Uppfærsla á börnunum 29.ágúst. 2010

               Lítið að frétta af Guðna Reyni en hann er nýbyrjaður að halda girðingunum við vegina við, þetta er þá á vegum hreppsins og eða vegagerðarinnar, alveg ágætis vinna.  Nú svo fer sláturtíðin að byrja og að vanda verður Guðni Reynir í réttinni þar.  Hann á svo enn sína Rebekku en þau eru agalega sæt saman ja nema kannski þegar Chelsea og Man. Utd keppa þá er friðurinn úti  (uppfært 29.ágúst. 2010)

       Guðni Reynir heldur enn með Chelsea í ensku og fylgist enn ekki mikið með  boltanum hér heima ja nema kannski Hvöt en krakkarnir hér í sveitinni hafa verið að reyna að halda úti liði í Sunnlensku deildinni.  Held að áhuginn á  búskapnum hafi frekar aukist heldur en hitt og enn fylgja honum allir þessir hundar nema Prins junior sem er fluttur til Ameríku.  Hann var að vinna í réttinni í SS í haust og kann vel við sig þar.  Nú svo er hann komin með kærustu hana Rebekku Lind sem er alveg yndisleg stelpa, og deilir áhuga sínum með Guðna Reyni á skepnunum og fótboltanum þó svo hún haldi nú með Man.Utd  og mig grunar að því verði ekki breytt ;)  (uppfært 1.jan. 2010)

Guðni Reynir er elstur fæddur 19 mars 1989, hann er með  fótboltadellu, heldur með Chelsea í ensku en fylgist ekki eins mikið með þeim Íslenska.  Hann æfir fótbolta með UMF Hvöt og lætur það duga í bili.  Hann hefur svo afskaplega mikinn áhuga á búskapnum, og alltaf fylgja honum  fjórir til fimm hundar þegar hann er að brasa eitthvað úti, Voði, Glampi, Gutti, Týra já og Prins junior það má nú ekki minna vera.  Guðni Reynir er búinn að kaupa sér Toyota Hilux og setja fjárgrind aftaná bílinn og alsæll.  Núna haustið 2008 er hann að vinna í SS á Selfossi og er í réttinni.   (uppfært 7. okt. 2008)

      Sigga búin að vera heima í sumar að snúast í kringum mömmu sína  :) í kringum hrossin og það sem til fellur.  Hún og Dóri fóru til Ameríku í 2 vikur í sumar og það var algjört æði skilst mér.  Nú er svo skólinn að byrja en Sigga ákvað að reyna við Lögfræðina í HÍ :) (uppfært 29.ágúst. 2010)

Sigga er enn í FSu og klárar núna vorið 2010, þá er stefnan tekin á framhaldsnám en hvað það verður og hvar er ekki ákveðið en eitthvað tengt lögfræði er í myndinni þessa dagana og klárlega skóli á Íslandi hvort sem það verður nú HÍ eða Bifröst já eða hver veit hvað.   Áhuginn á hestunum er enn til staðar og var hún hér heima í sumar og sá um hestaleiguna, veit ekki alveg hvað verður næsta sumar en held að hestaleigan gæti passað vel (uppfært 1.jan. 2010)

     Sigga er  fædd 18 maí 1990, Sigga hefur áhuga á hestum nú og að vera bara til, alltaf að vinna nú eða að flækjast með vinkonum sínum . Sigga er enn dálítið óráðin með hvað hún ætlar að læra í framtíðinni en er samt klár á því að hún ætlar að læra, en hún veit að það er jú málið að læra eitthvað og þar sem nám liggur vel við hjá henni þá ætti það ekki að vera vandamál. Sigga stundar nám á Viðskipta og hagfræðibraut í FSu. (uppfært 7. okt 2008)

 Dóri byrjaður í skólanum í Reykholti og er þetta síðasti veturinn hans þar, nú svo tekur framhaldsskólinn við.  Dóri er búinn að vera að vasast í hrossum hér heima í sumar en ekki getað gert eins mikið og vonir stóðu til þar sem hrossin eru búin að vera ansi veik hér eins og annarsstaðar en vonandi fer þetta að lagast.  (uppfært 29.ágúst          . 2010)    

       Þá er það hann Dóri, hann er í skólanum í Reykholti og í 9. bekk og kann bara vel við sig, held að hann kunni allstaðar vel við sig og gengur bara vel.  Það hefur svosem lítið breyst síðan haustið 2008 hann er enn mikill kvennamaður að eigin sögn allavega, áhuginn á hestum hefur aukist til muna og nú þorir enginn að gera neitt hér með hross nema fá leifi hjá Dóra, ég fæ varla orðið að ráða undir hvaða hesta hryssurnar mínar fara.  Hann var að vinna í Hemlu hjá Vigni og Lottu síðasta sumar og var alsæll á hestbaki allann daginn held ég bara og lærði helling. (uppfært 1.jan. 2010)

       Halldór er yngstur fæddur 7 janúar 1995.  Agalegur grallari, og mikill kvennamaður skilst mér. Hann hefur mikinn áhuga á hestum og allt sem hægt er að gera á traktór heillar hann.  Dóri getur ekki beðið eftir að verða fullorðinn.  Dóri er í grunnskólanum að Ljósuborg.  (uppfært 7. okt 2008)