nú ekki tilbúin að trúa þessu, kýkti á heimasíðu hreppsins og ekki orð um víxlu á sundlaug sem mér finnst nú að ætti að vera heilmikil hátíð,  skoðaði svo aftur allann blaðabunkann sem hefur komið, og hvergi dreifibréf frá hreppnum,  maður hefur jú vanist því að hreppurinn bjóði íbúum sveitafélagssins í víxlur  t.d  þegar skólinn var vígður.   Taldi nú víst að það hliti þá allavega að hafa verið sent dreifibréf um að það væri búið að opna sundlaugina, en nei ó nei ekki stafur, finnst þetta nú frekar skrítið en kannski ekki það er jú nýr meirihluti í sveitastjórn og sjálfsagt hafa þeir auglýst þetta á Sólheimum, enda þeirra helsti stuðningur þar.  Er nú frekar sár verð ég að segja, en get nú ekki sagt að ég sé hissa......frétti reyndar að K-listinn hefði líklega verið með prívat víxlu, því fulltrúar C listans í hreppsnefnd voru ekki einusinni með í ráðum. 
               Mér er nú bara spurn:  Hver kaus þetta yfir okkur???

       Skrifaði þetta um prívatsundlaugina í morgun, frétti svo um miðjann dag af fólki sem ætlaði í þessa fínu sundlaug lenti bara í því að sundlaugin var lokuð vegna bilunnar í hitaveitu, og erum við hissa? nei held ekki en veit svosem ekki hvort það fréttist að það var hópur úr Miðengi á leið í þessa prívatsundlaug og laugin þessvegna lokuð eða hvort þetta var kannski bara bilað,  eða kannski þar sem ég var svo fúl yfir framkomu meirihluta sveitarstjórnar varðandi þessa prívatopnun, að vinir mínir að handan hafi kannski bara viljað gleðja mig smá, og verð nú bara að segja að það tóks bara vel.

        Annars er bara farið að fækka heilmikið í fjósinu, eigum bara eftir að selja nokkrar kýr, þurfum nú eiginlega að losana við þær í síðasta lagi á mánudaginn því annars verður allt of lítil mjólk í tanknum og ekki gengur það.

       Hér var farið í skírdagsreið á skírdag eins og vant er, allir komnir heim um hálfsjö held ég bara, tókst svona ljómandi vel, Dóri var yngstur í ferðinni, og var alsæll þegar hann kom heim.  Um kvöldið fór svo rafmagnið af þetta er í annað sinn á stuttum tíma sem rafmagnið fer að á stóru svæði hér, og í þódálítinn tíma, nærri klukkutíma held ég.  Maður þekkti þetta sem krakki að þetta gæti gerst, en hélt að núna ætti þetta bara ekki að koma fyrir en svona er þetta.

       Féð var svo rúið hér 4 apríl, og gekk svona þokkalega held ég..

3. apríl 2007

Gunni Har á afmæli í dag,
72 ára kom okkur saman um til hamingju með daginn Gunni minn.

     Fór í mænustungu í gær, gekk rosavel og þetta er bara ekkert mál, en aukaverkanir sem eru hausverkur er að plaga mig þannig að ef ég ligg útaf þá er ég góð annars frekar slæm, hef bara varla kýkt á netið hvað þá meira.  En er semsagt á lífi og uppfæri þegar ég skána í hausnum.

31. mars 2007

        Ýmsar fréttir úr Miðengi núna, en sú ákvörðun hefur verið tekin að hætta með kýrnar,,,,það er nú bara þannig, fréttir reyndar að sú saga væri komin á kreik hér í sveit að það væri útaf veikinum í Miðengi, nú ég veit ekki til að neinn sé veikur hér, þó ég sé hálfgerður auli þessa dagana,  en auðvitað er skýringin sú að Bensi og Bjössi sáu ekki fram á að komast í skírdagsreiðtúrinn,  sem er jú árlegur hér í sveit og ef kýrnar eru farnar þá geta þeir leift sér að hafa þetta eins og það var í denn en þá tók það jafnvel marga daga að komast heim úr þessum reiðtúrum, en það er svosem ekki lengur þannig menn komnir heim fyrir myrkur og allt í rólegheitum.  En sagan er skemmtilegri svona. 

       Í staðinn fyrir að vera með mjólkurkýr þá datt okkur í hug að vera með kvíguhótel það er að taka kvígur í uppeldi og skila þeim rétt óbornum en það er ætti að geta gengið það allavega virkar í útlöndum en hefur ekki verið reynt hér en eitthver verður að vera fyrstur.  Þetta er hugmynd sem við vinkonurnar vorum með í kollinum þegar við vorum á Hvanneyri, áttum að vinna eitthvað verkefni og fengum þessa hugmynd, líklega af því að við vorum ekki með of mikið pláss sjálfar fyrir kvíguuppeldið, en það voru ég, Hildur á Spóastöðum og Sigríur á Fossi sem vorum að velta þessu fyrir okkur.  En hugmyndin er góð svo er bara spurning hvort menn tíma að borga fyrir fóðrun á kvígunum sínum eða hvort menn henda þeim bara út yfir veturinn en mér skilst að það sé til.

29. mars 2007

        Letidagur í dag,  held að það fari bara að koma vor, allaveg ef maður kýkir út um gluggann.  Mamma kom hér í dag og skúraði yfir gólfin fyrir mig, meiri auminginn sem maður er orðinn. 

       Eitthvað vesen á tengdamömmu eða þannig blóðþrýstingurinn upp úr öllu valdi, ekki gott að eiga við það, nema kannsi að hafa aðeins minni áhyggjur af engu hehe gæti það verið málið?

       Krakkarnir koma svo heim í páskafrí í dag, mikið verður það nú gaman, en á móti kemur að þá þarf ég kannsi að fara að elda meira en Dóri gæti nú hjálpað mér með það en Sigga verður að vinna í páskafríinu allavega eitthvað.

28. mars 2007

         Fórum í Austurkot í morgun að skoða Lísu, ég var nú bara nokkuð kát með það sem ég sá, nú er bara að sjá hvað hálfur mánuður í viðbót segir hvort við sjáum fram á að hægt verði að koma henni í góðann dóm í vor.  Tókum Litbrá með svona í prufu, og gott ef ekki væri hægt að koma henni í dóm líka svona ef vel gengur á næstunni.

    Árshátið hjá Dóra í dag, en því miður gátum við ekki mætt þar sem við áttum miða á Cliff Richard tónleikana.  Tónleikarnir voru rosa skemmtilegir en ég er nú varla manneskja til að standa svona upp á endann svona lengi.  Þetta var nú eiginlega Siggu hugmynd upphaflega að fara en við fórum sex saman, ég, Bjössi, Sigga, mamma, pabbi og svo dreif Þóra sig með okkur, rosa stuð.

    Í næstu viku fer ég svo á dagdeild í taugaeitthvað og verð þar hálfann dag en ég á að fara í eitthverja rannsókn þar á meðal mænustungu.  Það verður allavega ansi gott að klára þetta fyrir páska þó svo að engar niðurstöður fáist svosem, en gott að klára þennann hluta af rannsókninni.

27. mars 2007

      Búin að vera á dálitlum þeytingi í dag, skutlast þetta og hitt það er svosem ekkert stórmál, fór svo í bæinn í kvöld á aðalfund díf, Bjössi og Sverrir drifu sig með mér en mér tóks að sannfæra þá um að það yrði svo leiðinlegt veður að mér væri ekki hleypandi einni og líka það að ef það væri svona vont veður þá færu þeir ekkert á hestbak. Svo er bara þetta fína veður.  Fundurinn gekk bara ljómandi vel og flestir sáttir held ég bara.

    Sá í morgun þegar ég skutlaði Siggu í skólann að það er komið vor í Engjavegsmenn, en Grjóni er kominn með mótorhjólið á engjó, það var auðvitað allt á kafi í snjó í morgun og líklega hefur hann fengið eitthvern bílinn sem stóð í hlaðinu til þess að komast í vinnuna en núna er svo komið vor aftur.

     Klautarhólahundurinn sá eldri, strauk undir kvöld, setti hann í hundagriðinguna þá sem Jóhannes lofaði mér að hundurinn næði ekki að stökkva fyrir, en viti menn hundurinn fór nú samt, þetta er nærri tveggja metra há girðing og steyptir sökklar þannig að hann fór ekki undir enda svosem engin ummerki um að hann hafi almennt komsti út nema fljúgandi.  Talaði við Óla í Vaðnesi en hann sér um að gefa fénu á Klausturhólum, hann kom svo með hundinn aftur í kvöld en sá gamli sat víst bara við útidyrnar alveg hissa á að honum skildi ekki vera hleypt inn.

26. mars 2007

      Skutlaði Siggu í skólann í morgun og snérist smá á Selfossi.

       Hreinn og Kolla kýktu svo í kaffi hér eftir hádegi, allt gott að frétta af þeim.  Bara vorblíða úti svona inn á milli allt hvítt í morgun, vor um miðjann dag og aftur allt hvítt undir kvöld.

     Það fæddist einn kvígukálfur í fjósinu í morgun og seinnipartinn var hringt í Gunnlaug til að draga annann kálf úr annari kú, sá kálfur var dauður en kusa bara spræk.

     Bjössi, Jonni og Sverrir fóru svo í Ölflushöllina í kvöld á námskeið með merarnar sínar og mína auðvitað en það stendur jafnvel til að koma þessum hryssum í kynbótadóm í vor ef allt gengur.

       Helga og Jóhannes í Klausturhólum komu svo í kvöld með tvo hunda í pössun en fjölskyldan skellti sér á Kanarý.

25. mars 2007

      Alveg þokkalegt veður fyrripartinn svo Miðengismenn ákváðu að skella sér á hestbak eftir hádegið, og það var bara enginn smávegis rigning, veðrið lagaðist nú aftur seinnipartinn þegar allir voru búnir á hestbaki, en svona getur þetta verið.

24. mars 2007

       Rok og rigning fyrripart dags, mamma og pabbi kýktu við, nú og Ingþór og Hulda kýktu líka í smá kaffi.  Selma kom í morgun, en það er komið að því að endurnýja ökuskirteinið hans Guðna Reynis og ekki má það nú gleymast.  

     Erpur fór svo í Ölfushöllina, gekk víst ágætlega en ég var eitthvað löt og fór ekki, skildist að það sem hefði háð klárnum helst var að hann er víst ansi feitur og nennti þessu bara ekki.

      Sigga fór svo á ball með krökkunum hér í sveitinni, er nú dálítið smeik um að hún hafi aldrei farið á balli blessunin en það verður jú kannað vel og vandlega, er nú ekki að borga á ball sem er svo ekki farið á....er frekar fúl.

23. mars 2007

       Ýmislegt sem er verið að spá í þessa dagana, en það skýrist vonandi á næstu dögum.  Höddi og Magga komu svo seinnipartinn og Dóri skelltum lambalærum í ofninn, Sigga var meira að segja heima, og held bara að henni hafi líkað lambakjötið.  Annars lítið um að vera, folasýningin er annað kvöld og ekki spennandi veðurspá, vonandi verð ég þokkalega spræk og dríf mig á sýninguna en þetta getur nú dregist ansi lengi en sjáum til.

22. mars 2007

     Fór á Selfoss í morgun, var að spá í að reyna að græja eða láta græja eitthvað á Engjó í sambandi við sjónvarpið, alveg undarlegt að þegar sjónvarpið hennar Siggu var tekið þá virtust allar samtengingar á loftnetssnúrunum hverfa líka,  jafnvel uppi á þaki, og auðvitað kannast enginn við neitt, en ég segi nú bara eins og Einar Bárðar,,,, næst verður þetta lögreglumál.

     Bíllinn var ekki alveg orðinn góður fannst mér, ekki viljugur að fara uppfyrir 80 þrátt fyrir að Bjössi væri búinn að skipta um olíusíu, fannst ég líka alltaf heyra eitthver blásturhljóð þrátt fyrir að það væri slökkt á miðstöðinni.  Nú ég kom við hjá Jonna og viti menn þegar vélin var sett í bílinn á sínum tíma var greinilega eitthvað ekki nógu vel hert, þannig að það var ein slaga alveg dottin af og önnur laust og ég held bara að túrbínan hafi bara ekkert virkað, allavega virtist Jonni geta lagað þetta með skrúfjárni, og gamli góði Patrol farinn að lauma sér í 110+ alveg óbeðinn.

      Í hádeginu hringdi svo taugalæknirinn, hann var semsagt búin að skoða myndirnar sem ég var svo spennt að fá að vita hvað honum finndist um, honum fannst nú ýmislegt vera öðruvísi en hann vildi hafa það, og allt of miklar breytingar sem mér finnst nú skrítið, því þetta eru einu myndirnar sem hafa verið teknar þannig að það getur ekki verið breyting, en kannski miðaði hann bara við það sem eðlilegt telst.  Hann vill semsagt senda mig í fleiri rannsóknir, til að byrja með á ég víst að horfa á eitthverskonar sjónvarp, þar sem ferningar eru á ferðu um allt, satt nú helst í hug Svampur Sveinsson, hann er í sjónvarpinu og alltaf á ferðinni og líka uppáhaldsþátturinn minn, þannig að ég verð góð í þessu.  Hin rannsóknin er ekki eins spennandi finnst mér en það er mænustunga, kvíð henni svosem ekki en hef heyrt að henni fylgji hausverkur sem mér finnst nú ekki spennandi, nú svo er bara að sjá hvað kemur út úr þessu og hvert framhaldið verður.

      Fór svo í bæinn með Guðna Reyni til ofnæmislæknisins, það gekk ljómandi vel engar breytingar frá því í fyrra, þannig að hann er bara í góðum málum.  Var nú dálítið uppgefin þegar ég kom heim um kaffileitið.

      Bjössi og Jonni fóru svo að ná í folana í Neðra Sel, held að þeir hafi nú bara verði ansi kátir með þá, sjálf er ég hætt við að fara með Hæring í Ölfushöllina má nú ekki skyggja á þá bræður  en þeir ætla að fara með Erp hehe

20. mars 2007

        Rok og rigning í dag alls ekki búið að vera skemmtilegt veður.  Voði gamli sagði mér í gærkvöldi og reyndar í dag líka að nú væri Ýla hálóða, en ég paraði hana á föstudaginn sem var dagur 12, ætlaði að láta það duga en fyrst Voði var svona viss, þá beið ég eftir betra veðri og fór með Ýlu í bæinn í kvöld, Voði klikkar nú ekki og Orri var nú ekki lengi að klára dæmið.  Held að Voði eigi nú eftir að fá hjartaáfall þegar eitthvert lóðatímabilið er í hámarki, þessi ræfill bara grætur.  Bíllinn minn var eitthvað að stríða mér á leiðinni í bæinn, var skárri á leiðinni austur en hikstaði nú slatta niður kambana held kannski að honum mislíki olían sem er hér úti í taki, vilji bara olíu á Selfossi eða eitthvað en þetta er nú samt frekar lélegt af honum, var alveg ákveðin í að selja hann sem er nú dálítið skondið því ég var nýbúin að halda ræðu yfir Engjavegs Orra um hversu ánægð ég væri með bílinn og færi nú ekki að fá mér Cruser 120 eða eitthvað sem hann var að hæla, spurning um að fá sér bara sportbíl og fara bara ekki af bæ nema á sumrin...

     Afrekaði svo að skila skattaskýslu fyrir Guðna Reyni og Siggu í morgun, nú þeir sem til þekkja vita að þetta er ekkert smá afrek.

19. mars 2007

Guðni Reynir 18 ára í dag, til hamingju með daginn orðinn fullorðinn!!

         Fór í bæinn í dag búinn að bíða í 6 vikur eftir þessum tíma hjá taugalækninum,  og viti menn, það hafið eitthvernveginn alveg farið framhjá honum að það átti að hafa komið bréf frá hne lækninum og myndir og alles þannig að hann vissi bara ekkert um hvað málið snérist og ég sem var að vona að hann væri búinn að skoða myndirnar og gæti gefið mér eitthver svör, en hvað um að það munar varla að bíða eina viku enn en vonandi tæplega það, fæ því vonandi hringingu í vikunni og eitthver svör, annars á ég bara að mæta í byrjun júní hehe, gott að það er ekki margt sem raskar ró minni verð ég bara að segja.

18. mars 2007

      Ansi mikið leiðinlegt veður í dag, tengdó fóru í bæinn í morgun og voru bara heppin held ég náðu að komst í nokkuð björtu, hér var svo bylur í allann dag, en kom smá glæta undir kvöld og þá var tækifærið notað og Sigga fór í Hveró, enda búin að vera heima alla helgina hehe.  Ætluðum í bæinn í kvöld en hættum við það vegna veðurs, fer svo suður á morgun en á þá loksins langþráðann tíma hjá taugalækninum, spennandi að vita hvort ég verð á vetur setjandi en úr þessu hítur það að sleppa enda að koma vor eheh eins og sjá má þegar maður lítur út um gluggann.

17. mars 2007

        Fór aftur í bæinn í dag, Guðni Reynir og Sigga voru að fara í afmæli hjá Chelsea klúbbnum og við tókum Sævar Inga með en hann var að fara að keppa í Júdó, aldrei spáð mikið í þessa íþrótt en settist nú niður og horfði á, og viti menn þetta var nú bara glettilega gaman, sá jafnvel fyrir mér að þetta er eitthvað sem Dóri ætti að skella sér í, endalaus orka til að hnoðast og það sem stendur uppúr, dómararnir létu menn girða sig eða laga búningana bæði áður en þeir byrjuðu og eins áður en þeir gengu af velli, fafnvel kom fyrir að menn voru látnir laga sig í miðjum leik.  Sævar Ingi kom svo heim með 2 brons, eitt silfur sem var fyrir sveitakeppni, en auðvitað átti hann að fá gull þar því hann var örugglega eini sveitamaðurinn......og svo fékk hann bronsin fyrir misjafna aldursflokka en hann keppti uppfyrir sig.  Semsagt rosagaman.  Guðni Reynir og Sigga voru bara nokkuð sátti við Chelsea daginn, enda vann liðið líka í tilefni dagsins.

16. mars 2007

    Það er ýmislegt sem maður kemst að með því að fylgjast með msn-i barnanna en ung dama hér í sveit heitir núna á msn ,,mamma og pabbi loksins búin að giftast"........

   Fór í bæinn í dag með Ýlu til að hitta Orra, það gekk bara svona ljómadi vel að para, veit ekki hvort ég nenni að fara með tíkina aftur í bæinn en sé til, þarf svosem að fara á morgun, sunnudag og aftur á mánudaginn þannig að það er bara spurning um að taka tíkina með.  En samkvæmt þessu þá er von á hvolpum 18 maí sem er nú ekki slæmur dagur, margar merkilegar konur sem eiga afmæli þann daginn, Sigga mín, Hulda og Silla....

15. mars 2007

Kristín á afmæli í dag til hamingju með daginn

   Var að spá í að fara með Ýlu suður í dag og para en held að ég fari frekar á morgun, það ætti alveg að duga.  Annars bara allt orðið hvítt, búið að snjóa góðann slatta.

13. mars 2007

      Búin að vera á dálitlum þeytingi í dag, fór á Selfoss með Ýlu í dýralæknisskoðun, hún fékk fulla skoðun eða þannig er reyndar með smá tannstein.  Annars svosem ekkert að frétta, sé fram á að para Ýlu um helgina, þannig að það koma hvolpar þegar Sigga á afmæli reikna ég með. 

      Sigga komin heim og nú til að vera heima held ég bara enda svosem ekki annað í boði. 

      Mamma kom svo í dag að snúast í kringum mig hehe svona getur þetta verið.

     Sá á Úrvalshestasíðunni mynd af Hæring töffara ekki leiðinlegt það.

12. mars 2007

     Sigga veik í dag með ælupest vona bara að hún verði skárri á morgun.

     Fór svo í Laugarás í nýja blóðprufu og á víst að fara í eitthverja skoðun á Selfoss líka.

     Fórum svo með Hildi í sónar eða fylskoðun en hún var sónuð tóm í haust, reynt að temja hana dálítið og ekkert bólar á tölti og frekar slakur vilji.  Ætluðum svo að láta byggingardæma hana og fengum þann byggingardóm að hún væri fylfull, glöggt er gestsaugað því það þurfti ekki einusinni að sóna það var bara spriklandi folald í merinni.  Fór líka með Ýlu en ætlaði að fá vottorð um að það mætti para hana þó hún væri orðin 7 ára en hún varð 7 ára í haust, en það var svo löng biðröð í hundaskoðaskoðun að ég fór bara með hana aftur heim, reyni aftur á morgun þegar við erum ekki með hross að bíða á kerrunni.

11. mars 2007

11. mars segir mér að það sé afmæli í Keflavík í dag og gott ef það er ekki Dóra sem á afmæli, minnir það og Bubbi þá nýbúinn að eiga afmæli, vona að þetta sé nokkuð rétt hjá mér. Til hamingju með dagana, bæði tvö.

           Hér var folaldasýning í gær og eins gátu menn mætt með fola eða hryssur í byggingardóm, þetta tókst svona ljómandi vel, og allir ofsalega ánægðir heyrðist mér.  Svanhildur Hall og Maggi Lár sáu um dómana og verð ég að segja að þetta var alveg frábærlega vel fram sett hjá þeim og skemmtilegt.

       Hæringur og Erpur graðhestaefnin hér á bæ voru sko keyrðir austur á Neðra Sel í svona einskonar frumtamningu, tveggja vikna prógram, þannig að þeir verða væntanlega klárir í slanginn næsta haust og væntanlega hægt að teyma þá í hendi hehe en það er nú ekki verra ef það á að fara með þá á folasýningu og eins í hryssur í sumar.

       Sigga svo búin að vera vinna alla helgina en vonir standa til að nú fari hún að flytja heim, en okkur finnst nú alveg kominn tími á það, en sjáum hvernig það gengur.

8. mars 2007

       Allt gott að frétta í dag, ég held bara að ég sé að verða góð af flensunni enda kominn tími til, mamma kom hér í dag að hjálpa mér og skúraði yfir gólfin, takk fyrir það.

      Búin að finna fleiri skýringar á þessu með B12 skortinn, ég gæti líka verið að þjálfa full mikið..finnst það mjög líklega en komst líka að því að það er hugsanlega skýringin á þessari endlausu þreyti, mikið væri nú gaman ef ein sprauta í rassinn dugar til að vekja mig af þessum þyrnirósarsvefni.

7. mars 2007

         Búin að vera ansi spræk í dag, fór í hesthúsið að skoða Hæring, allt annað að sjá hann eftir að hann var járnaður, ekkert sárfættur og voða fínn.  Kýkti líka á Tintron, hann er nú ansi úfinn eins og hin folöldin svosem.  Bjössi og strákarnir fóru svo á hestbak, sá Litbrá hjá Bjössa hún er nú bara ansi fín finnst mér, og ég orðin dálítið spennt að sjá hvernig hún stigast í byggingardóm á laugardaginn.

       Búin að fá niðurstöðu úr blóðprufu sem ég fór í um daginn, allt voða fínt eina sem var út úr kortinu var B12 sem er eitthvert vítamín sem er alltof lágt, fór að skoða á netinu af hverju þetta gæti nú verið, og það sem helst gæti orsakað þetta er annaðhvort það að ég er grænmetisæta sem hef ekki étið kjöt í mörg ár.......kannast nú ekki alveg við það hehe eða áfengissýki...það er kannski málið, hlaut að komast upp um mig fyrir rest, en niðurstaðan er semsagt ný blóðprufa því þetta getur nú bara varla staðist.

6. mars 2007

      Fór með Siggu í Laugarás í morgun, en hún er búin að vera slæm í maganum, stress er nú líklegasta skýringin, erfitt að vera unglingur í dag.

       Nú svo er hún Ýla byrjuð að lóða loksins þannig að ég stefni á að fara með hana að heimsækja Kersins Orra.

5. mars 2007

      Aðalega búin að vera að snúast í kringum Siggu í dag, hún er búin að vera svo slæm í maganum, nú og svo þurfti hún að hitta Freydísi og ég skutlaði henni þangað,  sagði henni að það væri líklega best að senda þær tvær í sumarbústað, þar sem enginn vissi af þeim símalausar og alles,,,þær hefðu báðar mikið gott af því held ég.

  Bjössi, Jonni og Sverrir fóru svo á reiðnámskeið í Ölfushöllinni með merarnar sínar en nú á semsagt að sjá hvort eitthvað af þessum merum verða sýningarhæfar í vor en sjálfsagt er nú dálítil vinna eftir svo það gangi upp en sjáum til og eins hvort þær fá byggingardóm af viti næstu helgi.

4. mars 2007

      Við Sigga vorum komnar um átta leitið í bæinn með hundana.  Kersins Linda byrjaði  í hvolpaflokk yngri og lenti í 4. sæti og fékk heiðursverðlaun, rosa gaman að sjá hana, svona lang minnst enda lang yngst en hún stóð sig rosalega vel litla stráið, nú svo varð pabbi hennar hann Eldhamars Freyr besti hundur tegundar, og Kersins Orri í öðru sæti rosa flott.  Það hljóta að koma inn myndir á morgun. 

        Nú þá var það Týra litla sem var í eldri hvolpar en þar voru bara tvær tíkur en Týra fékk fyrsta sætið rosa ánægð með það. 

            Þá var komið að Kersins Tíbrá Töfradís,  var uppi á áhorfendabekkjum og sá hana næstum rúlla inná, en hún er svo feit, jæja hvað um það varð alveg hissa hún fékk samt fyrstu einkunn, og ekki nóg með það fékk fyrsta sætið líka í unghundaflokk, nú Sunnusteins Sunna Rögg fékk annað sætið en hún er jú undan Kersins Kötlu og í þriðja sæti lenti Kersins Frigg, þannig að ég var nú bara rosalega sátt við þetta og allar fengur þær framhald upp í opinn flokk.  Í opna flokknum fékk Tíbrá svo þriðja sætið þannig að það verður spennandi að sjá hvað hún getur ef hægt verður að skafa af henni spikið. 

           Nú svo var það Morastaða Gutti sem var baðaður og ég veit ekki hvað og hvað í gær, hann er jú svo krullaður á bakinu, nú hann var semsagt orðinn rosa fínn í gærkvöldi en í morgun var bara eins og ég hefði farið með krullujárnið á hann, og svo er hann allur að fara úr hárum, hefur varla étið í viku þar sem tíkurnar eru að lóða en hvað um það hann fékk aðra einkunn og átti það svosem alveg skilið, þótti þröngur að framan og allt of stór, en það er svosem eitthvað sem ég hefði líklega ekki getað lagað en kannski ég hefði getað reynt að slétta á honum krullurnar í morgun, en gerði það ekki en það flokkast víst undir metnaðarleysi mitt.  En er nú ekki að velta mér uppúr því.

     Var semsagt komin heim um háldegi, alveg uppgefin eftir flensuna, held að ég hafi sofið fram eftir degi rétt varð vör við að mamma og pabbi kýktu við og eins tengdó, nú svo um kvöldið var stefnan tekin aftur í bæinn en ég Guðni Reynir og Sigga fórum á skyggnilýsingu hjá Sálarrannsóknarfélaginu, hef aldrei farið á svona áður og fannst þetta bara gaman og er ýmsu nær, t.d að þegar ég drepst verður líkast til Doppa Dóra sú fyrsta sem ég hitti hehe

3. mars 2007

      Búin að vera með eitthvern flensuskít, en sé nú fram á að lifa þetta af, enda hundasýning á morgun.  Linda kom í dag og baðaði allt sem baða þurfti, blés og gerði og græjaði, þetta er nú ekki mín deild að pússa hundana en fyrst Linda ætlar að sýna þá vill hún eðlilega hafa þá fína, rosa spennandi að sjá hvernig þetta fer, Tíbrá orðin svo feit að hún fær örugglega aðra einkunn eða þaðan af verra, skil ekki hvernig hún fer að því að fitna svona því hún er ekki að komast í fóður í fjósinu eða neitt....

28. feb 2007

    Búin að vera veik í dag, kvef og hitavella, á auðvitað óskaplega bágt, Dóri er líka búinn að vera veikur en held nú að hann verði skólafær á morgun.

27. feb 2007

    Fór í Laugarás í morgun, teknar úr mér allskonar prufur,hver veit nema ég sé bara lág í járni eða blóðlaus eða eitthvað einfalt.

   Snerist svo aðeins á Selfossi en þurfti að sækja um afsáttarkort og græja sjónvarpsmálin á Engjó fyrir GR.

26. feb 2007

     Lítið um að vera í dag, fór samt á Selfoss þurfti að versla smá en Sigga hafið vit á það koma með mér í Bónus því hún þurfti að versla helling hehe gott að geta farið og verslað og látið mömmu borga.  Svo ætlaði hún að elda kvöldmat held bara að það hafi gengið vel

      Við Guðni Reynir fórum svo á aðalfunda sauðfjárræktarfélagsins Barms, þetta var bara ansi vel sóttur fundur og fróðlegur fannst mér.

25. feb 2007

        Ansi kalt í dag en samt gott gluggaveður, fór í hesthúsið að kýkja á fölöldin, held að flest séu nú bara alveg sýningarhæf bara spurning hvort maður ætti að raka þau, og þegar ég segi maður á ég kannski ekki við mig sjálfa, það er nú þannig að þegar mér dettur eitthvað svona í hug þá er það nú venjulega og reynda alltaf eitthver annar sem þarf að vinna verkið, en sjáum til hvort þetta er málið eða hvað.  Strákarnir létu líka graðhestana hlaupa smá en ansi eru þeir sárfættir og Hæringur enn sárfættari en Erpur en samt sá maður að Erpur er líka sárfættur.  Ætli það þurfi ekki að negla undir þá fljótlega og svo að græja þetta betur fyrir folasýninguna ef þeir ætla að mæta á hana.

     Og Orri orðinn pabbi, Kersins Orri semsagt, komu 5 strákar. Til hamingju með það og rosalega finnst mér þeir fallegir verð ég að segja, en hef nú bara séð eina mynd en gerðarlegir hvolpar. Sjá á síðunni hans Orra.  Og sjáið þessa liti, aldeilis gaman að fá svona koparrauðann lit, spennandi að sjá hvernig þeir verða.

24. feb 2007

          Mikið að gerast í dag, fór í morgun á HSK þing, en það var austur í Holtum, var fram yfir háldegi en þar sem stefnan var að fara með matarklúbbnum á Ladda um kvöldið þá gat ég ekki verið allann daginn enda held ég að það hafi ekkert gert til.  Fórum semsagt í bæinn, kýktum á Sögusafnið sem er í Perlunni, ansi skemmtilegt bara, nú þá var stefnan tekin á Kringluna og þar hittum við hluta af fólkinu sem var að fara með okkur en hópurinn var 41.   Verð nú að segja að Laddi var bara frábær, rosagaman enda ekki við öðru að búast, semsagt vel lukkuð ferð í alla staði held ég bara, er nú samt ekki viss um að ég hafi hitt allt fólkið sem var með okkur en flesta.

23. feb 2007

Oddbergur frændi þrítugur í dag, alltaf viku á eftir Stjána,
 til hamingju með daginn frændi.

        Það stendur til að hafa folaldasýningu hér hjá Hrossaræktardeildinni, sýningin verður haldin hér heima í Miðengi og á að vera 10 mars, þetta verður örugglega rosalega skemmtilegur dagur og nú er bara að vona að veðrið verði gott.  Þetta verður væntanlega auglýst eftir nánar eftir helgi.

       Erum að fara á Ladda annað kvöld, það endaði með því að hópurinn varð 41, enginn smá fjöldi það.

      Tveir kálfar fæddust hér í morgun báðir lifandi.

      Sigga mín er nú bara snillingur, hún hafði greinilega lesið heimasíðuna í gær um kvíguna sem átti dauða kálfinn og varð gleiðsa, hún vissi auðvitað ekkert hvað gleiðsa er en fyrir þá sem það vita ekki er það þegar afturfæturnir á kusu renna það mikið í sundur að það rifnar eitthvað, mismikið auðvitað og tekur mislangann tíma að gróa eða þannig.  Semsagt Sigga las þetta þannig að kvígan hafi orðið gleiðsa, og skildi það þannig að kvígan hafi orðið svo leið yfir því að hafa átt dauðann kálf og lagðist því bara í þunglyndi og neitaði að standa upp, þannig var nú það.  En af kvígunni er það að frétta að það fannst net sem var sett utanum hana og svo var hún hífð upp í traktórnum, þannig að þetta lítur ekkert illa út, hefur semsagt lífslvilja þrátt fyrir þunglyndið svo líkast til verður þetta í lagi.

22. feb 2007

      Guðni Reynir ákvað að vera heima í dag og hjálpa pabba sínum í búskapnum, það bar kvíga í gær , átti dauðann kálf og varð líkast til gleiðsa, og stóð ekki upp, Gunnlaugur setti í hana sitt lítið af hverju svona allavega til að vita hvort hún vildi á lappir en núna í kvöld er hún ekki enn farin að standa upp.  Nú svo lítur út fyrir að það séu að fara að bera fleiri kvígur og jafnvel bara í nótt, mikið um að vera. Bensi og Kristín komu svo heim seinnipartinn þannig að nú fer þetta allt að ganga sinn vanagang eða þannig.

      Er nú farin að bíða eftir að það komi hvolpar hjá Guðna og Önnu, en Orri minn er að verða pabbi bara á næstu dögum held ég orðin rosa spennt, og ég er að tala um Kersins Orra ekki þann á Engjó...allavega ekki frétt af fjölgun hjá honum, en ég svosem veit ekki allt eða hvað...

21. feb 2007

Magga á afmæli í dag til hamingju með daginn Magga okkar!!

        Var frekar slæm í hausnum í morgun, sem var nú ekki gott því til stóð að fara austur í Vík að heimsækja bændurnar í Þórisholti, en við erum í svokölluðum sms hóp með bændunum þar ásamt fleirum.  Var ansi spæld að sjá fram á að komast ekki og Bjössi hefði ekki komist heldur þar sem Bensi og Kristín eru erlendis, en hvað um það við vorum svo rosalega heppin að þessu var frestað vegna veðurs. Þannig að þegar þessi fundur verður þá komumst við örugglega.

    Annars bara rok í dag, síðasti dagurinn sem Dóri er í fríi, hann er nú búinn að vera rosalega duglegur að vakna á morgnana og fara út að vinna eða leika sér, er eiginlega alveg hissa á því.

20. feb 2007

      Var aldeilis dugleg í morgun, fór á Selfoss, bæði í bankann og Árvikjann, fór svo í bæinn að sækja hundafóður, og var komin heim um hádegi aftur, bara ansi seig fannst mér.

    Sá að folasýningin í Ölfushöllinni verður víst 24 mars þannig að ég þarf að hafa upp á ,,Folunum" þrem sem eiga að sýna folana tvo, komst að því að sá sem ætlaði að stinga af til Svíþjóðar er enn heima svo hann sleppur ekki, fer að vinna í þessu fljótlega held ég, en það stóða reyndar til að fara í hina árlega menningarferð (sem ekki var farið í í fyrra) þessa helgi en sjáum hvernig þetta fer.

19. feb 2007

      Jæja þá fer bara alveg að styttast í það að vorið komin, það hlítur allavega að vera.  Merarnar sem fóru út í dag komnar þangað sem þær áttu að fara held að það hafi bara gengið vel. 

     Sigga hringdi í morgun og á leið í ökuskólann númer 2 ekki seinna en í dag en ég hélt að hún færi ekki fyrr en eftir mánuð, svo það varð að koma til hennar lausum aur svo hún gæti nú borgað ökuskólann, við varla komin heim aftur þegar Sigga tilkynnti að hún ætlaði ekki fyrr en í mars hehe..bara snilld hjá henni reyndar var hún nú eitthvað slæm í hausnum í dag svo henni er nú fyrirgefið enda liggur henni ekkert á að fara í ökuskólann því það er ekki von í bílpróf fyrr en í maí, en reyndar er maí nú alveg að fara að koma og þá eigum við Sigga líka afmæli.

18. feb 2007

          Rosa misjafnt veður í dag, rok og rigning en gott á milli, annars lítið um að vera, Bjössi fór samt eitthvað á hestbak.  Sigga að vinna í dag og strákarnir heim.

17. feb 2007

       Æðislegt vorverður eiginlega í dag, fór í hesthúsið að skoða og sá að graðhestarnir þeir Erpur og Hæringur eru eiginlega alveg farnir úr hárum rosa fínir enda eru þeir víst eitthvað dekraðir hef ég grun um.  Kýkti svo í fósið en þar fann ég einn kálf glænýfæddann, þetta reyndist vera kvíga svona ansi falleg, rauðskjöldótt og ansi mikið hvít.

       Nú hér er svo að ganga leiðindartími í garð en það eru þrjár tíkur farnar að lóða, vantar bara að Ýla fara að lóða en er að bíða eftir því, er nú samt fegin að hinar verða væntalega búnar fyrir hundasýninguna en ekki gaman að fara með lóðatíkur á hundasýningu þó svo að maður geri það ef þannig stendur á.

      Sigga að vinna í dag, hefur bara gott af því held ég og sjálfsagt veitir henni ekki af aurnum heldur.

16. feb 2007

       Stjáni frændi í Keflavík á afmæli í dag og kominn í fullorðinna manna tölu orðin þrítugur. Til hamingju með það frændi.

     Annars bara rok og rigning í dag, fór lítið út úr húsi nema rétt til að sækja Siggu í vinnuna ne GR skutlaði henni í vinnu strax eftir skólann.

      Bjössi og Dóri settu Patrolinn inn í skemmu í dag og stendur nú til að þrífa hann dálítið og bóna ekki veitir nú af.

15. feb 2007

       Fór í viðtal í skólanum hans Dóra í dag og ekki að spyrja að því, ,,Herra Fullkominn" ekkert nema þægur og duglegur að vinna sér inn prik eins og þeir sem til hans þekkja vita svosem.

      Tvær hryssur fóru suður í dag en þær eiga að fara út til Danmerkur á mánudaginn, vona bara að sú sem var inni og aðeins skítug sleppi í gegn.  Nú svo er annar klár sem við áttum að fara til Finnlands með sama flugi ekki leiðinlegt það, að losna við fáein hross.

14. feb 2007

Sævar Ingi 16 ára í dag og Voði 10 ára til hamingju með daginn báðir tveir

        Búin að vera ansi löt sýnist mér við að uppfæra en vondi fer ég nú að taka mig á annars bara allt í góðu.

10. feb 2007

         Sigga er í London þessa dagana og miðað við þær fréttir sem ég fæ af henni þá held ég hreinlega að það þurfi að senda gám undir innkaupin hennar...

        Linda og Ásta María (hún heitir það örugglega) komu hér í dag og kenndu Kersins Lindu og henni Týru að ganga í bandi en það stittist víst í hundaýninguna, var nú alveg hissa hvað þetta gekk vel, Týra er nú samt ekki með þetta ,,Kersins gen" upp um allt og út um allt en Linda hefur það gen ótrúlega ólíkar finnst mér.  Nú Gutti og Tíbrá voru smá æfð líka en Tíbrá er örugglega með tvö ,,Kersins gen" það er alveg ótrúlegt hvað henni finnst gaman að vera til, maður verður bara þreyttur að horfa á svona mikið fjör.

     Fór svo með Bjössa í Laugarás í morgun en hann var kominn með eitthverja sýkingu í augun, það lítur nú allt úr fyrir að þetta krem sem hann fékk slái ansi fljótt á þetta því hann var orðinn næstum góður undir kvöld.

    Það eru svo komnir hvolpar undan Kersins Urði hjá henni Sillu á Grísará, þið getið skoðað þá hér undir myndir en held að Silla og co séu að græja nýja síðu sem auðveldara er að uppfæra.

9. feb 2007

         Við Dóri drifum okkur á Selfoss þegar hann kom heim úr skólanum, ætluðum nú aldeilis að gera góð kaup og fara í Krónuna en þar er allt á 20% afslættu þar sem á að loka eftir helgi.  Auðvitað voru næstum allar hillur tómar og allt of mikið af fólki, fórum bara í Bónus að versla það sem á vantaði, gleymdum nú örugglega slatta samt.  Fóru líka á Tattóstofauna á Selfossi en ég var víst búin að lofa Dóra gati í eyrað, allavega sagði hann að ég væri búin að lofa því, og ég trúði honum allavega, hvað um það hann er kominn með gat í eyrað drengurinn og er alsæll, hann heldur svo að hann fái alvöru demant í eyrað hehe sjáum nú til með það.

8. feb 2007

        Fór  í nálastungur um hádegisbilið það gekk ljómandi líka en er svo bara búin að láta fara vel um mig í dag, það er nú aldeilis gott að hafa tvo sófa til að halda sér í þjálfun það er að fara úr einum sófa í annann, því annars yrði ég líklega afvelta bara.

7. feb 2007

        Rosa spræk í morgun rauk í tiltekt og fór svo með hana Skrámu í mjaðmamyndatöku eftir hádegið en þetta gekk bara vel og leit ágætlega út held ég bara.  Var svo komin heim um þrjú leitið og steinsofnaði hehe náið nú samt að vaka eitthvað fraeftir til að horfa á sjónvarpið.

6. feb 2007

        Búið að vera alveg rosa kalt í dag held að það hafi verið um 12 gráður í mínus í morgun, fór bara ekkert af bæ í dag. 

       Það var hringt frá taugalækninum og viti menn ég á að mæta um miðjann mars ...ekkert smá löng bið en það er nú ekki eins og ég sé að drepast svo þetta verður bara að hafa sinn gang.

5. feb 2007

       Er nú eiginlega alveg í vandræðum með hana Tíbrá hún er svo mikil frekja að það er nú bara varla hægt að hafa hana á meðal hunda, þarf alltaf að vera að sína hinum hver er mest og best hehe, og nokkuð viss um að það dugar ekki að láta taka í hana frekar en aðra Íslendinga sem eru svona miklir töffarar.

      Annars bara allt gott, taugalæknirinn hringdi samt í dag og ég er eitthverju nær eða þannig, í fyrsta lagi tekur margar vikur að fá tíma hjá honum og þegar það er komið þá er alveg ómögulegt að segja hvenær ég fæ eitthverja niðurstöðu, gæti tekið marga mánuði en gæti líka tekið nokkra daga, svo það er bara að bíða og sjá.

     Veðrið búið að vera ágætt í dag, allavega gott gluggaveður.

      Er svo loksins búin að setja inn ársfjórðungsskýsluna í sambandi við mjólkina en þetta er í raun staðan eftir allt árið 2006.

4. feb 2007

       Hélt nú eiginlega fyrirlestur yfir Siggu og Samma um það í dag að það yrði nú að passa sig á þessari hálku, og það væri sko ekkert öruggt þó maður væri á fjórhjóladrifnum bíl og á nöglum og alles, maður mætti samt ekki missa sig og halda að maður væri alveg öruggur,,,,og fannst ég bara hafa mikið rétt fyrir mér sér í lagi eftir að hafa séð 4 jeppa úti í móa í gær, maður á semsagt að hafa vit á því að keyra varlega,,hvað um það, veit nú ekki hvort þetta komst inn í hausinn á þeim en skutlaði þeim svo á Selfoss og gekk svona ljómandi vel heim, EN ákvað nú hér í fjósabrekkunni aðeins að gefa bílnum inn var nú samt bara á 30 eða eitthvað, haldið þið ekki að helv... Patrolinn hafi ekki bara snúist hálfhring í brekkunni, fór alveg þversum og má nú bara þakka fyrir að hafa ekki endað niður á túni, en auðvitað gerði ég akkúrat það sem ég átti ekki að gera en það var að stíga á bremsuna þegar bíllinn fór að snúast, veit ekki hvort ég var meira fúl út í bílinn að gera þetta, og það í fjórhjóladrifinu og á nöglum, en þetta var sko bara bílnum að kenna hehe eða hvort ég var meira fúl út í mig fyrir að bremsa en það var jú það sem ég viss alveg upp á mína 10 að ég ætti ekki að gera...en hvað um það komst heim alveg slysalaust og sparkaði smá í bílinn, sem áttu jú alla sök á þessu, því svona gera bílar ekki þegar græna ljósið er,,eða ég hélt það allavega...og vörubílanaglar allann hringinn..

    Annars er Bensi búinn að vera að keyra út haug í allann dag, og búinn með niðurtúnið sýndist mér og traktórinn bilaður held ég bara...en vonandi er það ekki neitt sem tekur langann tíma að koma í lag.

3. feb 2007

         Allt hvítt í morgun, og hætt að rigna sem betur fer. Gunna mætti í dag til þessa að temja þá saman Guðna Reyni og Gutta, þetta lítur bara vel út held ég, báðir tilbúnir í að læra, var nú eiginlega alveg viss um að Gutti væri tilbúin í þetta en stundum ómögulegt að vita með GR hvað hann er að spá en þetta virðist ætla að ganga upp.

       Sigga búin að vera heima í dag og fór á hestbak, Gráni svo fínn hjá henni skildist mér,  en auðvitað er Skjóni og Dóri alltaf flottastir skildist mér á Dóra.

     Fór svo í pizzuvagninn að ná í pizzur út á Borg í kvöld, held að það hljóti að vera ansi mikil hálka því frá Kerinu og að Borg voru 4 jeppar út í móa, einn á toppnum, annar var á leið uppá vörubílspall en greinilega farið veltur og svo tveir út í móa en snéru þó rétt, þeir höfðu víst lent saman.

2. feb 2007

       Ausandi slagveðursrigning í dag og ekki hundi út sigandi og því varð ekkert af smalaæfing í dag en kannski á morgun fer svona eftir veðri aðalega.

      Nú svo væri kannski sterkur leikur að kenna þeim hundum sem ekki kunna, að ganga í bandi en það hefur nú dugað hingað til svona tveimur dögum fyrir sýningu og það er ekki sýning fyrr en í byrjun mars.

1. feb 2007

         Vaknaði við það í morgun að GR var að rukka Dóra um buxurnar sína hehe þannig að buxurnar sem Dóri var að máta í gærkvöldi voru víst buxurnar hans GR sem hann ætlaði að nota í skólann í dag, veit ekki alveg hvernig þetta fór en þeir sem ekki vita það þá er GR að verða 18 ára en Dóri er 12. Hef nú fulla trú á að sá yngri hafi haft betur en er samt ekki alveg viss.

        Á von á að hún Gunna frá Bjarnastöðum ætli að mæta hér í dag og byrja á að temja Gutta fjárhund en það stóð til að byrja á þessu í haust en þetta virðist bara ekki gerast svona alveg sjálfkrafa þannig að ég samdi við Gunnu, verður spennandi að sjá hvernig þetta á eftir að ganga.

       Var nú að vona að þessi taugalæknir mundi nú hafa samband fyrir helgi, ekkert gaman að vera svona í lausu lofti en hann hefur nú morgundaginn, það getur nú varla verið svo flókið að lesa úr þessum myndum, eyrnarlæknirinn var allavega ansi snöggur að því þannig að sérfærðingur á þessu sviði ætti að geta klárað þetta fyrir helgi.

       Fór svo á fundi í skólanum í dag, auðvitað man ég ekkert hvað málið var eiginlega en það er semsagt farið að nota nýja aðferð við að kenna krökkunum að lesa og eins og Dóri sagði þá gengur þetta út á að krakkarnir skilji hvað þeir eru að lesa og að eitthvað sitji eftir.  Held að ég gæti nú alveg nýtt mér þetta, en ansi margt fer nú bara inn um annað eyrað og út um hitt eins og til dæmis hvað þessi lestraraðferð er kölluð.

31. jan 2007

        Kýkti aðeins í hesthúsið í dag, fór til að dásama folana mína en það eru þeir Hæringur sem er bara að verða ansi fallegur blessaður og svo litli bróðir hans hann Tintron, sem er aldeilis að stækka og móvindótti liturinn á honum er allur að skýrast.

       Nú svo fórum við Bjössi út á flugvöll að sækja mömmu og pabba, vélin var lent á undan áætlun og þetta gekk svona ljómandi vel alltsaman, komum heim svona um hálftólf.  Þegar ég ætlaði svo að fara að koma mér í bælið sé ég að Dóri er bara fullklæddur en hann var í náttbuxum rétt áður, ég spurði hann hvað væri í gangi en þá var hann semsagt að gera skólafötin klár og fannst rétt að máta svo hann gæti nú verið viss um að þetta passaði allt saman í fyrramálið, enda orðinn 12 ára og útlitið má nú ekki klikka...

30. jan 2007

         Jæja enn er rok og ringing, eða þannig.  Eyrnarlæknirinn hringdi í morgun, búin að skoða myndirnar sem voru teknar í hausskannanum, hann er kominn með eitthverjar hugmyndir af hverju ég fékk þetta suð í eyrað fyrir jól, ætlar að senda mig og myndirnar aftur til taugalæknisins og sjá hvað hann segir eða hvort þeir eru sammála,  þetta er svosem ekkert sem drepur mig hehe og kannski bara betra að það skildi eitthvað sjást í hausnum á mér hefði nú ekki verið spennandi ef hausinn á mér væri alveg tómur.  Nú er bara að bíða eftir að taugalæknirinn hringi og sjá hvort hann vil sjá mig eða bara henda mér.  Þetta fer að verða spennandi að vita hvað kemur nú út úr þessu, og spennandi að sjá hversu langann tíma það tekur kerfið að finna út úr suði í eyra..... sem er reyndar alveg batnað.

        Fór svo á Selfoss í dag, klára að ganga frá eigendaskiptum á hrossum, held nú samt að ég eigi eftir að ganga frá eigendaksiptum á 4 hrossum í viðbót, hvort sem um kæruleysi er að ræða hjá mér eða ég er svona dugleg að losna við hross skal ég ekki segja um.

       Nú mamma og pabbi koma svo heim annað kvöld, fer upp á flugvöll að sækja þau, fyrst ég fór með þau verð ég að sækja þau aftur, enda svosem ekki mikið mál að keyra í svona veðri á meðan er ekki blindbylur þá er ég sátt.

       Hér gerðist svo ótrúlegur hlutur í kvöld, Dóri tók af borðinu og þurrkaði líka af borðinu alveg óbeðin skil nú bara ekki hvað hljóp í hann en vonandi verður þetta svona framvegis.

29. jan 2007

        Rok og rigning í dag og hundarnir ekkert smá skítugir finnst mér, en þeir verða vonandi orðnir hreinir og fínir í byrjun mars þegar sýningin verður, en ég er búin að skrá Tíbrá, Týru, Lindu og Gutta, þannig að þetta er nú góður satti.

       Annars lítið um að vera, búið að vera ,,inni" veður í dag en það er svosem ansi oft ,,inni" veður á mínum mælikvarða.

28. jan 2007

       Jæja þá er þessi helgi búin, ég búin að vera frekar léleg í hausnum í dag, sjálfsagt bara til að vera í stíl við hina sem voru á þorrablóti og mættu svo á annann í þorra í gær, held nú samt að þetta hafi lukkast alveg rosalega vel, og allir komið sátti heim, hvort sem þeir komu nú í sínum fötum eða annarra fötum heim af blótinu. Já eða fóru í sínum skóm eða annarra hér á milli húsa í gær, allavega kom leiðangur hér í dag að leita að töpuðum skóm en eitt par fannst hér, hvernig sem það nú komst hingað.

        Það fæddist svo enn nautkálfur í fjósinu í dag, undan fyrsta kálfskvígur sem Guðni Reynir skírði það er kvíguna og hún heitir víst Heimska, og búin að bera þetta nafn í nokkra mánuði, en fékk þetta nafn þegar eitthvað vesen var á henni, veit ekki alveg hvort hún ber nafn með rentu.

27. jan 2007

         Jæja þetta var ekkert smá skemmtilegt þorrablót og við Bjössi komin í þorrablótsnefnd ásamt Steinari og Friðsemd á Syðri Brú, Pálmari og Lindu á Borg og Braga og Áslaugu á Ökrum, aldeilis flottur hópur þetta. Það var tekin rúta á blótið og í þetta sinn ákvað ég að vera bara með í rútunni, en venjulega fer ég bara á mínum bíl til að vera nú ekki bundin.  Held að þetta sé í annað sinn eða allavega hef ég ekki oft farið með rútinu en klárlega er þetta í annað sinn sem rútubílstjórinn sefur yfir sig á Selfossi og við bara bíðum á Borg eftir rútu sem bara kemur ekki, en auðvitað kom hún fyrir rest en þá var nú hópurinn aðeins farinn að þynnast og þeir sem áttu kost á að komast heim voru farnir.

        Í morgun var svo annar í blóti í Miðengi, en sá dagur byrjar á hafragraut og Jagemaster, agalega hollt og gott, Leifa í Klausturhólum sást nú ekki í morgunmatnum þrátt fyrir yfirlýsingar um að mæta hummmm hvað um það.

       Þeir sem voru á blótinu í gær, tóku kannski eftir að það var auglýsti eftir ráðskonum handa Stærri Bæjar bræðrum, fyrir Kalla og Þorkel semsagt, þetta hefur greinilega spurst hratt út því hér í morgungrautin mættu tvær þýskar ,,gellur" á nú eiginlega ekki orð yfir þær en held að myndirnar tali sýnu máli.

        GR fór svo í hafnafjörðinn í dag að keppa í fótbolta held að þeir hafi unni 1-10 það er fyrir Sefoss líklega á móti Haukum sem er nú bara gott.

26. jan 2007

         Þorrablótið er í kvöld og allir voða spenntir, búin að fara í klippinu sem var svo klipping og voða fín hárgreiðsla ekkert smá fín.  Meira á morgun.

24. jan 2007

         Bjössi fór með mér í bæinn í morgun, nokkuð viss um að hann áttaði sig ekkert á því hvað þetta tæki langann tíma hehe, fór semsagt í eitthverkonar skanna þar sem hausinn á mér var víst aðalviðfangsefnið, það rifjaðist upp þegar ég varð hálfheyrnarlaus í nóv þá datt lækninum í hug áfall á ynnra eyra, hvað sem það nú er en það var semsagt viðfangsefnið held ég.  Nú í þessum skanna  á maður að liggja alveg kyrr voða lengi og þar sem ég er rosa flínk í því þá var víst tækifærið notað og græjurnar purfaðar á allann hátt hehe.  Fæ svo ekkert að vita fyrr en í næstu viku en á nú ekki von á að ég verði svosem látinn vita neitt, enda alheilbrigð á sál og líkama eins og allir vita.

      Sigga kom svo heim eftir skóla í dag, mikið er nú gott að fá hana heim, sé alveg fyrir mér að ef börnin færu að heiman mundi við bara leggjast í eymd og volæði en þarf nú ekki að hafa áhyggjur af því alveg strax og kannski bara ekkert, hver veit.

23. jan 2007

        Rok og rigning í dag og ekkert smá rok fannst mér.  Allt að skýrast með þorrablótið, 24 sem fara skilst mér en líklega bara 18 búnir að borga .....vona að því verið kippt í liðinn sem fyrst því það er víst löngu orðið uppselt.

       Þarf svo að fara til Reykjavíkur í fyrramálið í eitthvern hausskanna eða hvað það nú er, þetta tekur nú svo langann tíma að fá svona tíma að maður er löngu orðinn góður og slæmur aftur í hausnum svona á meðan maður bíður eftir tíma en held að eitthver læknir í henni Reykjavík hafi pantað þennann tíma í nóvember, í fyrra sjáði til, en kem sjálfsagt algóð allavega allsgáð út úr þessu, sjáum allavega til nógu skilst mér að þetta sé dýrt allavega.  Var næstum búin að missa út úr mér við aumingja konuna sem hringdi í mig að minna á tímann og sú sagði mér í leiðinni hvað þetta mundi nú kosta, rúmar 17 þúsund krónur ef ég man rétt, en semsagt ég var næstum búin að missa út úr mér ,,eins gott að það finnist nú eitthvað að mér fyrir allann þennann pening" sá nú sem betur fer áður en ég missti þetta úr úr mér að það var eitthvað bogið við þetta, en auðvitað er jú best ef það væri ekkert að mér sem ég er nú nokkuð viss um að verði raunin.  Nema kannski að það uppgvötist eða verði allavega staðfest að það vantar eittnverjar blaðsíður, jafnvel heilu bókarekkana, það kæmi nú ekki á óvart en veit samt ekki hvort það sést í svona skanna.

22. jan 2007

www.kersins.is

     Fékk þá hugmynd að gott væri nú að hafa Kersins hundana á sér síðu þá kannski druslast ég við að uppfæra fyrir hundana.  Talaði við Stjána og spurði hann hvort þetta væri voða flókið að nota bara af miðengissíðunni og setja sér hundasíðu.  Held að msnið hafi bara varla verið komið til hans þegar þetta var bara klár, enda Stjáni bara snillingur, takk fyrir þetta og nú þarf ég bara að átta mig á hvernig ég uppfæri þó það eigi nú að vera eins og miðengissíðan.

21. jan 2007

      Bara letilíf í dag, rétt svona snúið sér á hina hliðina í mesta lagi, og ekkert smá kalt úti, varla hægt að horfa út hvað þá meir fyrir kulda.

20. jan 2007

        Öllum hrossum gefið ormalyf í dag nema Grána veit svosem að það er ekki mjög skynsamlegt að sleppa einum en þeir sem til þekkja vita að þetta er bara varla hægt nema kannski fyrir Emmu sem er svo þrjósk og gott ef hún hafði það ekki af að gefa Grána í fyrra.

        Matarklúbbur í Miðengi í kvöld og tókst svona ljómandi vel, allir mættu nema Mæja og Birgir, en það er bara ansi góð mæting. Svo var étið og spjallað, og spjallað farm til fimm um morguninn held ég bara, og rosa gaman, við Þóra vöktum nú ekki alveg svona lengi hehe

19. jan 2007

Emma á afmæli í dag, til hamingju með daginn.

      Ansi kalt í dag finnst mér, setti inn videó á hestar til sölu, er nú eiginlega alveg hissa að þetta skuli virka hjá mér en nú verð ég greinilega að vanda mig þegar ég tek svona video því ekki kann ég neitt að klippa þetta þannig að það er bara allt sett inn hehe.

      Fórum í þorramat til Tengdó upp í bústað, enn og aftur át maður yfir sig en svona getur þetta verið.

     Það er svo matarklúbbur á morgun, hér hjá okkur Bjössa, brjálað að gera allar helgar í janúar og svo er þorrablótið um næstu helgi og að sjálfssögðu annar í þorrablóti á laugardeginum.

18. jan 2007

Afmælsidagurinn hennar Helgu ömmu í dag hún hefðið líklega orðið 92 ára.

       Það verður matarklúbbur hér á laugardagskvöldið, fór á Selfoss að versla þannig að það verði nú eitthvað til í matinn. Á reyndar eftir að kanna mætinguna en geri það á morgun.

     Tók smá videó af Hugmynd og fór svo út í hesthús og sá Bjössa fara á Hildi sem gekk bara vel en svo fór hann á Litbrá Gustsdóttur það var nú ekki meira en svo að gjörðin næði utan um hana en ég var nú bara rosa kát með það sem ég sá hver veit nema það verði bara vit að sýna hana í vor svona allavega ef hún léttist um helming eða svo.

17. jan 2007

         Fórum að stað héðan um hálfþrjú í nótt en Bjartur II var á leið til Finnlands og þurfti að ná flugi og upplagt að taka mömmu og pabba með í leiðinni því þau voru á leið til Kanarý, veðrið var eigninelga mun betra en við áttum von á og allir komnir tímanlega.  Við Bjössi vorum svo komin heim um hálfsexleitið í morgun.  Nú af Bjart II er það að frétta að hann var kominn til Finnlands um kvöldmatarleitið og farinn að leika við hana Þoku sem er systir Týru minnar, þær eru frá henni Sigríði á Fossi.  Nú svo hef ég ekkert frétt af foreldrum mínum en reikna nú með að þau hafi komist á áfangastað, enda mun vanari að ferðast en Bjartur II.

      Búið að vera frekar leiðinlegt verður í dag, ég var svo heppin að Sverrir átti leið til Reykjavíkur og gat tekið fyrir mig hundafóður þannig að ég slapp alveg við að fara af bæ. 

     Hér fór svo rafmagnið um fimmleitið í dag, og var ekki komið á fyrr en um átta leitið en það rétt datt inn öður hvoru, slapp til að mjólka sem betur fer en þvottur á kerfinu náðist ekki fyrr en eftir átta.  Fannst nú eiginlega verst af öllu, svona fyrir utan áhyggjur af heitavatnsdælunni, að komast ekki á netið til að fylgjast með því hvernig gengi hjá Bjarti II að komast til Finnlands en þetta slapp allt til enda hefði ég svosem ekki getað gert neitt, en þetta var víst spurning um hvort tækist að koma honum yfir á Finnlandsflug en hann millilenti í Svíþjóð en allt hafðist þetta nú.

16. jan 2007

       Ansi mikill snjór finnst mér vona bara að hann fari nú ekki að fjúka mikið. 

       Nú er allt klárt að fara með Bjart II í flug í nótt, vona svo bara að hann nái tengifluginu á milli Stokkhólms og Helsinki, en það hlítur að hafast.

15. jan 2007

     Hefði nú þurft að druslast á Selfoss í dag með pappíra í stimplun áður en hvolpurinn fer út til Finnlands en nennti bara ekki að fara út fyrir dyr.  Ekki enn búin að fá staðfestingu frá Finnair um að þeir séu tilbúnir að taka við hvolpinum í Stokkhólmi og flytja hann til Helsinki, ætla rétt að vona að það komi á morgun því stefnt er á flug á miðvikudagsmorguninn en það verður ekki hægt nema staðfestingin verði komin.  Annars er nú spáin ekki spennandi þarna um nóttina en hvenær hefur þessi spá svosem staðist?

    Aron kom svo með stóra gröfu í dag og gekk frá í kringum gamla braggann þannig að nú á það allt að vera orðið vona fínt enda vanur maður svosem en á nú eftir að fara og skoða þetta svona í nærmynd geri það bara í vor eða sumar hehe

14. jan 2007

      Bara letilíf í dag, svo mikill snjór kominn að GR hélt að hvolparnir mundu bara tínast í hundagirðingunni en svona púðursnjór er nú fljótur að troðast nú og svo voru þeir nú teknir inn svona til að verða ekki of kalt og fá að borða en svo bara út aftur.  Heyrði reyndar rosalæti úti í girðingu og var að spá hver væri nú að missa sig í frekjukasti, það var þá Tíbrá erum við hissa eða hvað? Hún er víst eitthvað að reyna að bögga Týru en græddi lítið á því, Týra fékk bara að fara í fjósið með gömlu hundunum en Tíbrá varð bara að vera úti í girðingu, gott á hana því hún er ansi ákveðin blessunin, veit ekki alveg hvernig ég fer að þegar Linda stækkar.

      Annars bara letilíf í dag.

13. jan 2007

      Mikið um að vera í dag, fór í bæinn í húsdýragarðinn en þar var kynning á Íslenska fjárhundinum, þetta tókst bara mjög vel og heilmargir sem komu að skoða.

       Bragginn og braggahlaðan voru svo brennd í dag, skökkvuliðið ætlaði að nota tækifærið og hafa eitthverja reykköfun held ég, skildist á Dóra að Gestur hafi kveikt í og mátti þakka fyrir að sleppa út úr húsinu áður en það eiginlega sprakk, þannig að nú vita þeir hvernig á ekki að kveikja í húsi.  Setti myndir inn á myndasíðuna mína.

     Þóra kom svo með mér austur og við fórum svo í afmælið hans Árna á Bíldsfelli, þetta var rosalega gaman og tókst ofsalega vel held ég bara, við fórum heim uppúr eitt held ég, dálítil snjókoma og aðeins farið að þyngjast færðin en ekkert sem Partrolinn fann fyrir hehe

12. jan 2007

       Fór á fund í kvöld sem haldinn var að Sólheimum um skólamál, þar kom fram að meirihluti sveitarstjórnar er búinn að segja upp samningum við Bláskógarbyggð í sambandi við skólamál.. oddvitinn var margspurður AF HVERJU en fundarmenn vildu fá  eitthver rök og svarið sem við fengum var ,,Ég trúi því að við getum gert þetta betur"  Hversu vitlaust getur þetta orðið mér er spurn, þetta eru sko engin rök. Þarna kom kona frá Sólheimum í ræðupúlt og hennar málflutningur var á þá leið, að starfsfólk Sólheima ætti að  fara heim að sofa og hún hafði rök fyrir sínu máli en það er bæjarferð á morgun.  Þessi rök skildi ég mjög vel og fannst þetta bara fín rök.  En oddvitinn hefði eins getað sagt af því bara..... það segir alveg það sama og trú...

      En eitthvað skemmitlegt, er að fara í Húsdýragarðinn á morgun með hvolpana kynning á Íslenska hundinum á morgun frá 1400-1600 allir að mæta.

        Það á svo að brenna gamla bragganna og braggahlöðuna á klukkan 1300 á morgun held að það sé slökkvuliðið sem ætlar að nota þetta sem æfingu en auðvitað væri meiri æfing að kveikja fyrst í og svo að hringa í þá í staðinn fyrir að leifa þeim að kveikja í en kannski er villiköttur þarna sem þeir geta æft sig á að bjarga.  Á nú samt ekki von á að það sé köttur þarna en maður veit aldrei.

      Læt svo fylgja hér í lokin ritgerð sem Dóri skilaði af sér í skólann í morgun, en hann átti að skrifa ritgerð um Dalí, læt þetta bara flakka eins og það kom frá honum orðrétt.

Dali..!

Ekki er undur að Dali hafi verið einn frægusutu litsmálara 20 aldarinar.  Málverkin hans eiga að tákna vald eða eitthvað í þá áttina (ekki finnst mér mjög valdandi að horfa á klukkur leka).  Fullt nafn hans er Salvador Felipe Jacinto Dali y Domenech. Hann fæddist þann 11. maí 1904 í Figueras sem er smá bær einhverstaðar á Spáni.  Hann var virtur í heimabæ sínum. Honum var einnig klínt á dauða bróðir síns sem var uppi á milli 1901 og 1903(hvernig meikar þetta sens hann var dauður áður en hinn varð til?) Hann dó úr lungna- og iðrakvefi og heimahimnubólgu .  Hann varð pabbi og afi og barnabörnin hans voru barnabörnin hans.  Hann varð oft fúll fyrir lítis virðingar um bróðir hans og einhverntímann þegar var eitthvað gert í sambandi við bróðir hans sagði hann ,,Á hverjum degi finn ég ráð til að egna Faðir minn til reiði,hræða hann eða auðmýkja, svo hann lítur á mig, son sinn Salvador, sem ógeðfellt og skammalegt fyrirbæri.Ég slæ hann út af laginu. Ég kem honum á óvart, Egni hann og ögra honum meira með hverjum deigi.” Uppreysnar hugur Dalis ölli meðal annras krampaköstum og öskarði á engan eða þóttist missa málið.  Hann henti einu sinni strák fram af hengibrú og sparkaði í hausinn á systur sinni án sýnilegrar ástæðu. Hann stakk einu sinni leðurblöku í sog og beit hana næstum í sundur.Dali fór í skóla í Figueras og lærði þar ekki neitt og eftir þaað fór hann í einka skóla að Nafni Maristamunka þar sem hann lærði litið.Dali hlaut lika styrk frá vin föðurs hans.Lögmann frá Figueras sem hét Pepito Pitxot, en bróðir hans, Ramon, sem var málari í París og hann þekkti Picasso. Dali byrjaði ferilinn sinn ungur eða aðeins 9 ára þegar hann málaði kyrrlífsmynd með kissuberjum, á gamla maðksmogna hurð. Aðeins 14 ára eða sumarið 1917 sýndi hann fyrst málverkin sín á borgaleiksunnu í Figueras. Í sptember árið 1921*fór Dali til Madrid ásamt föður sínum og systur til að sækja um skólavist í frægasta myndlista skóla þessa tíma, að nafni: Listaakademía San Fernando. Frá æsku setti hann listina sér sitt markmið og Faðir hans var mjög glaður yfir að hann ætti sér markmið, en samt gerði hann sér litlar vonir um frama hans á listabrautini. Intökupróf Akademíunar fól meðal annrs sex daga, verkefni að teikningu af gifssteypumynd af eftir Jacopo Sansovino. Dali tóks ekki að teikna myndina rétt út af eikkerju.

Dali var alls ekki sáttur með tilsögninasme hann hlaut við Akademíuna.óánæja Dalis óx mikið haustið 1923 en þá var hann settur í ársbann fyrir agabott. Hann hafði stutt umsókn framsækin, hann sóttist eftir stöðu sem prófesor en þaað fékk hann ekki, og hann sýndi vanþakklæti sitt með því að ganga af fundi þar sem greynt var frá ráðningonum.Árið 1923 hafði hann málað hópmyndir undir sterkum áhrifum Pointillisma og hins flæðandi stíls Matisse. Haustið 1924  sneri hann aftur í nám í Madrid. Í Madrid endurnýjaði Dali vinasambandið sitt við Bunuel og Lorca sem reyndis afar frjótt á sviði listasköpunar og efldi sameiginlega hrifnigu þeirra af súrrealismanum. Samkend .Þeirra leddi lika til þess að Lorca, sem var hommi, varð ástfangin af Dali. Hann kann að hafa verið tvíkynhegður, en alment sinti hann fullnæginguni lítin áhuga, og gat því ekki elskað hinn homman eins og vonir stóðu til. Dali reyndi 2   að leyfa Hommanum að sofa hjá sér en það varð ekkert úr því.Dali hélt fyrstu einka sýninguna hans í Dalmau-salnum í Barcelona í nóvember árið 1925. Hann sýndi 17 nýleg málverk, gagngrínendujr tóku sýninguni mjög vel, en sumur þeirra voru nokkrum vandræðum vandræðum vegna fjölbreytans stíls, eins og nærri má geta. Sýningin varð einnig óbeint til að efla til orðsír Dali í París, því piicasso skoðaði hana og dáðist sérstaklega af mynd af baksvips systur málarans.    


                             
Endir...!                                                                                                                        

 

11. jan 2007

    Ýmislegt í gangi í dag, bæði Sigga og Dóri veik heima þau voru nú samt farin að braggast þegar leið á daginn.

     Fór í nálastungur í morgun og næsta nálastungumeðferð er svo ekki fyrr en eftir hálfann mánuð, þannig er víst farið að þessu þegar eitthver árangur er farinn að sjást.

       Hann Kersins Bjartur II er kominn með heimili að öllum líkindum en hann stefnir á að verða heimsfrægur í Finlandi hjá henni Tiinu, vonast eftir að koma honum í flug eftir helgina.

     Nú og svo er það Húsdýragarðurinn á laugardaginn á milli kl 14 og 16 en þar á held ég að vera kynning á Íslenska fjárhundinum allavega á ég að mæta með hvolpana en þarna á víst að vera slatti af hundum í sem flestum litum er það ekki bara og ég ekki með neitt flekkótt....

      Tíkin sem er svo eftir hér heima og var númer 6, verður bara hér áfram held ég hún er agalega falleg blessunin, er búin að velta mikið fyrir mér hvaða nafn ég á að setja á hana, og fara í marga hringi en fór svo að spá í hver er það sem raðast ansi oft í sæti á þessum hundasýninum....og þá fann ég nafnið  Kersins Linda nokkuð ljóst hehe

10. jan 2007

     Dóri hélt upp á afmælið sitt eftir hádegið í dag og bauð bekknum sínum, þetta voru samtals 9 krakkar og agalega þæg og góð. Allir voru svo sóttir um sexleitið og minn maður ansi uppgefinn eftir daginn held ég með hausverk og eitthvað slappur.  Sigga kom heim eftir skóla í dag og er orðin veik, eitthver hálsbólga að pirra hana en við héldum nú að hér um árið þegar krytlarnir voru teknir væri þetta eitthvað sem ekki þekktist, svona hálsbólga, spurning hvort það eru bara farnir að vaxa nýjir hálskyrtlar í hana hehe

9. jan 2007

     Við Dóri erum búin að vera að reyna að laga eitthvað til í dag, hann meira en ég held ég bara, og ekkert smá fínt að verða herbergið hans sem Sigga átti en nú er hann semsagt búinn að taka hennar herbergi yfir því það er jú ekki sanngjarnt að hún hafi stæðsta herbergið fyrst hún er með annann fótinn á Engjó eða hvað?  En Dóri ætlar að halda upp á afmælið sitt á morgun og bjóða bekknum sínum, þetta verður sjálfsagt rosa stuð, man að í fyrra þá var þetta næstum eini dagurinn í janúar þar sem snjóaði en spáin segir snjókoma á morgun þannig að þetta passar alveg.

      Einn kálfur kom í fjósinu í dag undan fyrsta kálfs kvígu vonandi á hún eftir að virka ágætlega en fruman er búin að vera að stríða okkur dálítið undanfarið, og alveg sama hvaða kusu er kippt úr ekkert virðist fruman lækka, en svona getur þetta gengið.

8. jan 2007

      Ekkert um að vera í dag held ég bara, kalt úti og best að vera inni.  Reyndar byrjaði skólinn hjá Guðna Reyni og Siggu í dag held að þau séu bara bærilega sátt við stundaskrárnar sínar.

     Er mikið að spá í að tryggja mér lénið kersins.is og hafa hundana þar svona svo enginn annar takið þetta lén en sjáum til er ekki alveg að nenna að gera nýja síðu en hver veit.

7. jan 2007

Dóri á afmæli í dag og orðinn 12 ára til hamingju með daginn elsku Dóri!!

      Það var svo matarboð hjá Tótu frænku og Eiríki en að sjálfsögðu var það í tilefni þess að Dóri á afmæli verðum við ekki að ætla það, það var rosagóð mæting fannst mér en maður verður nú að fara að taka sig á í mætingum á mannamót.  Það var kalkún í matinn og alles rosa gott, takk fyrir okkur.

6. jan 2007

       Fór með hest í Austurkot í dag, það liggur við að maður sé á ferðinni þangað annann hvern dag með hross.  Í bakaleiðinni komum við Dóri við hjá Tintron strákunum og Dóri keypti ársbirgðir af hávaða held ég bara, veit nú ekki alveg á hvaða samning hann er hjá strákunum en sjálfsagt verður hann látinn vinna fyrir þessu þegar hann hefur aldur til að vinna í hjálparsveitinni.

     Fórum svo í mat til mömmu og pabba í kvöld, fengum dádýr og ekkert smá gott verð ég bara að segja, spurning um að fara í dádýrarækt það væri bara sniðugt hehe

    Nú og bestu fréttirnar eru það að hér var komið í morgun með undirskriftalista en nú á að fara að pressa á sveitastjórnina halda almennann fund, nóg er maður nú búin að tala um að það þurfi nú eitthvað að gera og loksins tók eitthver sig til, svo er bara að vona að það verði fundur, en samkvæmt fundargerð hreppsnefndar lofaði oddvitinn fundi um skólamál fyrir áramót en ekkert varð af því, nema auðvitað að það hafi verið fundur sem var þá tveggja manna tal, og ekkert boðaður hehe kannski það sé bara málið.

5. jan 2007

       Fórum í Búðardal í morgun lögðum af stað uppúr átta með hana Fylgju en það er hryssa sem hún Gróa ætlar að fá.  Vorum komin um hádegi, hélt bara að ég mundi deyja úr hræðslu í þessari Bröttubrekku en þar var hálka, og við með kerru en auðvitað haggaðist ekki Patrolinn enda á nöglum og alles, var skárra fannst mér í bakaleiðinni.  Vorum komin heim aftur um hálffimm held ég bara, gekk semsagt rosavel.

     Nú það kom svo eitt stykki kvígukálfur í fjósinu í kvöld, sægrá kvíga svona allavega miðað við fyrstu skoðun.

4. jan 2007

        Lítið að frétta nema hvað, haldið þið ekki að Bjössi hafi fundið dauðann kálf út á túni, nýborinn eða þannig síðan í haust.  Það skrýtna við þetta er að það komu kálfar úr ölum kúnum sem voru úti, en við vorum að rifja upp að það var þarna ein sem bara á þessu slóðum með einn dauðann kálf, kannski átti hún bara tvo dauða kálfa...ekki gott að segja.

3. jan 2007

       Búið að vera ansi gott veður í dag.  Lísa sem er hestur var böðuð í dag fyrsta umferð reikna svo með að önnur tilraun verði gerð á morgun og svo verður hún keyrð í Austurkot til Hugrúnar en Lísa er albínóu og finnst best af öllu að leggjast í drulluna og nudda sér upp úr henni þannig að það þarf forþvott og svo aðalþvott og keyra svo hratt svo hún verður ekki eins og upp úr haughúsi í millitíðinni.

        Sigga kom heim í dag og hver veit nema hún stoppi í smá tíma núna en það fer svo að styttast í að skólinn byrji aftur hjá þeim Siggu og GR en Dóri greyið byrjar á morgun, hann er nú samt búin að reyna að sannfæra mig um að skólinn byrji ekki fyrr en á föstudag og ég var næstum búin að trúa honum.

    Elísa og Gulla frænkur mínar Snæbjörnsdætur komu í heimsókn í dag ásamt litlu stelpunni hennar Gullu sem heitir Snædís Birna.  Þær héldu systurnar að þær gætu komið að skoða hvolpana og farið tómhentar heim hehe en auðvitað heillaði Elding þær upp úr skónum með prúðmannlegri framkomu hehe hef nú grun um að þær hafi kannski innst inni vitað að þetta gæti farið svona.

      GR og Sigga fóru svo á Selfoss undir kvöld en GR þurfti á æfingu og Sigga eitthvað að snúast eins og gengur.

2. jan 2007

    Búið að vera hálf leiðinlegt verður í dag eða þannig svona næstum rigning en samt næri frostmark þannig að það er sjálfsagt mikil hálka.  Mitt fólk fór samt á hestbak og gekk bara vel held ég, og viti menn Sigga meira að sejga heima en það entist nú ekki lengi því hún var farin fyrir klukkan 1600 á Selfoss aftur. 

       Nú fékk frábærar fréttir úr hundheiminum en hann Kersins Garpur sem er undan Doppu Dóru og Ýrar Akk var að fá mjaðmaniðurstöðuna sína og hann er HD A eins og Tíbrá, þannig að hann er bara klár í ræktun því það er búið að augnskoða hann og hann er í lagi þar.  Ekki veitir íslensku deildinni á því að það bætist aðeins við þá hunda sem eru fríir og sérstaklega að það komi inn hundar sem er búið að augnskoða því þó þeir séu til og jafnvel HD fri þá vantar stundum að það sé búið að augnskoða, sá líka á díf síðunni að það er nýlega komin HD niðurstaða á Hrafnatófta Töfra og hann er líka frír.  Annar undan Ýrar Akk og hinn undan Hektor nú er bara að vona að það fari að koma fram eitthvað nýtt sem er lítið skylt Akk og Hektor, því við verðum jú að passa að mála okkur ekki út í horn og allt verði of skylt.  Finnst nú að ansi mikið af okkar hundum séu annað hvort með Akk eða Hektor á bakvið sig, til dæmis hvolparnir sem ég er með eiga Hektor sem langafa.  Held samt að hún Silla á Akureyri eigi von á hvolpum undan Urði sem hafa hvorki Akk né Hektor í sinni ættbók...spennandi held ég bara.  Annars eru 5 got á díf síðunni og öll með annaðhvort Akk eða Hektor í sinni ættbók og svo eitt got til sem ég veit um sem er með Akk, þannig að það verður gott að fá eitt got með eitthverju öður en þeim tveimur, en eðlilega eru þeir notaðir þar sem þetta eru gullfallegir hundar verð ég að segja. 
    Held reyndar að það hafi ekki komið HD fri og jafnvel bara enginn hundur úr mjaðmamyndatöku síðan í mars 2006 sem er ekki undan eða útaf Akk eða Hektor.

1. Jan  2007

Gleðilegt nýtt ár!!

Og hann Bjössi minn á afmæli í dag 44 ára til hamingju með daginn.

       Öll hross heima í morgun nema Faxi gamli hann ákvað að stökkva út úr gerðinu, held nú samt að hann hafi ekki farið neitt af bæ.

       Bjössi fór aðeins á bak Neista en Neisti er búinn að vera í langri pásu síðan hann fór í hnikkingu hér í haust, þetta lítur bara vel út klárinn gefur bakið bara fínt.

Miðengi | Fréttir 2017 | fréttir 2016 | Fréttir 2015 | Fréttir 2014 | Fréttir 2013 | Fréttir 2012 | Fréttir 2011 | Frettir 2010 | Fréttir 2009 | Fréttir 2008 | Fréttir 2007 | Fréttir 2006 | Fréttir 2005 | Fréttir 2004 | Fréttir 2003